ಜ್ಞಾನತ್‌ರ ಪಡಿಮ 14:29 - ಕೊಡವ ಬೈಬಲ್

²⁹ ದುಂಬ ತಾಳ್ಮೆ ಉಳ್ಳಂವೊ ಬಲ್ಯ ಬುದ್ದಿವಂತ. ಮುಂಜೆಡಿ ಉಳ್ಳಂವೊ ತಾನ್‌ ಮೂಡ ಎಣ್ಣಿಯಂಡ್‌ ಕಾಟಿಯೊವ.

ಜ್ಞಾನತ್‌ರ ಪಡಿಮ 14:29 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:17

ಮುಂಜೆಡಿ ಉಳ್ಳಂವೊ ದಡ್ಡ ಕಾರ್ಯತ್‌ನ ಮಾಡುವ. ಕ್‍ೕಡ್‌ನ ಗೇನ ಮಾಡ್‌ವಂವೊನ ದ್ವೇಷ ಮಾಡುವ.

ಜ್ಞಾನತ್‌ರ ಪಡಿಮ 14:28

ಬಲ್ಯ ಜನಸಂಖ್ಯೆ ರಾಜಂಡ ಮಹಿಮೆಯಾಯಿತ್‌ಪ್ಪ. ಜನಳೇ ಇಲ್ಲತೆ ಪೋಚೇಂಗಿ ರಾಜ ನಾಶ ಆಯಿ ಪೋಪ.

ಜ್ಞಾನತ್‌ರ ಪಡಿಮ 15:18

ಮುಂಜೆಡಿ ಉಳ್ಳಂವೊ ಜಗಳತ್‌ನ ಸುರುಮಾಡುವ, ಆಚೇಂಗಿ ದುಂಬ ತಾಳ್ಮೆಯುಳ್ಳಂವೊ ಜಗಳತ್‌ನ ಶಾಂತಪಡ್‌ತುವ.

ಜ್ಞಾನತ್‌ರ ಪಡಿಮ 16:32

ಶಕ್ತಿವಂತಂವೊಕಿಂಜಿ ಬಲ್ಯ ತಾಳ್ಮೆ ಉಳ್ಳಂವೊ ಮೇಲಾನಂವೊ. ಒರ್‌ ಪಟ್ಟಣತ್‌ನ ಗೆಲ್ಲ್‌ವಂವೊಕಿಂಜಿ ತಾಂಡ ಚೆಡಿನ ಅಡ್‌ಕ್‌ವಂವೊ ಮೇಲಾನಂವೊ.

ಜ್ಞಾನತ್‌ರ ಪಡಿಮ 17:27

ಬುದ್ದಿವುಳ್ಳಂವೊ ತಾಂಡ ಬಾಯಿನ ಅಡಕ್‌ವ. ವಿವೇಕ ಉಳ್ಳಂವೊ ಶಾಂತ ಮನಸ್ಸ್‌ ಉಳ್ಳಂವೊ.

ಜ್ಞಾನತ್‌ರ ಪಡಿಮ 19:11

ಮನುಷ್ಯಂಡ ವಿವೇಕ ಅಂವೊಂಡ ಚೆಡಿನ ಅಡಕುವ. ಕುತ್ತತ್‌ನ ಮನ್ನಿಚಿಡ್‌ವದ್‌ ಅಂವೊಂಗ್‌ ಕೀರ್ತಿ.

ಜ್ಞಾನತ್‌ರ ಪಡಿಮ 25:28

ತಾಂಡ ಆತ್ಮತ್‌ನ ಅಡಕ್‌ವಕ್‌ ಕಯ್ಯತ ಮನುಷ್ಯ ಗೋಡೆ ಬುದ್ದಿತ್‌ ಪಾಳಾನ ಪಟ್ಟಣತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 25:8

ನ್ಯಾಯಾಲಯತ್‌ ಪೋಪಕ್‌ ಆತುರ ಪಡತೆ. ಕಡೇಕ್‌ ನೀಡ ನೆರೆಮನೆಕಾರ ನೀನ್‌ ಎಣ್ಣ್‌ವದ್‌ ಪೊಟ್ಟ್‌ಂದ್‌ ಅವಮಾನ ಪಡ್‌ತ್‌ಚೇಂಗಿ ನೀನ್‌ ಎಂತ್‌ ಮಾಡುವಿಯಾ?

ಜ್ಞಾನತ್‌ರ ಪಡಿಮ 4:8

ನೀನ್‌ ಜ್ಞಾನತ್‌ನ ಗನಪಡ್‌ತ್, ಅಕ್ಕ ಅದ್‌ ನಿನ್ನ ಬಲ್ಯ ಸ್ತಾನಕ್‌ ಕೊಂಡ ಪೋಪ; ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚತ್ತೇಂಗಿ, ಅದ್‌ ನಿನ್ನ ಗನಪಡ್‌ತುವ.

ಮತ್ತಾಯ 11:29

ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.