ಜ್ಞಾನತ್‌ರ ಪಡಿಮ 13:4 - ಕೊಡವ ಬೈಬಲ್

⁴ ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 13:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 26:32

ಅದೇ ದಿವಸ ಇಸಾಕಂಡ ಪಣಿಕಾರಂಗ ಬಂದಿತ್, ಅಯಿಂಗ ತೋಡ್‌ನ ಕಣತರೆರ ವಿಷಯತ್‌ನ ಎಣ್ಣಿತ್, ನಂಗಕ್‌ ನೀರ್‌ ಕ್‌ಟ್ಟ್‌ಚೀಂದ್‌ ಅರಿಚಿಟ್ಟತ್.

ಜ್ಞಾನತ್‌ರ ಪಡಿಮ 10:4

ಸೋಮಾರಿತನತ್‌ಲ್‌ ಕೆಲಸ ಮಾಡವಂವೊ ಬಡವನಾಪ. ಆಚೇಂಗಿ ಕಷ್ಟಪಟ್ಟಿತ್‌ ಕೆಲಸ ಮಾಡ್‌ವಂವೊ ಐಶ್ವರ್ಯವಂತನಾಪ.

ಜ್ಞಾನತ್‌ರ ಪಡಿಮ 11:25

ಉದಾರ ಮನಸ್ಸ್‌ ಉಳ್ಳಂವು ಅಬಿವೃದ್ದಿ ಆಪ. ಬೋರೆಯಯಿಂಗಕ್‌ ಸಹಾಯ ಮಾಡ್‌ವಂವೊಂಗ್, ಸಹಾಯ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 12:11

ತಾಂಡ ಬೇಲ್‌ಲ್‌ ಕಷ್ಟಪಟ್ಟಿತ್‌ ನಯಿಪಂವೊಂಗ್‌ ಬೋಂಡಿಯಚ್ಚಕ್‌ ಆಹಾರ ಇಪ್ಪ. ಆಚೇಂಗಿ ಪ್ರಯೋಜನ ಇಲ್ಲತ ಕಾರ್ಯತ್‌ಲ್‌ ನೇರತ್‌ನ ಕಳೆಯುವಂವೊ ದಡ್ಡ.

ಜ್ಞಾನತ್‌ರ ಪಡಿಮ 12:24

ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊ ಆಳ್‌ವಿಕೆ ಮಾಡುವ. ಆಚೇಂಗಿ, ಸೋಮಾರಿ ಅಡಿಯಾಳಪ.

ಜ್ಞಾನತ್‌ರ ಪಡಿಮ 12:27

ಸೋಮಾರಿ ತಾನ್‌ ಬೋಟೆಯಾಡ್‌ನಾನ ಸಹ ಅಡುಗೆ ಮಾಡುಲೆ, ಆಚೇಂಗಿ ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊಂಗ್‌ ಐಶ್ವರ್ಯ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 13:3

ತಾಂಡ ಬಾಯಿನ ಕಾಪಂವೊ ತಾಂಡ ಜೀವತ್‌ನ ಕಾಪಾಡಿಯೊವ. ಆಚೇಂಗಿ ಎಚ್ಚರ ಇಲ್ಲತೆ ತಕ್ಕ್‌ ಪರಿಯುವಂವೊ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 13:5

ನೀತಿವಂತಂವೊ ಪೊಟ್ಟ್‌ ತಕ್ಕ್‌ನ ದ್ವೇಷ ಮಾಡುವ. ಆಚೇಂಗಿ ದುಷ್ಟ ಜನ ಞಾಣಕ್‍ೕಡ್‌ ಪಿಂಞ ಅವಮಾನತ್‌ನ ಕೊಂಡಬಪ್ಪ.

ಜ್ಞಾನತ್‌ರ ಪಡಿಮ 20:4

ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 21:25

ಸೋಮಾರಿರ ದಂಡ್‌ ಕೈಯು ಕೆಲಸ ಮಾಡುವಕ್‌ ಒತ್ತತೆ ಪೋನಗುಂಡ್‌ ಅಂವೊಂಡ ಆಸೆ ಅಂವೊನ ಕೊಲ್ಲುವ.

