ಜ್ಞಾನತ್‌ರ ಪಡಿಮ 15:33 - ಕೊಡವ ಬೈಬಲ್

³³ ಯೆಹೋವಂಗ್‌ ಬೊತ್ತಿತ್‌ ನಡ್‌ಂದ್‌ತೇಂಗಿ, ಅದ್‌ ಜ್ಞಾನತ್‌ನ ಬೋದನೆ ಮಾಡುವ; ಗನಪಡ್‌ವಕ್‌ ಮಿಂಞ ತಗ್ಗಿತ್‌ ನಡ್‌ಕಂಡು.

ಜ್ಞಾನತ್‌ರ ಪಡಿಮ 15:33 ပူးပေါင်းရင်းမြစ်များ

ಎಸ್ತೆರ್‌ 2:15

ಮೊರ್ದೆಕೈಯಂಡ ಚಾಕ್‌ ಮೋವಳು ಅಂವೊಂಡ ಕುಂಞಪ್ಪನಾನ ಅಬೀಹೈಲಂಡ ವೋವಳು ಆನ ಎಸ್ತೇರ್‌ ರಾಜಂಡ ಪಕ್ಕ ಪೋಪಕ್‌ ಪೆದ ಬಪ್ಪಕ, ಅವ ಮನೇನ ಕಾಪಂವೊನಾನ ಹೇಗೈ ಎಣ್ಣುವ ಶಿಕಂಡಿ ಗೊತ್ತ್‌ ಮಾಡ್‌ನದ್‌ನ ಅಲ್ಲತೆ ಬೋರೆ ಒಂದೂ ಕ್‍ೕಟಿತ್‌ಲ್ಲೆ. ಇದ್‌ಲ್ಲತೆ ಎಸ್ತೇರ್‌ನ ನೋಟ್‌ನಯಿಂಗ ಎಲ್ಲಾಡ ದಯೆ ಅವಕ್‌ ಕ್‌ಟ್ಟ್‌ಚಿ.

ಜ್ಞಾನತ್‌ರ ಪಡಿಮ 1:2

ಈ ಜ್ಞಾನತ್‌ರ ಪಡಿಮರ ಮೂಲಕ ಜ್ಞಾನತ್‌ನ, ಬೋದನೆನ ಅರ್‌ಂಜಂಡ್, ಬುದ್ದಿನ ಅರ್ಥ ಮಾಡುವಕ್‌ ಆಪ.

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 15:32

ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.

ಜ್ಞಾನತ್‌ರ ಪಡಿಮ 16:1

ಮನಸ್ಸ್‌ರ ಯೋಜನೆ ಮನುಷ್ಯಂಗಡದ್. ನಾವ್‌ಕ್‌ ಸೆರಿಯಾನ ಜವಾಬ್ ಕೊಡ್‌ಪಂವೊ ಯೆಹೋವನೇ.

ಜ್ಞಾನತ್‌ರ ಪಡಿಮ 18:12

ನಾಶ ಬಪ್ಪಕ್‌ ಮಿಂಞ ಬಲ್ಯರಿಕೆ ಬಪ್ಪ; ತಗ್ಗಿತ್‌ ನಡ್‌ಪ್ಪದ್‌ ಗನಪಡ್‌ವಕ್‌ ಮಾಡುವ.

ಜ್ಞಾನತ್‌ರ ಪಡಿಮ 29:23

ಮನುಷ್ಯಂಡ ಆಂಗಾರ ಅಂವೊನ ತಗ್ಗ್‌ಚಿಡುವ. ಆಚೇಂಗಿ ಮನಸ್ಸ್‌ ತಗ್ಗಿತ್‌ ಉಳ್ಳಂವೊಂಗ್‌ ಗೌರವ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 8:13

ಯೆಹೋವಂಗ್‌ ಪೋಡಿಚಿಡುವಯಿಂಗ ಪಾಪತ್‌ನ ದ್ವೇಷ ಮಾಡುವ. ನಾನ್‌ ಹಮ್ಮ್‌ನ, ಗರ್ವತ್‌ನ, ಕ್‍ೕಡಾನ ಬಟ್ಟೆನ, ಕಪಟ ತಕ್ಕ್‌ನ ದ್ವೇಷ ಮಾಡುವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:11

ನಿಂಗ, ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪ.

ಯಾಕೋಬ 4:10

ದೇವಡ ಮಿಂಞತ್‍ಲ್ ತಾಳ್ಮೆಲ್ ಇರಿ, ಅಕ್ಕ ನಿಂಗಳ ದೇವ ಮಿಂಞಕ್ ಎಡ್‌ತ ಪೋಪ.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.