ಜ್ಞಾನತ್‌ರ ಪಡಿಮ 12:15 - ಕೊಡವ ಬೈಬಲ್

¹⁵ ಒರ್‌ ಮೂಡಂಡ ನಡ್‌ತೆ ಅಂವೊಂಡ ದೃಷ್ಟಿಲ್‌ ಸೆರಿಯಾನದಾಯಿತ್‌ ಇಪ್ಪ. ಆಚೇಂಗಿ ಜ್ಞಾನ ಉಳ್ಳಂವೊ ಅಲೋಚೆನೆಕ್‌ ಕೆಮಿ ಕೊಡ್‌ಪ.

ಜ್ಞಾನತ್‌ರ ಪಡಿಮ 12:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:5

ಬುದ್ದಿವಂತಂವೊ ಈ ಜ್ಞಾನತ್‌ರ ಪಡಿಮನ ಕ್‍ೕಟಿತ್‌ ಇಂಞು ಬುದ್ದಿವಂತಂವೊನಾಪ. ವಿವೇಕ ಉಳ್ಳಂವೊಂಗ್‌ ಇಂಞು ಆಲೋಚನೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 13:1

ಜ್ಞಾನವುಳ್ಳ ಮೋಂವೊ ತಾಂಡ ಅಪ್ಪಂಡ ಬೋದನೆನ ಕ್‍ೕಪ. ಆಚೇಂಗಿ ಪರಿಹಾಸ ಮಾಡ್‌ವಂವೊನ ಚೂಕ್‌ಚೇಂಗಿ ಅಂವೊ ಕೆಮಿ ಕೊಡ್‌ಪ್‌ಲೆ

ಜ್ಞಾನತ್‌ರ ಪಡಿಮ 13:10

ಆಂಗಾರ ಮಾತ್‌ರ ಜಗಳಕ್‌ ಕಾರಣ ಆಪ. ಆಲೋಚನೆಕ್‌ ಕೆಮಿ ಕೊಡ್‌ಪಂವೊಂಡ ಪಕ್ಕ ಜ್ಞಾನ ಇಪ್ಪ.

ಜ್ಞಾನತ್‌ರ ಪಡಿಮ 14:12

ಮನುಷ್ಯಂಗ್‌ ಸೆರೀಂದ್‌ ಕಾಂಬ ಒರ್‌ ಬಟ್ಟೆ ಉಂಡ್, ಆಚೇಂಗಿ ಕಡೇಕ್‌ ಅದ್‌ ಚಾವ್‌ಕ್‌ ಕೊಂಡ ಪೋಪ

ಜ್ಞಾನತ್‌ರ ಪಡಿಮ 14:16

ಜ್ಞಾನಿಯಾನಂವೊ ಪೋಡಿಚಿಟ್ಟಂಡ್‌ ಕ್‍ೕಡ್‌ಂಜ ದೂರ ಇಪ್ಪ. ಆಚೇಂಗಿ ದಡ್ಡ ಎಚ್ಚರಿಕೆ ಇಲ್ಲತೆ ದುಡುಕಿತ್‌ ಕಾರ್ಯ ಮಾಡುವ.

ಜ್ಞಾನತ್‌ರ ಪಡಿಮ 16:2

ಒರ್‌ ಮನುಷ್ಯ ಮಾಡುವ ಕಾರ್ಯಯೆಲ್ಲ ಅಂವೊಂಡ ದೃಷ್ಟಿಕ್‌ ಸೆರಿಯಾಯಿತ್‌ ಕಾಂಗು, ಆಚೇಂಗಿ ಯೆಹೋವ ಅಂವೊಂಡ ಉದ್ದೇಶತ್‌ನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 16:25

ಮನುಷ್ಯಂಗ್‌ ಸೆರೀಂದ್‌ ಕಾಂಬ ಒರ್‌ ಬಟ್ಟೆ ಉಂಡ್, ಆಚೇಂಗಿ ಕಡೇಕ್‌ ಅದ್‌ ಚಾವ್‌ಕ್‌ ಕೊಂಡ ಪೋಪ.

ಜ್ಞಾನತ್‌ರ ಪಡಿಮ 19:20

ಆಲೋಚೆನೆಕ್‌ ಕೆಮಿಕೊಡ್‌ತಿತ್, ಬುದ್ದಿತಕ್ಕ್‌ನ ಸ್ವೀಕಾರ ಮಾಡ್. ಅಕ್ಕ ಕಡೇ ಕಾಲತ್‌ಲ್‌ ನೀನ್‌ ಜ್ಞಾನಿ ಆಪಿಯ.

