ಜ್ಞಾನತ್‌ರ ಪಡಿಮ 12:8 - ಕೊಡವ ಬೈಬಲ್

⁸ ಬುದ್ದಿವಂತಂವೊಂನ ಅಂವೊಂಡ ಬುದ್ದಿಕ್‌ ತಕ್ಕಂತೆ ಹೊಗೊಳುವ, ಆಚೇಂಗಿ ಕಪಟಿನ ತ್‌ಕ್ಕಾರ ಮಾಡುವ.

ಜ್ಞಾನತ್‌ರ ಪಡಿಮ 12:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 41:39

ಫರೋಹನ ಯೋಸೇಫಂಡ ಕಡೆಕ್‌ ತಿರಿತ್: ದೇವ ನೀಕ್‌ ಇದ್‌ನೆಲ್ಲ ಅರ್ಥಮಾಡುವಕ್‌ ಎಣ್ಣಿ ಕೊಡ್‌ತಾಂಗ್, ನೀಕಿಂಜ ಬಲ್ಯ ನಲ್ಲೋಣೆ ಬಯಂದಂವೊನು, ಬುದ್ದಿವಂತನು ಉಳ್ಳ ಬೋರೆ ಒಬ್ಬ ಈ ದೇಶತ್‌ಲ್‌ ಇಲ್ಲೆ.

ಜ್ಞಾನತ್‌ರ ಪಡಿಮ 1:26

ಆಂಗಾಯಿತ್, ನಾನ್‌ ಸಹ ನಿಂಗಡ ಅಪಾಯತ್‌ರ ನೇರತ್‌ಲ್‌ ನಿಂಗಳ ನೋಟಿತ್‌ ತೆಳಿಪಿ, ನಿಂಗಕ್‌ ಕ್‍ೕಡ್‌ ಬಪ್ಪಕ ನಿಂಗಳ ಪರಿಹಾಸ ಮಾಡುವಿ.

ಜ್ಞಾನತ್‌ರ ಪಡಿಮ 12:7

ದುಷ್ಟ ಜನ ಪಾಳಾಯಿತ್‌ ಕಾಂಗತೆ ಆಯಿಪೋಪ, ಆಚೇಂಗಿ ನೀತಿವಂತಂಯಿಂಗಡ ಮನೆ ಸ್ತಿರವಾಯಿತ್‌ ನಿಪ್ಪ.

ಜ್ಞಾನತ್‌ರ ಪಡಿಮ 12:9

ಬಲ್ಯ ಮನುಷ್ಯಂಡನೆಕೆ ಕಾಂಬ್‌ಚಿಟ್ಟಂಡ್‌ ಉಂಬಕ್‌ ಕೂಳಿಲ್ಲತೆ ಇಪ್ಪಕಿಂಜಿ, ಸಾದಾರಣಂವೊನಾಯಿತ್‌ ಇಂಜಂಡ್‌ ಪಣಿಕಾರನಾಯಿತುಳ್ಳಂವೊ ಮೇಲ್.

ಜ್ಞಾನತ್‌ರ ಪಡಿಮ 29:27

ನೀತಿವಂತಂವೊ ದುಷ್ಟನ ಅಸಹ್ಯವಾಯಿತ್‌ ಕಾಂಬ. ದುಷ್ಟ ಸತ್ಯವಂತಂವೊನ ಅಸಹ್ಯವಾಯಿತ್‌ ಕಾಂಬ.

ಜ್ಞಾನತ್‌ರ ಪಡಿಮ 3:35

ಜ್ಞಾನಿಯಂಗಕ್‌ ಗನ ಕ್‌ಟ್ಟುವ, ಆಚೇಂಗಿ, ಮೂಡಂಗಕ್‌ ಅವಮಾನ ಆಪ.

ಜ್ಞಾನತ್‌ರ ಪಡಿಮ 5:23

ಅಂವೊ ಬುದ್ದಿ ತಕ್ಕ್‌ನ ಕ್‍ೕಕತೆ ಪೋನಗುಂಡ್‌ ಚತ್ತ್‌ ಪೋಪ. ತಾಂಡ ಬಲ್ಯ ಮೂಡತನತ್‌ಂಜ ಅಂವೊ ನಾಶ ಆಯಿಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:8

ಅನ್ಯಾಯ ಮಾಡ್‌ವ ಈ ಅದಿಕಾರಿರ ಎಜಮಾನ ಇದ್‍ನೆಲ್ಲಾ ಕ್‍ೕಪಂಜಿ, ಅಂವೊಂಡ ಬುದ್ದಿನ ಕಂಡಿತ್, ಬೋರೆ ಬಟ್ಟೆಯಿಲ್ಲತೆ ಅಂವೊನ ಹೊಗಳ್‍ಚಿ. ಮಿಂಞತ್‍ರ ಬದ್‍ಕ್‍ಕ್ ಬೋಂಡಿಯಾನದ್‍ನ ಉಳಿಕೆ ಮಾಡಿತ್ ಬೆಪ್ಪಕ್, ಬೊಳ್‍ಚತ್‍ರ ಮಕ್ಕಕಿಂಜ, ಈ ಲೋಕತ್‍ನ ಮಾತ್ರ ಗೇನಮಡಿಯಂಡುಳ್ಳ ಮಕ್ಕ ಬಾರಿ ಬುದ್ದಿವಂತಯಿಂಗಳಾಯಿತುಂಡ್.

ಅಪೊಸ್ತಲ 12:23

ಅಂವೊ ದೇವಕ್ ಮಹಿಮೇನೆ ಕೊಡ್‍ಕತಗುಂಡ್, ಒಡೆಯಂಡ ದೂತ ಅಂವೊಂಗ್ ಅಕ್ಕಲೆ ಒರ್ ಕ್ರೂರ ಕಾಯಿಲೆ ಬಪ್ಪಕ್ ಮಾಡ್‍ಚಿ. ಪುಳು ಅಂವೊನ ತಿಂದಗುಂಡ್, ಅಂವೊ ಚತ್ತ್ ಪೋಚಿ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

2 ಕೊರಿಂಥ 10:18

ತಾಂಗ್ ತಾನೇ ಹೊಗಳಿಚಿಡುವಂವೊ ಯೋಗ್ಯನಲ್ಲ, ಒಡೆಯ ದಾರ್‌ನ ಹೊಗಳಿಚಿಡುಂವೊನೋ ಅಂವೊನೇ ಯೋಗ್ಯವಾನಂವೊ.