ಜ್ಞಾನತ್‌ರ ಪಡಿಮ 15:27 - ಕೊಡವ ಬೈಬಲ್

²⁷ ಅತಿ ಆಸೆ ಉಳ್ಳಂವೊ ತಾಂಡ ಮನೆಕಾರಕ್‌ ತೊಂದರೆ ಎಡ್‌ತಂಡ್‌ ಬಪ್ಪ. ಆಚೇಂಗಿ ಲಂಚತ್‌ನ ದ್ವೇಷ ಮಾಡ್‌ವಂವೊ ದುಂಬ ಕಾಲ ಬದ್‌ಕ್‌ವ.

ಜ್ಞಾನತ್‌ರ ಪಡಿಮ 15:27 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:19

ಐಷ್ವರ್ಯತ್‌ರ ಮೇಲೆ ಬೋಂಡತ ಆಸೆ ಬೆಚ್ಚಿತುಳ್ಳಯಿಂಗಡ ಗತಿ ಇನ್ನನೆ ಇಪ್ಪ; ಅಯಿಂಗಡ ಜೀವತ್‌ನ ಅದೇ ಎಡ್‌ತ್‌ರ್‌ವ.

ಜ್ಞಾನತ್‌ರ ಪಡಿಮ 11:19

ನೀತಿರ ಬಟ್ಟೆಲ್‌ ನಡ್‌ಪಕ್‌ ಸಿದ್ದವಾಯಿತ್‌ ಇಪ್ಪಂವೊಂಗ್‌ ಜೀವ ಕ್‌ಟ್ಟುವ. ಆಚೇಂಗಿ ಕ್‍ೕಡಾನ ಬಟ್ಟೆಲ್‌ ನಡ್‌ಪಂವೊಂಗ್‌ ಚಾವ್.

ಜ್ಞಾನತ್‌ರ ಪಡಿಮ 11:29

ತಾಂಡ ಕುಟುಂಬಕ್‌ ತೊಂದರೆ ಎಡ್‌ತಂಡ್‌ ಬಪ್ಪಂವೊಂಡ ಪಾಲ್‌ಕ್‌ ಕ್‌ಟ್ಟೋದ್‌ ಗಾಳಿಯೇ. ಮೂಡ ಜ್ಞಾನ ಉಳ್ಳಂವೊಂಗ್‌ ಸೇವೆ ಮಾಡುವ.

ಜ್ಞಾನತ್‌ರ ಪಡಿಮ 15:26

ದುಷ್ಟಂಗಡ ಯೋಜನೆ ಯೆಹೋವಂಗ್‌ ಅಸಹ್ಯ. ಆಚೇಂಗಿ ಕನಿಕರತ್‌ರ ತಕ್ಕ್‌ ಅಂವೊಂಗ್‌ ಸುಕ ತಪ್ಪ.

ಜ್ಞಾನತ್‌ರ ಪಡಿಮ 20:21

ಬದ್‌ಕ್‌ರ ಸುರುಲ್‌ ಕ್‌ಟ್ಟ್‌ನ ಬಾದ್ಯತೆಕ್‌ ಕಡೆಲ್‌ ಆಶೀರ್ವಾದತ್‌ನ ತಪ್ಪ್‌ಲೆ.

ಜ್ಞಾನತ್‌ರ ಪಡಿಮ 23:4

ಐಶ್ವರ್ಯವಂತನಾಂಡೂಂದ್‌ ನಯಿಚಿತ್‌ ಪ್ರಯತ್‌ನ ಪಡತೆ; ನೀಡ ಸ್ವಂತ ಬುದ್ದಿರ ಮೇಲೆ ನಂಬಿಕೆ ಇಡತೆ.

ಜ್ಞಾನತ್‌ರ ಪಡಿಮ 28:16

ವಿವೇಕಯಿಲ್ಲತ ಅದಿಪತಿ ಬಲ್ಯ ಹಿಂಸೆಗಾರ. ಅನ್ಯಾಯತ್‌ಲ್‌ ಸಂಪಾದನೆ ಮಾಡುವಕ್‌ ಆಸೆಪಡತ ಅದಿಪತಿ ದುಂಬ ಕಾಲ ಬದ್‌ಕ್‌ವ.

ಜ್ಞಾನತ್‌ರ ಪಡಿಮ 28:25

ಅತಿ ಆಸೆ ಉಳ್ಳಂವೊ ಜಗಳತ್‌ನ ಸುರುಮಾಡುವ. ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಬೆಪ್ಪಂವೊ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 29:4

ನ್ಯಾಯವಾಯಿತ್‌ ಆಳುವ ರಾಜ ದೇಶತ್‌ನ ಸ್ತಿರಪಡ್‌ತುವ. ಆಚೇಂಗಿ ಲಂಚ ಎಡ್‌ಪಕ್‌ ಕುಶಿಪಡುವಂವೊ ಅದ್‌ನ ನಾಶ ಮಾಡಿರುವ.

1 ತಿಮೊಥೆಯ 6:10

ದುಡ್ಡ್‌ರ ಮೇಲೆ ಉಳ್ಳ ಪ್ರೀತಿ ಎಲ್ಲಾ ತರ ಕ್‍ೕಡ್‍ಕ್ ಮೂಲ ಕಾರಣವಾಯಿತುಂಡ್. ಚೆನ್ನ ಜನ ದುಡ್ಡ್‌ರ ಮೇಲೆ ಉಳ್ಳ ಅತಿ ಆಸೆರಗುಂಡ್ ದೇವಡ ಮೇಲೆ ಉಳ್ಳ ನಂಬಿಕೇನ ಬುಟ್ಟಿತ್, ದುಂಬ ನೊಂಬಲತ್‍ಲ್ ಅಯಿಂಗಳ, ಅಯಿಂಗಳೇ ಕುತ್ತಿಯಂಡುಂಡ್.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.