ಜ್ಞಾನತ್‌ರ ಪಡಿಮ 14:15 - ಕೊಡವ ಬೈಬಲ್

¹⁵ ಸಾದು ಮನುಷ್ಯ ಅಂವೊಂಗ್‌ ಎಣ್ಣ್‌ನ ಎಲ್ಲಾ ತಕ್ಕ್‌ನ ನಂಬುವ! ಆಚೇಂಗಿ ವಿವೇಕ ಉಳ್ಳಂವೊ ತಾಂಡ ನಡತೆಲ್‌ ಎಚ್ಚರಿಕೆಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 14:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:14

ನಂಬಿಕೆಯಿಂಜ ದೂರ ಪೋನ ಮನುಷ್ಯ ಅಂವೊ ಮಾಡ್‌ನ ಕಾರ್ಯಕ್‌ ತಕ್ಕಂತ ದಂಡನೆನ ಅನುಬವಿಚಿಡುವ. ಒರ್‌ ನಲ್ಲ ಮನುಷ್ಯ ಅಂವೊ ಮಾಡ್‌ನ ನಲ್ಲ ಕಾರ್ಯಕ್‌ ತಕ್ಕಂತ ಪ್ರತಿಫಲತ್‌ಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 14:16

ಜ್ಞಾನಿಯಾನಂವೊ ಪೋಡಿಚಿಟ್ಟಂಡ್‌ ಕ್‍ೕಡ್‌ಂಜ ದೂರ ಇಪ್ಪ. ಆಚೇಂಗಿ ದಡ್ಡ ಎಚ್ಚರಿಕೆ ಇಲ್ಲತೆ ದುಡುಕಿತ್‌ ಕಾರ್ಯ ಮಾಡುವ.

ಜ್ಞಾನತ್‌ರ ಪಡಿಮ 14:8

ತಾಂಡ ಬಟ್ಟೆನ ಅರ್ಥ ಮಾಡಿಯೊದ್‌ ವಿವೇಕ ಉಳ್ಳಂವೊಂಡ ಜ್ಞಾನ. ಆಚೇಂಗಿ ಮೂಡಂಗ ದಡ್ಡತನತಿಂಜ ಅಯಿಂಗಳ ವಂಚನೆ ಮಾಡಿಯೊವ.

ಜ್ಞಾನತ್‌ರ ಪಡಿಮ 17:4

ದುಷ್ಟ ಮೋಸಕಾರಂಗಡ ತಕ್ಕ್‌ಕ್‌ ಕೆಮಿ ಕೊಡ್‌ಪ. ಪೊಟ್ಟ್‌ಮಾರಿ ನಾಶ ಮಾಡುವಂಡ ತಕ್ಕ್‌ಕ್‌ ಕೆಮಿ ಕೊಡ್‌ಪ.

ಜ್ಞಾನತ್‌ರ ಪಡಿಮ 22:3

ವಿವೇಕ ಉಳ್ಳಂವೊ ಕ್‍ೕಡ್‌ನ ಕಂಡಿತ್‌ ಆ ಬಟ್ಟೆನೇ ಬುಟ್ಟಿತ್‌ ಪೋಪ. ಆಚೇಂಗಿ ಸಾದು ಮನುಷ್ಯ ಕ್‍ೕಡ್‌ರ ಬಟ್ಟೆಲ್‌ ನೇರೆ ಪೋಯಿತ್‌ ತೊಂದರೆಕ್‌ ಚಿಕ್ಕಿಯೊವ.

ಜ್ಞಾನತ್‌ರ ಪಡಿಮ 27:12

ವಿವೇಕ ಉಳ್ಳಂವೊ ಕ್‍ೕಡ್‌ನ ಕಂಡಿತ್‌ ಆ ಬಟ್ಟೆನೇ ಬುಟ್ಟಿತ್‌ ಪೋಪ. ಆಚೇಂಗಿ ಸಾದು ಮನುಷ್ಯ ಕ್‍ೕಡ್‌ರ ಬಟ್ಟೆಲ್‌ ನೇರೆ ಪೋಯಿತ್‌ ತೊಂದರೆಕ್‌ ಚಿಕ್ಕಿಯೊವ.

ಜ್ಞಾನತ್‌ರ ಪಡಿಮ 4:26

ನೀನ್‌ ನಡ್‌ಪ ಬಟ್ಟೆಲ್‌ ಎಚ್ಚರ ಎಡ್‌ತ. ಅಕ್ಕ ನೀಡ ಬದ್‌ಕ್‌ ದೃಡವಾಯಿತ್ತಿಪ್ಪ.

ಅಪೊಸ್ತಲ 13:7

ಅಂವೊ ಬುದ್ದಿವಂತ ಅದಿಪತಿಯಾನ ಸೆರ್ಗ್ಯ ಪೌಲ ಎಣ್ಣ್‌ವಂವೊಂಡ ಕೂಡೆ ಇಂಜತ್. ಆ ಅದಿಪತಿ, ಸೌಲ ಪಿಂಞ ಬಾರ್ನಬನ ಕಾಕಿತ್ ದೇವಡ ವಾಕ್ಯತ್‍ನ ಕ್‍ೕಪಕ್ ಕುಶೀಲ್ ಇಂಜತ್.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

ಎಫೆಸ 5:17

ಬುದ್ದಿಯಿಲ್ಲತಯಿಂಗಡನೆಕೆ ಇಪ್ಪಕ್ಕಾಗ, ದೇವಡ ಚಿತ್ತ ಎಂತ್‍ೕಂದ್ ಅರ್ಥ ಮಾಡಿಯೊಳಿ.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.