ಜ್ಞಾನತ್‌ರ ಪಡಿಮ 13:7 - ಕೊಡವ ಬೈಬಲ್

⁷ ಒಂದು ಇಲ್ಲತಂವೊ ತನ್ನ ಐಶ್ವರ್ಯವಂತಂವೊನಾಯಿತ್‌ ಕಾಂಬ್‌ಚಿಡುವಂವೊನು ಉಂಡ್; ದುಂಬ ಐಶ್ವರ್ಯವ ಉಳ್ಳಂವೊ ತನ್ನ ಗರಿಬಂಡನೆಕೆ ಕಾಂಬ್‌ಚಿಡುವಂವೊನು ಉಂಡ್.

ಜ್ಞಾನತ್‌ರ ಪಡಿಮ 13:7 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:24

ದಾರಾಳವಾಯಿತ್‌ ಕೊಡ್‌ತಿತ್‌ ಇಂಞು ಐಶ್ವರ್ಯನಾನಂವೊ ಉಂಡ್, ಕೊಡಪಕುಳ್ಳದ್‌ನ ಕೊಡ್‌ಕತೆ ಗರೀಬನಾನಂವೊನು ಉಂಡ್.

ಜ್ಞಾನತ್‌ರ ಪಡಿಮ 12:9

ಬಲ್ಯ ಮನುಷ್ಯಂಡನೆಕೆ ಕಾಂಬ್‌ಚಿಟ್ಟಂಡ್‌ ಉಂಬಕ್‌ ಕೂಳಿಲ್ಲತೆ ಇಪ್ಪಕಿಂಜಿ, ಸಾದಾರಣಂವೊನಾಯಿತ್‌ ಇಂಜಂಡ್‌ ಪಣಿಕಾರನಾಯಿತುಳ್ಳಂವೊ ಮೇಲ್.

ಜ್ಞಾನತ್‌ರ ಪಡಿಮ 13:11

ಬಿಟ್ಟಿಲ್‌ ಕ್‌ಟ್ಟ್‌ನ ಐಶ್ವರ್ಯ ಬೆರಿಯ ಕಾಂಗತೆ ಆಯಿಪೋಪ. ಆಚೇಂಗಿ ಕಷ್ಟಪಟ್ಟಿತ್‌ ಕೂಟಿ ಬೆಪ್ಪಂವೊ ಅಬಿವೃದ್ದಿ ಆಯಂಡೇ ಪೋಪ.

ಜ್ಞಾನತ್‌ರ ಪಡಿಮ 13:8

ಒರ್‌ ಐಶ್ವರ್ಯವಂತಂವೊಂಡ ಪಣ ಅಂವೊಂಡ ಜೀವತ್‌ನ ಕಾಪಾಡ್‌ವಕಾಯಿತ್‌ ಪ್ರಯೋಜನ ಆಪ. ಆಚೇಂಗಿ ಗರಿಬನ ದಾರ್‌ ಪೋಡಿಚ್ಚಿಟತೇಂಗಿಯು ಅಂವೊಂಗ್‌ ಪೋಡಿ ಇಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:20

ಆಚೇಂಗಿ ದೇವ ಅಂವೊಂಗ್: ಮುಠಾಳನೇ! ಈ ಬೈಟ್ ನೀನ್ ಚತ್ತ್ ಪೋಪಿಯ. ಅಕ್ಕ ನೀ ಕೂಟಿ ಬೆಚ್ಚದೆಲ್ಲ ದಾರ್‌ಕ್ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:21

ಅಕ್ಕು, ಈ ಲೋಕತ್‍ರ ಐಶ್ವರ್ಯತ್‍ನ ಪರಲೋಕತ್‍ಲ್ ಉಳ್‍ಕೆ ಮಾಡತೆ ಅಯಿಂಗಕಾಯಿತ್ ಉಳ್‍ಕೆ ಮಾಡ್‌ವಯಿಂಗಕ್ ಇನ್ನನೆ ಆಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

1 ಕೊರಿಂಥ 4:8

ನಿಂಗಕ್ ಎಲ್ಲಾ ಕ್‍ಟ್ಟಿತುಂಡ್‍ೕಂದ್ ಗೇನ ಮಾಡ್‌ವಿರ. ಆನಗುಂಡ್ ನಿಂಗಕ್ ಎಲ್ಲಾ ಕ್‍ಟ್ಟಿತುಳ್ಳನೆಕೆ ಕಳಿಪಿರ. ಇಕ್ಕ ನಂಗ ಇಲ್ಲತಿಪ್ಪಕಲೇ ನಿಂಗ ರಾಜ್ಯಬಾರ ಮಾಡ್‌ವಿರ. ಅನ್ನನೆ ನಿಂಗ ರಾಜ್ಯಬಾರ ಮಾಡಿಯಂಡಿಂಜತೇಂಗಿ ಚಾಯಿ ಇಂಜಿತಿಪ್ಪ. ಅಕ್ಕ ನಂಗಳು ನಿಂಗಡ ಕೂಡೆ ರಾಜ್ಯಬಾರ ಮಾಡ್‌ವಕಿಂಜತ್.

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಯಾಕೋಬ 2:5

ನಾಡ ಪ್ರೀತಿರ ಅಣ್ಣತಮ್ಮಣಂಗಳೇ, ಕ್‍ೕಳಿ; ದೇವ ಈ ಲೋಕತ್‍ರ ಬಡವಂಗಳ, ನಂಬಿಕೇಲ್ ಐಶ್ವರ್ಯ ಉಳ್ಳಯಿಂಗಳಾಯಿತ್, ಅಂವೊನ ಪ್ರೀತಿ ಮಾಡ್‌ವಯಿಂಗಕ್ ಅಂವೊ ವಾಗ್ದಾನ ಮಾಡ್‍ನ ರಾಜ್ಯತ್‍ನ ಆಳುವಯಿಂಗಳಾಯಿತ್ ಗೊತ್ತ್ ಮಾಡಿತಲ್ಲ?

2 ಪೇತ್ರ 2:19

ಅಯಿಂಗ ಕೇಡಾನ ಪಾಪಕ್ ಅಡಿಯಾಳಾಯಿತ್ಂಜತೇಂಗಿಯು, ಬೋರೆಯಿಂಗಕ್ ಬುಡ್‍ಗಡೇನ ವಾಗ್ದಾನಮಾಡಿಯಂಡುಂಡ್; ಏದ್ ವಿಷಯ ಒಬ್ಬನ ಗೆದ್ದ್‌ಚೋ ಅದ್ಂಗೇ ಅಂವೊ ಅಡಿಯಾಳಾಯಿತುಂಡ್.

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.

ಪ್ರಕಟನೆ 3:17

ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.