ಜ್ಞಾನತ್‌ರ ಪಡಿಮ 14:32 - ಕೊಡವ ಬೈಬಲ್

³² ದುಷ್ಟ ತಾನ್‌ ಮಾಡುವ ಕ್‍ೕಡ್‌ಯಿಂಜಲೇ ನಾಶ ಆಯಿ ಪೋಪ. ಆಚೇಂಗಿ ನೀತಿವಂತಂವೊಂಗ್‌ ಚಾವ್‌ರ ನೇರತು ನಂಬಿಕೇಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 14:32 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:18

ಯೆಹೋವನೇ, ನಾನ್‌ ನೀಡ ರಕ್ಷಣೆಕಾಯಿತ್‌ ಪಾರಕಾತಂಡುಳ್ಳ.

ಜ್ಞಾನತ್‌ರ ಪಡಿಮ 11:5

ಸತ್ಯತ್‌ಲ್‌ ನಡ್‌ಪಂವೊಂಡ ನೀತಿ, ಅಂವೊಂಡ ಬಟ್ಟೆನ ಚಾಯಿ ಮಾಡುವ. ಆಚೇಂಗಿ ದುಷ್ಟ, ತಾಂಡ ದುಷ್ಟತನತ್‌ಂಜ ಬುದ್ದ್ ಪೋಪ.

ಜ್ಞಾನತ್‌ರ ಪಡಿಮ 14:33

ಬುದ್ದಿವಂತಂವೊಂಡ ಹೃದಯತ್‌ಲ್‌ ಜ್ಞಾನ ವಾಸ ಮಾಡುವ. ಆಚೇಂಗಿ ಮೂಡಂಗಡ ಹೃದಯತ್‌ಲ್‌ ಜ್ಞಾನ ವಾಸ ಮಾಡುವಕ್‌ ಕೈಯುಲೆ.

ಜ್ಞಾನತ್‌ರ ಪಡಿಮ 24:16

ಎನ್ನಂಗೆಣ್ಣ್‌ಚೇಂಗಿ ನೀತಿವಂತಂವೊ ಏಳ್‌ ಕುರಿ ಬುದ್ದತೇಂಗಿಯು ಪುನಃ ಎದ್ದಿತ್‌ ನಿಪ್ಪ. ಆಚೇಂಗಿ ದುಷ್ಟಂಗ ಕ್‍ೕಡ್‌ಲ್‌ ಬುದ್ದಿತ್‌ ಅನ್ನೆನ ಇಪ್ಪ.

ಜ್ಞಾನತ್‌ರ ಪಡಿಮ 5:22

ಒರ್‌ ದುಷ್ಟ ಅಂವೊ ಮಾಡ್‌ವ ಕ್‍ೕಡಾನ ಕಾರ್ಯತ್‌ಂಜಲೇ ಚಿಕ್ಕಿತಿಪ್ಪ, ಅಂವೊ ಮಾಡ್‌ವ ಪಾಪತ್‌ರ ಕಾರ್ಯವೇ ಅಂವೊನ ಪುಡ್‌ಚಿತಿಪ್ಪ.

ಜ್ಞಾನತ್‌ರ ಪಡಿಮ 6:15

ಆನಗುಂಡ್, ಇಂಜನೆಕೆ ಅಂವೊಂಗ್‌ ಅಪಾಯ ಬಪ್ಪ. ಸಹಾಯ ಇಲ್ಲತೆ ಇಂಜನೆಕೆ ನಾಶ ಆಯಿ ಪೋಪ.