ಜ್ಞಾನತ್‌ರ ಪಡಿಮ 21:5

ಕಷ್ಟಪಟ್ಟಿತ್‌ ಕೆಲಸ ಮಾಡುವಂವೊಂಡ ಯೋಜನೆ ಅಬಿವೃದಿ ಪೊಂದ್ವನೆಕೆ ಮಾಡುವ. ಆತುರತ್‌ಲ್‌ ನಡ್‌ಪಂವೊಂಡ ಯೋಜನೆ ಗರಿಬನಾಪಕ್‌ ಮಾಡುವ.

ಜ್ಞಾನತ್‌ರ ಪಡಿಮ 24:30

ಸೋಮಾರಿರ ಬೇಲ್‌ರ ಕಡೆಯು, ದಡ್ಡಂಡ ದ್ರಾಕ್ಷಿತೋಟತ್‌ರ ಪಕ್ಕವು ನಡ್‌ಂದ್‌ ಪೋನ.

ಜ್ಞಾನತ್‌ರ ಪಡಿಮ 24:31

ಅದಾ, ಆ ಬೇಲ್‌ಲ್‌ ಮುಳ್ಳ್‌ಗಿಡವು ಕಚಡವು ಬೊಳ್‌ಂದಿತಿಂಜತ್. ಅದ್‌ಂಡ ಕಲ್ಲ್‌ರ ಗೋಡೆ ಬುದ್ದ್‌ಪೋಯಿತ್ತಿಂಜತ್.

ಜ್ಞಾನತ್‌ರ ಪಡಿಮ 26:13

ಬಟ್ಟೆಲ್‌ ಸಿಂಹ ಉಂಡ್, ಬೀದಿಲ್‌ ಸಿಂಹ ಇಪ್ಪಾಂದ್‌ ಸೋಮಾರಿಯಾನಂವೊ ಎಣ್ಣುವ.

ಜ್ಞಾನತ್‌ರ ಪಡಿಮ 28:25

ಅತಿ ಆಸೆ ಉಳ್ಳಂವೊ ಜಗಳತ್‌ನ ಸುರುಮಾಡುವ. ಆಚೇಂಗಿ ಯೆಹೋವಂಡ ಮೇಲೆ ನಂಬಿಕೆ ಬೆಪ್ಪಂವೊ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 6:6

ಸೋಮಾರಿಯೇ, ನೀನ್‌ ಇರ್ಪುರ ಪಕ್ಕ ಪೋಯಿತ್‌ ಅವು ನಡ್‌ಪ ಬಟ್ಟೆನ ನೋಟಿತ್‌ ಬುದ್ದಿವಂತನಾಪಕ್‌ ಪಡ್‌ಚ.

ಜ್ಞಾನತ್‌ರ ಪಡಿಮ 8:34

ನಾಡ ಮನೆರ ಪಡಿರ ಪಕ್ಕ ಪಾರಕಾತಂಡ್, ನಾಡ ಪಡಿರ ಪಕ್ಕ ಎಕ್ಕಾಲು ನಿರೀಕ್ಷೆಲ್‌ ಕಾತಂಡ್, ನಾಕ್‍ ಕೆಮಿ ಕೊಡ್‌ಪಂವೊ ಆಶೀರ್ವಾದ ಪಡ್‌ಂದಂವೊ.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಇಬ್ರಿಯ 6:11

ನಿಂಗಕ್ ನಿರಿಕ್ಷೇರ ಪೂರ್ತಿ ನಿಶ್ಚಯ ಕ್‍ಟ್ಟಿತ್, ಇಕ್ಕ ಉಳ್ಳನೆಕೆ ಆಕೀರ್‍ಕತ್ತನೆ ಇದೇ ಎಚ್ಚರತ್‍ಲ್ ಇಕ್ಕಂಡೂಂದ್ ಉಳ್ಳದೇ ನಿಂಗಡ ವಿಷಯತ್ ನಂಗಡ ಆಸೆ.