ಜ್ಞಾನತ್‌ರ ಪಡಿಮ 14:26 - ಕೊಡವ ಬೈಬಲ್

²⁶ ಯೆಹೋವಂಗ್‌ ಬೊತ್ತ್‌ವಂವೊ ದೈರ್ಯತ್‌ಲ್‌ ಸೌಕ್ಯವಾಯಿತ್‌ ಇಪ್ಪ. ಅಂವೊಂಡ ಮಕ್ಕಕ್‌ ಸಹ ನೆಲೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 14:26 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:42

ನಾಡ ಅಪ್ಪಂಡ ದೇವನಾನ ಅಬ್ರಹಾಮಂಡ ದೇವನು, ಇಸಾಕ ಪೋಡಿ ಬೆಚ್ಚಿತ್‌ಂಜ ದೇವನು ನಾಡ ಕೂಡೆ ಇಲ್ಲತೆ ಪೋಯಿತ್‌ಂಜತೇಂಗಿ ನೀನ್‌ ನನ್ನ ಬರಿ ಕೈಲ್‌ ಅಯಿಚಿರುವಯಿಂಜಿಯ. ಆಚೇಂಗಿ ದೇವ ನಾಡ ಕಷ್ಟತ್‌ನ ಪಿಂಞ ನಾನ್‌ ನಯಿಚದ್‌ನ ಕಂಡಾಂಗ್‌ ನಿನ್ನಾಂದ್‌ ಬಯಿಟ್ ದೇವ ನಿನ್ನ ಚೂಕ್‌ಚಿಟ್ಟತ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 14:27

ಯೆಹೋವಂಗ್‌ ಬೊತ್ತ್‌ವದ್‌ ಜೀವತ್‌ರ ಬುಗ್ಗೆರನೆಕೆ. ಅದ್‌ ಚಾವ್‌ರ ಬಲೆಯಿಂಜ ಕಾಪ.

ಜ್ಞಾನತ್‌ರ ಪಡಿಮ 18:10

ಯೆಹೋವಂಡ ಪೆದ ಬಲವಾನ ಗೋಪುರ. ನೀತಿವಂತಂವೊ ಅದ್‌ಂಡ ಒಳ್‌ಕ್‌ ಪೋಯಿತ್‌ ಸೌಕ್ಯತ್‌ ಇಪ್ಪ.

ಜ್ಞಾನತ್‌ರ ಪಡಿಮ 19:23

ಯೆಹೋವಂಗ್‌ ಬೊತ್ತಿತ್‌ ನಡ್‌ಪಯಿಂಗ ದುಂಬ ಕಾಲ ಬದ್‌ಕುವ. ಅದ್‌ನ ಪಡ್‌ಂದಂವೊ ತೃಪ್ತಿ ಆಯಿತ್‌ ನೆಲೆನಿಪ್ಪ. ಕ್‍ೕಡ್‌ ಅಂವೊಂಡ ಪಕ್ಕ ಬಪ್ಪುಲೆ.

ಜ್ಞಾನತ್‌ರ ಪಡಿಮ 20:7

ನೀತಿವಂತಂವೊ ಸತ್ಯತ್‌ಲ್‌ ಜೀವನ ಮಾಡುವ. ಅಯಿಂಗಡ ಕಾಲ ಆನ ಪಿಂಞ ಅಂವೊಂಡ ಮಕ್ಕ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.