ಜ್ಞಾನತ್‌ರ ಪಡಿಮ 21:2

ಒರ್‌ ಮನುಷ್ಯ ಮಾಡುವ ಕಾರ್ಯಯೆಲ್ಲ ಅಂವೊಂಡ ದೃಷ್ಟಿಕ್‌ ಸೆರಿಯಾಯಿತ್‌ ಕಾಂಗು, ಆಚೇಂಗಿ ಯೆಹೋವ ಅಂವೊಂಡ ಉದ್ದೇಶತ್‌ನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಜ್ಞಾನತ್‌ರ ಪಡಿಮ 26:16

ವಿವೇಕತ್‌ಂಜ ಜವಾಬ್ ಕೊಡ್‌ಪಕಯ್ಯುವ ಏಳ್‌ ಜನಕಿಂಜಿ, ತನ್ನ ತಾನೆ ಜ್ಞಾನಿ ಎಣ್ಣಿಯಂಡ್‌ ಸೋಮಾರಿಯಾನಂವೊ ಗೇನ ಮಾಡಿಯೊವ.

ಜ್ಞಾನತ್‌ರ ಪಡಿಮ 28:11

ಐಶ್ವರ್ಯವಂತ, ತಾಂಡ ದೃಷ್ಟಿಲ್‌ ತಾನೇ ಬುದ್ದಿವಂತಂವೋಂದ್‌ ಗೇನ ಮಾಡುವ. ಆಚೇಂಗಿ ಬುದ್ದಿ ಉಳ್ಳ ಗರೀಬ ಅಂವೊನ ಪರೀಕ್ಷೆ ಮಾಡುವ.

ಜ್ಞಾನತ್‌ರ ಪಡಿಮ 3:7

ನೀನೇ ಜ್ಞಾನಿ ಎಣ್ಣಿಯಂಡ್‌ ಗೇನ ಮಾಡತೆ, ಯೆಹೋವಂಗ್‌ ಬೊತ್ತಿಯಂಡ್‌ ಪಾಳ್‌ ಬಟ್ಟೆಯಿಂಜ ದೂರ ಇರ್.

ಜ್ಞಾನತ್‌ರ ಪಡಿಮ 30:12

ತಂಗಡ ಹೊಲಸನ ಕತ್ತತೆ, ತಾಂಗಳೇ ಶುದ್ದ ಆನಯಿಂಗಾಂದ್‌ ಎಣ್ಣುವಯಿಂಗಳು ಉಂಡ್.

ಜ್ಞಾನತ್‌ರ ಪಡಿಮ 9:9

ಜ್ಞಾನ ಉಳ್ಳಂವೊಂಗ್‌ ಬುದ್ದಿ ಎಣ್ಣ್, ಅಂವೊ ಇಂಞು ಜ್ಞಾನಿ ಆಪ. ನೀತಿವಂತಂವೊಂಗ್‌ ಪಡಿಪ್‌ಚಿಡ್. ಅಂವೊ ಇಂಞು ಪಡಿಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:11

ಫರಿಸಾಯ ಎದ್ದಿತ್: ದೇವ! ನಾನ್ ದುರಾಸೆ ಉಳ್ಳಂವೊನೆಕೆ, ಮೋಸ ಮಾಡ್‌ವಂವೊನೆಕೆ ಪಿಂಞ ವ್ಯಬಿಚಾರ ಮಾಡ್‌ವಂವೊನೆಕೆ ಇಲ್ಲತಗುಂಡ್ ನಾನ್ ನೀಕ್ ವಂದನೆ ಎಣ್ಣ್‌ವಿ. ಅದಲ್ಲತೆ ಅಲ್ಲಿ ನಿಂದಿತುಳ್ಳ ಕಂದಾಯ ಎಡ್‌ಪಂವೊನೆಕೆ ನಾನ್ ಇಲ್ಲತಗುಂಡ್ ನೀಕ್ ವಂದನೆ ಮಾಡ್‌ವಿ.

ಗಲಾತ್ಯ 6:3

ಒಬ್ಬ, ಅಂವೊ ಒಂದು ಇಲ್ಲತ ಇಂಜತೇಂಗಿಯು, ಅಂವೊನ ಬಲ್ಯ ಮನುಷ್ಯಾಂದ್ ಗೇನ ಮಾಡ್‍ಚೇಂಗಿ, ಅಂವೊನ ಅಂವೊನೇ ಮೋಸ ಮಾಡ್‌ವ. ನೀನ್ ಒಂದು ಅಚ್ಚಕ್ ಬಲ್ಯ ಮನುಷ್ಯನಲ್ಲ.