ಜ್ಞಾನತ್‌ರ ಪಡಿಮ 13:18 - ಕೊಡವ ಬೈಬಲ್

¹⁸ ಬುದ್ದಿತಕ್ಕ್‌ನ ಕಡೆಗಣಿಚಿಡ್‌ವಂವೊಂಗ್‌ ಬಡತನ ಪಿಂಞ ಅವಮಾನ ಆಪ. ಎಚ್ಚರ ತಕ್ಕ್‌ನ ಸ್ವೀಕಾರ ಮಾಡ್‌ವಂವೊಂಗ್‌ ಮರ್ಯಾದಿ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 13:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 12:1

ಬುದ್ದಿತಕ್ಕ್‌ನ ಪ್ರೀತಿಚಿಡುವಂವೊ, ಅರಿವುನ ಕುಶಿ ಪಡುವ. ಆಚೇಂಗಿ ಎಚ್ಚರ ತಕ್ಕ್‌ನ ದ್ವೇಷ ಮಾಡ್‌ವಂವೊ ಬುದ್ದಿಯಿಲ್ಲತಂವೊನಾಯಿತುಂಡ್.

ಜ್ಞಾನತ್‌ರ ಪಡಿಮ 13:13

ಬೋದನೇನ ಅಲ್ಲಗೆಳೆಯುವಂವೊ ನಾಶ ಆಯಿಪೋಪ. ಆಚೇಂಗಿ ಆಜ್ಞೆಕ್‌ ತಗ್ಗಿತ್‌ ನಡ್‌ಪಂವೊಂಗ್‌ ಬಹುಮಾನ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 13:19

ಆಸೆಪಟ್ಟದ್‌ ನೆರವೇರ್ವಕ ಆತ್ಮಕ್‌ ಸುಕ. ಪಾಳ್‌ ಬಟ್ಟೆನ ಬುಟ್ಟಿತ್‌ ಬಪ್ಪದ್‌ ಮೂಡಂಗಕ್‌ ಅಸಹ್ಯ.

ಜ್ಞಾನತ್‌ರ ಪಡಿಮ 13:25

ನೀತಿವಂತಂವೊ ತಾಂಗ್‌ ತೃಪ್ತಿ ಆಪಚ್ಚಕ್‌ ಉಂಬ; ಆಚೇಂಗಿ ದುಷ್ಟಂಗಕ್‌ ಎಕ್ಕಾಲೂ ಕೆಲಪೈಪ.

ಜ್ಞಾನತ್‌ರ ಪಡಿಮ 15:5

ಮೂಡ ಅಪ್ಪಂಡ ಬೋದನೆನ ತ್‌ಕ್ಕಾರ ಮಾಡುವ; ಆಚೇಂಗಿ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡ್‌ಪಂವೊ ವಿವೇಕ ಉಳ್ಳಂವೊ.

ಜ್ಞಾನತ್‌ರ ಪಡಿಮ 19:6

ಗೌರವ ಉಳ್ಳ ಮನುಷ್ಯಂಡ ದಯೆ ಕ್‌ಟ್ಟ್‌ವಕ್‌ ದುಂಬ ಜನ ಪೇಚಾಡುವ. ಉದಾರಿಯಾನ ಮನುಷ್ಯಂಗ್‌ ಎಲ್ಲಾರು ಸ್ನೇಹಿತ.

ಜ್ಞಾನತ್‌ರ ಪಡಿಮ 25:12

ಕ್‍ೕಪಕ್‌ ಕುಶಿ ಉಳ್ಳಂವೊನ ಎಚ್ಚರಿಕೆ ಮಾಡ್‌ವಂವೊ ಪೊನ್ನ್‌ರ ಓಲೆಕು, ಪೊನ್ನ್‌ರ ಮಾಲೆಕು ಸರಿಸಮ.

ಜ್ಞಾನತ್‌ರ ಪಡಿಮ 9:9

ಜ್ಞಾನ ಉಳ್ಳಂವೊಂಗ್‌ ಬುದ್ದಿ ಎಣ್ಣ್, ಅಂವೊ ಇಂಞು ಜ್ಞಾನಿ ಆಪ. ನೀತಿವಂತಂವೊಂಗ್‌ ಪಡಿಪ್‌ಚಿಡ್. ಅಂವೊ ಇಂಞು ಪಡಿಪ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?