15 ಗರೀಬಂಡ ದಿವಸವೆಲ್ಲ ಕಠಿಣವಾಯಿತ್ಪ್ಪ. ಆಚೇಂಗಿ ಕುಶೀರ ಮನಸ್ಸ್ ಉಳ್ಳಂವೊಂಗ್ ಎಕ್ಕಾಲು ಗದ್ದಾಳ.
ಅಂವೊಂಡ ಕ್ಣ್ಣ ಮಕ್ಕ ಪಿಂಞ ಮೂಡಿ ಮಕ್ಕಯೆಲ್ಲ ಅಂವೊನ ಸಮಾದಾನ ಪಡ್ತ್ವಕ್ ನೋಟ್ಚಿ. ಆಚೇಂಗಿ ಸಮಾದಾನ ಆಪಕ್ ಅಂವೊ ಬುಟ್ಟಿತ್ಲ್ಲೆ. ಅಂವೊ: ನಾನ್ ಇನ್ನನೆ ದುಃಖ ಪಟ್ಟಂಡ್ ನಾಡ ಮೋಂವೊಂಡ ಪಕ್ಕ ಪೋಯಿತ್ ಎತ್ತುವೀಂದ್ ಎಣ್ಣ್ಚಿ. ಇನ್ನನೆ ಅಪ್ಪ ತಾಂಡ ಮೋಂವೊಂಗಾಯಿತ್ ಮೊರ್ಟಂಡಿಂಜತ್.
ಅದ್ಂಗ್ ಯಾಕೋಬ: ನಾನ್ ಪರದೇಶೀಯಾಯಿತ್ ಪ್ರಯಾಣ ಮಾಡ್ನ ಕಾಲ ನೂಟ್ಯ ನುಪ್ಪದ್. ನಾಡ ಆಯಸ್ಸ್ ಕಾಲ ಕಮ್ಮಿಯು ಕಷ್ಟ ದುಂಬ್ನದು ಆಯಿತ್ಂಜತ್. ಆಚೇಂಗಿಯು, ನಾಡ ಮುತ್ತಜ್ಜಂಗ ಪರದೇಶಿಯಾಯಿತ್ ಪ್ರಯಾಣ ಮಾಡ್ನ ಕಾಲತ್ನ ನೋಟ್ಚೇಂಗಿ ನಾಡದ್ ಕಮ್ಮಿ ಆಯಿತುಂಡ್ೕಂದ್ ಫರಹೋನಂಗ್ ಎಣ್ಣ್ಚಿ.
ಮನಸ್ಸ್ರ ಬಲ್ಯ ಕುಶಿ ಮೂಡ್ಲ್ ಎದ್ದಿತ್ ಕಾಂಬ. ಆಚೇಂಗಿ ಮನಸ್ಸ್ರ ದುಃಖತ್ಂಜ ಆತ್ಮ ಜಜ್ಜಿತ್ ಪೋಪ.
ವಿವೇಕ ಉಳ್ಳಂವೊಂಡ ಮನಸ್ಸ್ ಅರಿವುನ ತ್ೕಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್ನ ಮೇಪ.
ತೊಂದರೆ ಕೂಡ್ನ ದುಂಬ ಐಶ್ವರ್ಯತ್ನ ಬೆಚ್ಚಂಡಿಪ್ಪಕಿಂಜಿ ಯೆಹೋವಂಗ್ ಬೊತ್ತಿತ್ ಚೆನ್ನಂಗೇ ಬೆಚ್ಚಂಡಿಪ್ಪದ್ ಮೇಲ್.
ವಿವೇಕ ಉಳ್ಳಂವೊಂಗ್ ವಿವೇಕವೇ ಜೀವತ್ರ ಬುಗ್ಗೆ ಆಯಿತ್ಪ್ಪ. ಆಚೇಂಗಿ ಮೂಡಂಗಕ್ ಅಯಿಂಗಡ ಮೂಡತನತಿಂಜಲೇ ಶಿಕ್ಷೆ ಕ್ಟ್ಟುವ.
ಮನಸ್ಸ್ರ ಸಂತೋಷ ಒರ್ ನಲ್ಲ ಮದ್ದ್. ಆಚೇಂಗಿ ಆತ್ಮತ್ರ ದುಃಖ ಮೂಳೆನ ಕೀವ್ಚಿಡುವ.
ನಡ್ಪಾದ್ರೆಲ್, ಪೌಲ ಪಿಂಞ ಸೀಲ, ಪ್ರಾರ್ಥನೆ ಮಾಡಿಯಂಡ್, ಪಾಟ್ ಪಾಡಿತ್ ದೇವನ ತುದಿಚಂಡಿಂಜತ್; ಜೈಲ್ಯಿಂಜ ಬೋರೆ ಕೈದಿಯಳು ಅದ್ನ ಕ್ೕಟಂಡ್ ಇಂಜತ್.
ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್ವದ್ಲ್ ಸ್ತಿರವಾಯಿತ್ ಮಾಡಿಯಂಡಿರಿ.
ಅದಲ್ಲತೆ, ನಂಗಕ್ ಇಕ್ಕ ವಿರೋದತ್ನ ನೀಕಿತ್ ಸಮಾದಾನ ಕ್ಟ್ಟುವಕ್ ಮಾಡ್ನ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ದೇವಡ ವಿಷಯತ್ನ ಹೊಗಳಿಯಂಡುಂಡ್.
ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್ಲ್ ನಡ್ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್ಲ್ ನಡ್ಂದತ್ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.
ಅದ್ ಎನ್ನನೆ ಎಣ್ಣ್ಚೇಂಗಿ, ಕ್ರಿಸ್ತಂಡ ಕಷ್ಟ ನಂಗಡಲ್ಲಿ ಎನ್ನನೆ ಜಾಸ್ತಿ ಆಯಂಡುಂಡೊ ಅನ್ನನೆ ಕ್ರಿಸ್ತನಗುಂಡ್ ನಂಗಕ್ ಸುಕವೂ ಜಾಸ್ತಿ ಆಯಂಡುಂಡ್.
ದುಃಖತ್ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್ಚಿಟ್ಟಂಡುಂಡ್.
ಆಚೇಂಗಿ, ಕ್ರಿಸ್ತಂಡ ಕಷ್ಟತ್ಲ್ ನಿಂಗ ಪಾಲ್ದಾರಂಗಳಾಯಿತ್ ಉಳ್ಳಿರಾಂದ್ ಅದ್ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.