ಜ್ಞಾನತ್‌ರ ಪಡಿಮ 12:13 - ಕೊಡವ ಬೈಬಲ್

¹³ ದುಷ್ಟ ತಾಂಡ ತಕ್ಕ್‌ಯಿಂಜಲೇ ಚಿಕ್ಕಿ ಪೋಪ, ಆಚೇಂಗಿ ನೀತಿವಂತಂವೊ ಇಕ್ಕಟ್ಯಿಂಜ ಬಚಾವ್‌ ಆಪ.

ಜ್ಞಾನತ್‌ರ ಪಡಿಮ 12:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 10:8

ಹೃದಯತ್‌ಲ್‌ ಜ್ಞಾನ ಉಳ್ಳಂವೊ, ಆಜ್ಞೆನ ಸ್ವೀಕಾರ ಮಾಡಿಯೊವ, ಆಚೇಂಗಿ ಹರಟೆ ತಕ್ಕ್‌ ಪರಿಯುವ ಮೂಡಂಗ ಅಂವೊನ ನಾಶ ಮಾಡಿಯೊವ.

ಜ್ಞಾನತ್‌ರ ಪಡಿಮ 11:8

ನೀತಿವಂತಂವೊ ಇಕ್ಕಟಿಂಜ ಬಚಾವಾಪ, ಆಚೇಂಗಿ ದುಷ್ಟ ಆ ಇಕ್ಕಟ್‌ಲ್‌ ಚಿಕ್ಕಿ ಪೋಪ.

ಜ್ಞಾನತ್‌ರ ಪಡಿಮ 15:2

ಜ್ಞಾನಿಯಡ ನಾವ್‌ ಅರಿವುನ ಉಪಯೋಗಿಚಿಡುವ. ಆಚೇಂಗಿ ಮೂಡಂಗಡ ಬಾಯಿ ಮೂಡತನತ್‌ನೇ ಕಕ್ಕುವ.

ಜ್ಞಾನತ್‌ರ ಪಡಿಮ 18:21

ಚಾವು ಬದ್‌ಕು ನಾವ್‌ರ ಅದಿಕಾರತ್‌ಲ್‌ ಉಂಡ್. ಅದ್‌ನ ಕುಶಿಪಡುವಯಿಂಗ ಅದ್‌ಂಡ ಫಲತ್‌ನ ಅನುಬವಿಚಿಡುವ.

ಜ್ಞಾನತ್‌ರ ಪಡಿಮ 21:23

ತಾಂಡ ಬಾಯಿನ ಪಿಂಞ ನಾವ್‌ನ ಕಾಪಂವೊ, ನಾಶತಿಂಜೆಲ್ಲ ಅಂವೊನ ಕಾಪಾಡಿಯೊವ.

ಜ್ಞಾನತ್‌ರ ಪಡಿಮ 6:2

ನೀನ್‌ ನೀಡ ತಕ್ಕ್‌ರಗುಂಡ್‌ ಕೆಣಿಂಜಿ ಪೋಯಿತುಳ್ಳಿಯ. ನೀಡ ಸ್ವಂತ ತಕ್ಕ್‌ರಗುಂಡ್‌ ನೀನ್‌ ಬಲೆಕ್‌ ಚಿಕ್ಕಿ ಪೋಯಿತುಳ್ಳಿಯ.

ಮತ್ತಾಯ 27:25

ಅಕ್ಕ ಎಲ್ಲಾ ಜನಳು ಒಮ್ಮಕೆ: ಅಂವೊಂಡ ಚಾವ್‍ರ ಜವಾಬ್ದಾರಿ ನಂಗಡ ಮೇಲೆ ಪಿಂಞ ನಂಗಡ ಮಕ್ಕಡ ಮೇಲೆ ಇರಡ್‍ೕಂದ್ ಎಣ್ಣ್‌ಚಿ.

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.