ಜ್ಞಾನತ್‌ರ ಪಡಿಮ 14:14 - ಕೊಡವ ಬೈಬಲ್

¹⁴ ನಂಬಿಕೆಯಿಂಜ ದೂರ ಪೋನ ಮನುಷ್ಯ ಅಂವೊ ಮಾಡ್‌ನ ಕಾರ್ಯಕ್‌ ತಕ್ಕಂತ ದಂಡನೆನ ಅನುಬವಿಚಿಡುವ. ಒರ್‌ ನಲ್ಲ ಮನುಷ್ಯ ಅಂವೊ ಮಾಡ್‌ನ ನಲ್ಲ ಕಾರ್ಯಕ್‌ ತಕ್ಕಂತ ಪ್ರತಿಫಲತ್‌ಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 14:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:14

ಒಬ್ಬೊಬ್ಬನು ಅಂವೊಂಡ ನಲ್ಲ ತಕ್ಕ್‌ರ ಫಲತ್‌ರಗುಂಡ್‌ ತೃಪ್ತಿಯಾಪ. ಅನ್ನನೆ ಒಬ್ಬೊಬ್ಬ ಕೆಯ್ಯುವ ಪಣಿಕ್‌ ತಕ್ಕ ಫಲ ಅಂವೊಂಗ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 12:21

ನೀತಿವಂತಂವೊಂಗ್‌ ಏದ್‌ ಕ್‍ೕಡ್‌ ಬಪ್ಪುಲೆ, ಆಚೇಂಗಿ ದುಷ್ಟಂಗಕ್‌ ಕಷ್ಟ ದುಂಬಿತ್‌ಪ್ಪ.

ಜ್ಞಾನತ್‌ರ ಪಡಿಮ 14:10

ಪ್ರತಿ ಒಬ್ಬೊಂಡ ದುಃಖ ಅಂವೊಂಗೇ ಗೊತ್ತಾಪ್ಪ. ಬೋರೆ ದಾರುಕ್‌ ಅಂವೊಂಡ ಕುಶಿಲ್‌ ಪಾಲ್ದಾರನಾಪಕ್‌ ಕಯ್ಯುಲೆ.

ಜ್ಞಾನತ್‌ರ ಪಡಿಮ 14:15

ಸಾದು ಮನುಷ್ಯ ಅಂವೊಂಗ್‌ ಎಣ್ಣ್‌ನ ಎಲ್ಲಾ ತಕ್ಕ್‌ನ ನಂಬುವ! ಆಚೇಂಗಿ ವಿವೇಕ ಉಳ್ಳಂವೊ ತಾಂಡ ನಡತೆಲ್‌ ಎಚ್ಚರಿಕೆಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 18:20

ಅಯಿಂಗಯಿಂಗಡ ತಕ್ಕ್‌ರ ಫಲತ್‌ಂಜ ಅಯಿಂಗಯಿಂಗಡ ಕೆಲ ದುಂಬುವ. ಅಯಿಂಗಯಿಂಗಡ ಕಿರಿರ ಪ್ರತಿಫಲತ್‌ಂಜ ಅಯಿಂಗಯಿಂಗ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 9:12

ನೀನ್‌ ಜ್ಞಾನಿಯಾಚೇಂಗಿ, ನೀಡ ಜ್ಞಾನ ನೀಕೆ ಲಾಬವಾಯಿತ್‌ಪ್ಪ. ನೀನ್‌ ಪರಿಹಾಸ ಮಾಡ್‌ವೊಂವೊನಾಚೇಂಗಿ, ನೀನೆ ಅದ್‌ಂಡ ಫಲತ್‌ನ ಅನುಬವಿಚಿಡುವಿಯ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

ಗಲಾತ್ಯ 6:4

ಎಲ್ಲಾರು ಅಯಿಂಗ ಅಯಿಂಗಡ ಕ್ರಿಯೇನ ಪರೀಕ್ಷೆ ಮಾಡಂಡು; ಅಕ್ಕ ಅಂವೊ ಬೋರೆಯಿಂಗಳ ನೋಟ್‍ವಕ ಅಲ್ಲ, ಅಂವೊ ಅಂವೊಂಡ ವಿಷಯತ್‍ನ ನೋಟ್‍ವಕ ದುಂಬ ತೃಪ್ತಿಯಾಪ.

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.