ಜ್ಞಾನತ್‌ರ ಪಡಿಮ 12:14 - ಕೊಡವ ಬೈಬಲ್

¹⁴ ಒಬ್ಬೊಬ್ಬನು ಅಂವೊಂಡ ನಲ್ಲ ತಕ್ಕ್‌ರ ಫಲತ್‌ರಗುಂಡ್‌ ತೃಪ್ತಿಯಾಪ. ಅನ್ನನೆ ಒಬ್ಬೊಬ್ಬ ಕೆಯ್ಯುವ ಪಣಿಕ್‌ ತಕ್ಕ ಫಲ ಅಂವೊಂಗ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 12:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:31

ಆನಗುಂಡ್, ಅಯಿಂಗ ಅಯಿಂಗಡ ನಡತೆರ ಫಲತ್‌ನ ಅನುಬವಿಚಿಡುವ; ಅಯಿಂಗಡ ಯೋಚನೇಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 13:2

ಒರ್‌ ಮನುಷ್ಯ ತಾಂಡ ನಲ್ಲ ತಕ್ಕ್‌ರ ಫಲತ್‌ರಗುಂಡ್‌ ನಲ್ಲದ್‌ನ ಅನುಬವಿಚಿಡುವ. ಆಚೇಂಗಿ ದ್ರೋಹಿಯ ಕ್ರೂರವಾಯಿತ್‌ ಇಪ್ಪಕೇ ಕುಶಿ ಪಡುವ.

ಜ್ಞಾನತ್‌ರ ಪಡಿಮ 14:14

ನಂಬಿಕೆಯಿಂಜ ದೂರ ಪೋನ ಮನುಷ್ಯ ಅಂವೊ ಮಾಡ್‌ನ ಕಾರ್ಯಕ್‌ ತಕ್ಕಂತ ದಂಡನೆನ ಅನುಬವಿಚಿಡುವ. ಒರ್‌ ನಲ್ಲ ಮನುಷ್ಯ ಅಂವೊ ಮಾಡ್‌ನ ನಲ್ಲ ಕಾರ್ಯಕ್‌ ತಕ್ಕಂತ ಪ್ರತಿಫಲತ್‌ಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 15:23

ಸೆರಿಯಾನ ಜವಾಬ್ ಒಬ್ಬಂಗ್‌ ಕುಶಿ ತಪ್ಪ. ಸೆರಿಯಾನ ನೇರತ್‌ ಎಣ್ಣ್‌ನ ಚೊಲ್‌ಲ್‌ ಎಚ್ಚಕ್‌ ನಲ್ಲದ್‌!

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 24:12

ಇದ್‌ಂಡ ವಿಷಯ ನಂಗಕ್‌ ಒಂದು ಗೊತ್ತ್‌ಲ್ಲೇಂದ್‌ ಎಣ್ಣ್‌ಚೇಂಗಿ, ಹೃದಯತ್‌ನೆಲ್ಲಾ ಪರೀಕ್ಷೆ ಮಾಡ್‌ವಂವೊಂಗ್‌ ಅರಿಯತೆ ಇಪ್ಪೊ? ನೀಡ ಆತ್ಮತ್‌ನ ಕಾಪಂವೊಂಗ್‌ ಗೊತ್ತಿಲ್ಲತೆ ಇಪ್ಪೊ? ಒಬ್ಬೊಬ್ಬನು ಮಾಡುವ ಕಾರ್ಯಕ್‌ ತಕ್ಕಂತ ಪ್ರತಿಫಲ ಕೊಡ್‌ಕತೆ ಇಪ್ಪೊ?

ಜ್ಞಾನತ್‌ರ ಪಡಿಮ 5:22

ಒರ್‌ ದುಷ್ಟ ಅಂವೊ ಮಾಡ್‌ವ ಕ್‍ೕಡಾನ ಕಾರ್ಯತ್‌ಂಜಲೇ ಚಿಕ್ಕಿತಿಪ್ಪ, ಅಂವೊ ಮಾಡ್‌ವ ಪಾಪತ್‌ರ ಕಾರ್ಯವೇ ಅಂವೊನ ಪುಡ್‌ಚಿತಿಪ್ಪ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಇಬ್ರಿಯ 11:26

ಐಗುಪ್ತ ದೇಶತ್‍ರ ಆಸ್ತಿಕಿಂಜ ಕ್ರಿಸ್ತಂಗಾಯಿತ್ ಕ್‍ಟ್ಟುವ ಅವಮಾನತ್‍ನ ಬಲ್ಯ ಆಸ್ತಿಯಾಯಿತ್ ಲೆಕ್ಕ ಮಾಡಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಪ್ರತಿಫಲಕಾಯಿತ್ ನೋಟಿಯಂಡಿಂಜತ್.

ಇಬ್ರಿಯ 2:2

ಎನ್ನಂಗೆಣ್ಣ್‌ಚೇಂಗಿ, ದೇವದೂತಂಗಡ ಮೂಲಕ ಎಣ್ಣ್‌ನ ವಾಕ್ಯಕ್ ವಿರೋದವಾಯಿತ್ ಮಾಡ್‌ವ ಏದ್ ಪಾಪಕು, ತಗ್ಗಿತ್ ನಡ್‍ಕತ ವಿಷಯಕು, ದೇವ ನೀತಿಯಾಯಿತುಳ್ಳ ಶಿಕ್ಷೆ ತಪ್ಪಾಂದ್ ಅಂವೊಂಡ ವಾಕ್ಯ ದೃಡವಾಯಿತ್ ಎಣ್ಣಿಯಂಡುಂಡ್.