ಜ್ಞಾನತ್‌ರ ಪಡಿಮ 14:3 - ಕೊಡವ ಬೈಬಲ್

³ ಮೂಡಂಡ ಬಡಾಯಿ ತಕ್ಕ್‌ ಅಂವೊಂಗ್‌ ಪೊಯ್ಯಿತ್‌ ಕ್‌ಟ್ಟ್‌ವಕ್‌ ಕಾರಣ ಆಪ. ಆಚೇಂಗಿ ಜ್ಞಾನಿರ ತಕ್ಕ್‌ ಅಂವೊನ ಕಾಪಾಡುವ.

ಜ್ಞಾನತ್‌ರ ಪಡಿಮ 14:3 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:6

ದುಷ್ಟಂಗಡ ತಕ್ಕ್‌ ಬೋರೆಯಿಂಗಳ ಕೊಲ್ಲ್‌ವಕ್‌ ಪದ್‌ಂಗಿ ಇಪ್ಪನೆಕೆ ಇಪ್ಪ. ಆಚೇಂಗಿ ಸತ್ಯವಂತಯಿಂಗಡ ತಕ್ಕ್‌ ಅಯಿಂಗಳ ಕಾಪಾಡುವ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 14:4

ಎತ್ತುವ ಇಲ್ಲತ ಕೊಟ್ಟ್‌ ಶುದ್ದ ಆಯಿತ್‌ಪ್ಪ. ಆಚೇಂಗಿ ಎತ್ತ್‌ರ ಶಕ್ತಿಯಿಂಜಲೇ ಬಲ್ಯ ಬೊಳೆ ಇಪ್ಪ.

ಜ್ಞಾನತ್‌ರ ಪಡಿಮ 18:6

ಮೂಡಂಡ ತಕ್ಕ್‌ ಜಗಳತ್‌ನ ಉಂಟ್ ಮಾಡುವ. ಅಂವೊಂಡ ಬಾಯಿ ಪೊಯ್ಯಿತ್‌ ಕ್‌ಟ್ಟ್‌ವಕ್‌ ಕ್‍ೕಪ.

ಜ್ಞಾನತ್‌ರ ಪಡಿಮ 18:7

ಮೂಡಂಡ ಬಾಯಿ ಅಂವೊಂಗ್‌ ಕ್‍ೕಡ್. ಅಂವೊಂಡ ತಕ್ಕ್‌ ಅಂವೊಂಗ್‌ ಕೆಣಿ.

ಜ್ಞಾನತ್‌ರ ಪಡಿಮ 21:24

ಬಡಾಯಿಯು ಆಂಗಾರವು ಉಳ್ಳಂವೊಂಗ್‌ ಪರಿಹಾಸಕಾರಂದ್‌ ಪೆದ. ಅಂವೊ ಗರ್ಬತ್‌ಂಜ ಬಲ್ಯ ಚೆಡಿಲ್‌ ನಡ್‌ಪ.

ಜ್ಞಾನತ್‌ರ ಪಡಿಮ 22:8

ಅನ್ಯಾಯತ್‌ನ ಬಿತ್ತುವಂವೊ ಕ್‍ೕಡ್‌ನ ಕೊಯ್ಯುವ. ಅಂವೊಂಡ ಬಲ್ಯ ಚೆಡಿರ ಕೋಲ್‌ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 28:25

ಅತಿ ಆಸೆ ಉಳ್ಳಂವೊ ಜಗಳತ್‌ನ ಸುರುಮಾಡುವ. ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಬೆಪ್ಪಂವೊ ಅಬಿವೃದ್ದಿ ಪೊಂದುವ.

2 ಪೇತ್ರ 2:18

ಅಯಿಂಗಡ ಬಾಯಿಲ್ ಮುಠಾಳತನತ್‍ರ ಪಿಂಞ ಒಂದು ಇಲ್ಲತ ಬಡಾಯಿ ತಕ್ಕ್ ಮಾತ್ರ ಉಂಡ್. ಅಯಿಂಗಡ ಕಳ್ಳ ಬೋದನೆರ ಮೂಲಕ, ತಡೀರ ಇಚ್ಛೆರ ಆಸೆ, ಪಾಪ ಅಲ್ಲಾಂದ್ ಎಣ್ಣಿತ್, ಪಾಪ ಮಾಡ್‌ವ ಜನತ್‍ಂಜ, ಇಕ್ಕ ಬುಡ್‌ಗಡೆಯಾಯಿತ್ ಬಂದ ಯೇಸುನ ನಂಬ್‍ನಯಿಂಗಕ್ ಆಸೆ ಕಾಟಿತ್ ಅಯಿಂಗಳ ತಿರಿತ್ ಪೋಪಕ್ ಮಾಡಿಯಂಡುಂಡ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.