ಯೋಹಾನ 8:21

ಯೇಸು ಇಂಞು ಅಯಿಂಗಳ ನೋಟಿತ್: ನಾನ್ ಪೋಪಿ, ನಿಂಗ ನನ್ನ ತ್‍ೕಡ್‌ವಿರ. ಆಚೇಂಗಿ ನಾನ್ ಪೋಪ ಜಾಗಕ್ ನಿಂಗ ಬಪ್ಪಕ್ ಕಯ್ಯುಲೆ; ನಿಂಗ ನಿಂಗಡ ಪಾಪತ್‍ಲ್ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ಯೋಹಾನ 8:24

ಅದ್ಂಗಾಯಿತೇ, ನಿಂಗ ನಿಂಗಡ ಪಾಪತ್‍ಲ್ ಚಾವೀರಾಂದ್ ಎಣ್ಣಿಯೆ; ನಾನೇ ಅಂವೋಂದ್ ನಿಂಗ ನಂಬತೆ ಪೋಚೇಂಗಿ, ಕಂಡಿತವಾಯಿತ್ ನಿಂಗಕ್ ಮನ್ನಿಪ್ ಕ್‍ಟ್ಟತೆ ಚತ್ತ್ ಪೋಪಿರಾಂದ್ ಎಣ್ಣ್‌ಚಿ.

ರೋಮ್ 9:22

ಆಚೇಂಗಿ, ದೇವ ಅಂವೊಂಡ ಚೆಡಿನ ಕಾಂಬಿಚಿಡುವಕ್, ತಾಂಡ ಶಕ್ತಿನ ಕಾಟ್‌ವಕಾಯಿತ್ ಯೆಹೂದ್ಯಂಗಡಲ್ಲಿ ಮಾತ್ರ ಅಲ್ಲತೆ, ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್ಂಜ ಸಹ ನಂಗಳ ಕಾಕ್‍ಚಿ.

2 ಕೊರಿಂಥ 1:9

ನಂಗ ಎಲ್ಲಾರು ಚತ್ತ್ ಪೋಪಾಂದ್ ಗೇನ ಮಾಡ್‍ಚಿ. ಆಚೇಂಗಿ, ನಂಗ ನಂಗಡ ಮೇಲೆ ನಂಬಿಕೆ ಬೆಕ್ಕತೆ, ಚತ್ತಯಿಂಗಳ ಜೀವವಾಯಿತ್ ಎಪ್ಪ್‌ಚಿಡುವ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ನಂಗಕ್ ಅನ್ನನೆ ನಡ್ಂದತ್.

2 ಕೊರಿಂಥ 5:8

ನಂಗ ದೈರ್ಯವಾಯಿತ್ ಇಂಜಿತ್, ಈ ತಡೀನ ಬುಟ್ಟಿತ್ ಪೋಯಿತ್, ಒಡೆಯಂಡ ಕೂಡೆ ವಾಸ ಮಾಡ್‌ವಕ್ ದುಂಬ ಆಸೆ ಪಟ್ಟಂಡುಂಡ್.

ಫಿಲಿಪ್ಪಿ 1:21

ನಾನ್ ಬದ್‍ಕಿಯಂಡುಳ್ಳೇಂಗಿ ಅದ್ ಕ್ರಿಸ್ತಂಗಾಯಿತ್, ಚತ್ತತೇಂಗಿ ಇಂಞು ನಾಕ್ ನಲ್ಲದ್.

ಫಿಲಿಪ್ಪಿ 1:23

ಎನ್ನಂಗೆಣ್ಣ್‌ಚೇಂಗಿ ಈ ದಂಡ್ ಆಸೆರ ಮದ್ಯತ್‍ಲ್ ನಾನ್ ಚಿಕ್ಕಿಪೋಯಿತುಳ್ಳ.

1 ಥೆಸಲೊನೀಕ 5:3

ಜನ ಸಮಾದಾನ ಉಂಡ್‍ೕಂದು, ಒರ್ ತೊಂದರೆಯು ಇಲ್ಲೇಂದು ಎಣ್ಣುವಕ, ಒರ್ ಪೊಣ್ಣಾಳ್‌ಕ್ ಪೆರುವ ನೊಂಬಲ ಎನ್ನನೆ ಒಮ್ಮಕೆ ಬಪ್ಪ, ಅನ್ನನೆ ಅಯಿಂಗಡ ಮೇಲೆ ನಾಶ ಬಪ್ಪ; ಅಕ್ಕ ದಾರೂ ತಪ್ಪ್‌ಚಿಡ್‌ವಕ್ ಕಯ್ಯುಲೆ.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.