ಜ್ಞಾನತ್‌ರ ಪಡಿಮ 12:1 - ಕೊಡವ ಬೈಬಲ್

¹ ಬುದ್ದಿತಕ್ಕ್‌ನ ಪ್ರೀತಿಚಿಡುವಂವೊ, ಅರಿವುನ ಕುಶಿ ಪಡುವ. ಆಚೇಂಗಿ ಎಚ್ಚರ ತಕ್ಕ್‌ನ ದ್ವೇಷ ಮಾಡ್‌ವಂವೊ ಬುದ್ದಿಯಿಲ್ಲತಂವೊನಾಯಿತುಂಡ್.

ಜ್ಞಾನತ್‌ರ ಪಡಿಮ 12:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:8

ಹೃದಯತ್‌ಲ್‌ ಜ್ಞಾನ ಉಳ್ಳಂವೊ, ಆಜ್ಞೆನ ಸ್ವೀಕಾರ ಮಾಡಿಯೊವ, ಆಚೇಂಗಿ ಹರಟೆ ತಕ್ಕ್‌ ಪರಿಯುವ ಮೂಡಂಗ ಅಂವೊನ ನಾಶ ಮಾಡಿಯೊವ.

ಜ್ಞಾನತ್‌ರ ಪಡಿಮ 11:31

ಇದಾ! ನೀತಿವಂತಂವೊಂಗ್‌ ಈ ಬೂಮಿಲ್‌ ಅಂವೊಂಡ ಕ್ರಿಯೆಕ್‌ ತಕ್ಕಂತ ಫಲ ಕ್‌ಟ್ಟುವ. ಅನ್ನನಾಚೇಂಗಿ ದುಷ್ಟಂಗು, ಪಾಪಿಕು ದಂಡನೆ ಕ್‌ಟ್ಟೋದ್‌ ಎಚ್ಚಕ್‌ ಕಂಡಿತ.

ಜ್ಞಾನತ್‌ರ ಪಡಿಮ 12:2

ನಲ್ಲ ಮನುಷ್ಯಂಗ್‌ ಯೆಹೋವಂಡ ದಯೆ ಇಪ್ಪ. ಆಚೇಂಗಿ ಕೆಟ್ಟ ಗೇನ ಉಳ್ಳಂವೊಂಗ್‌ ದಂಡನೆ ಕ್‌ಟ್ಟುವ .

ಜ್ಞಾನತ್‌ರ ಪಡಿಮ 15:10

ನೀತಿರ ಬಟ್ಟೆನ ಬುಟ್ಟಿತ್‌ ನಡ್‌ಪಯಿಂಗಕ್‌ ಕಠಿಣ ಶಿಕ್ಷೆ ಕ್‌ಟ್ಟುವ. ತಿದ್ದ್‌ವಿಕೆನ ದ್ವೇಷ ಮಾಡ್‌ವಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 18:1

ಜನಡಯಿಂಜ ದೂರ ಇಪ್ಪಂವೊ ತಾಂಗ್‌ ಎಂತ ಕುಶಿ ಉಂಡೋ ಅದ್‌ನೇ ಮಾಡಿತ್, ಪ್ರತಿಯೊರ್‌ ನೇರಾನ ಜ್ಞಾನಕ್‌ ವಿರುದ್ದವಾಯಿತ್‌ ಅಂವೊ ವಾದ ಮಾಡುವ.

ಜ್ಞಾನತ್‌ರ ಪಡಿಮ 30:2

ಮನುಷ್ಯಂಗಡಡೆಲ್‌ ನಾನ್‌ ದಡ್ಡ ಮನುಷ್ಯನಾಯಿತುಲ್ಳ. ಮನುಷ್ಯಂಗಕ್‌ ಬೋಂಡಿಯಾನ ಬುದ್ದಿ ನಾಕ್‍ ಇಲ್ಲೆ.

ಜ್ಞಾನತ್‌ರ ಪಡಿಮ 8:17

ನನ್ನ ಪ್ರೀತಿಚಿಡುವಯಿಂಗಳ ನಾನ್‌ ಪ್ರೀತಿಚಿಡುವಿ. ನನ್ನ ನೇರಾಯಿತು ತ್‍ೕಡ್‌ವಯಿಂಗ ನನ್ನ ಕಂಡಿತವಾಯಿತ್‌ ಕಂಡ್‌ಪುಡಿಪ.

ಜ್ಞಾನತ್‌ರ ಪಡಿಮ 8:32

ಆನಗುಂಡ್‌ ಮಕ್ಕಳೇ, ನಾಡ ತಕ್ಕ್‌ನ ಕ್‍ೕಳಿ. ನಾನ್‌ ಎಣ್ಣ್‌ವಾನ ಕ್‍ೕಟಿತ್‌ ಅದ್‌ಂಗ್‌ ಬಗ್ಗಿತ್‌ ನಡ್‌ಪಯಿಂಗ ಆಶೀರ್ವಾದ ಪಡ್‌ಂದಯಿಂಗ.

ಜ್ಞಾನತ್‌ರ ಪಡಿಮ 8:36

ನನ್ನ ಕಂಡ್‌ಪುಡಿಪ್ಪಕ್‌ ಕೈಯಾತಂವೊ, ತಾಂಡ ಆತ್ಮಕ್‌ ಕ್‍ೕಡ್‌ ಮಾಡಿಯೊವ. ನನ್ನ ದ್ವೇಷ ಮಾಡುವಯಿಂಗೆಲ್ಲಾ, ಚಾವುನ ಪ್ರೀತಿಮಾಡುವ.

2 ಥೆಸಲೊನೀಕ 2:10

ಅಂವೊ ಇನ್ನನೆಯೆಲ್ಲಾ ಮೋಸ ಮಾಡಿತ್, ದುಂಬ ಜನಳ ವಂಚನೆ ಮಾಡ್‌ವ. ಈ ಜನ ನೇರಾಯಿತ್ ಪಾಳಾಯಿ ನರಕಕ್ ಪೋಪಕಾಯಿತ್ ಉಳ್ಳಯಿಂಗ, ಎನ್ನಂಗಾಯಿತ್ ಅಯಿಂಗ ಪಾಳಾಪ ಎಣ್ಣ್‌ಚೇಂಗಿ, ಈ ಜನ ಅಯಿಂಗಕ್ ರಕ್ಷಣೆ ತಪ್ಪ ಸತ್ಯತ್‍ನ ಸ್ವೀಕಾರ ಮಾಡತೆ ಪ್ರೀತಿ ಮಾಡತೆ ಪೋಚಿ.