ಜ್ಞಾನತ್‌ರ ಪಡಿಮ 11:24 - ಕೊಡವ ಬೈಬಲ್

²⁴ ದಾರಾಳವಾಯಿತ್‌ ಕೊಡ್‌ತಿತ್‌ ಇಂಞು ಐಶ್ವರ್ಯನಾನಂವೊ ಉಂಡ್, ಕೊಡಪಕುಳ್ಳದ್‌ನ ಕೊಡ್‌ಕತೆ ಗರೀಬನಾನಂವೊನು ಉಂಡ್.

ಜ್ಞಾನತ್‌ರ ಪಡಿಮ 11:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 11:18

ಒರ್‌ ದುಷ್ಟಂಡ ಆದಾಯ ಮೋಸವಾಯಿತ್‌ಪ್ಪ. ಆಚೇಂಗಿ ನೀತಿನ ಬಿತ್ತ್‌ವಂವೊ ಯೋಗ್ಯವಾನ ಫಲತ್‌ನ ಪಡೆಯುವ.

ಜ್ಞಾನತ್‌ರ ಪಡಿಮ 11:23

ನೀತಿವಂತಯಿಂಗಡ ಆಸೆಯೆಲ್ಲ ನಲ್ಲದೇ ಆಯಿತಿಪ್ಪ, ಆಚೇಂಗಿ ದುಷ್ಟಂಗಡ ನಿರೀಕ್ಷೆ ಬಲ್ಯ ಚೆಡಿರ ದಂಡನೆಕ್‌ ಕೊಂಡಪೋಪ.

ಜ್ಞಾನತ್‌ರ ಪಡಿಮ 11:25

ಉದಾರ ಮನಸ್ಸ್‌ ಉಳ್ಳಂವು ಅಬಿವೃದ್ದಿ ಆಪ. ಬೋರೆಯಯಿಂಗಕ್‌ ಸಹಾಯ ಮಾಡ್‌ವಂವೊಂಗ್, ಸಹಾಯ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 13:7

ಒಂದು ಇಲ್ಲತಂವೊ ತನ್ನ ಐಶ್ವರ್ಯವಂತಂವೊನಾಯಿತ್‌ ಕಾಂಬ್‌ಚಿಡುವಂವೊನು ಉಂಡ್; ದುಂಬ ಐಶ್ವರ್ಯವ ಉಳ್ಳಂವೊ ತನ್ನ ಗರಿಬಂಡನೆಕೆ ಕಾಂಬ್‌ಚಿಡುವಂವೊನು ಉಂಡ್.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 28:27

ಗರೀಬಂಗಕ್‌ ಕೊಡ್‌ಪಂವೊಂಗ್‌ ಒರ್‌ ಕೊರತೆಯೂ ಇಪ್ಪುಲೆ. ಆಚೇಂಗಿ ಗರೀಬಂಗಕ್‌ ತಾಂಡ ಕಣ್ಣ್‌ನ ಮುಚ್ಚ್‌ವಂವೊಂಗ್‌ ದುಂಬ ಶಾಪ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 28:8

ಅನ್ಯಾಯ ಬಡ್ಡಿ ಪಿಂಞ ಆದಾಯತ್‌ಂಜ ತಾಂಡ ಆಸ್ತಿನ ಜಾಸ್ತಿ ಮಾಡುವಂವೊ, ಗರೀಬಂಗಕ್‌ ದಯೆ ಕಾಟ್‌ವವೊಂಗಾಯಿತ್‌ ಅದ್‌ನ ಕೂಟಿತ್‌ ಬೆಪ್ಪ.

ಮಲಾಕಿ 3:8

ಮನುಷ್ಯ ಒಡಯನಾನ ಯೆಹೋವ ದೇವನ ಕಪ್ಪಕಯ್ಯುವ? ಆಚೇಂಗಿ ನಿಂಗ ನನ್ನ ಕದ್ದಿತುಳ್ಳಿರ. ಏದ್‌ ವಿಷಯತ್‌ಲ್‌ ನಂಗ ಕದ್ದಿಯೇಂದ್‌ ಕ್‍ೕಪಿರ? ಪತ್ತ್‌ಲ್‌ ಒರ್‌ ಬಾಗತ್‌ನ ದೇವಕ್‌ ಕೊಡ್‌ಪದ್‌ಲ್‌ ಪಿಂಞ ಕಾಣಿಕೆಲೇ ನಿಂಗ ಕದ್ದಂಡುಳ್ಳಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:38

ಕೊಡಿ, ಅಕ್ಕ ದೇವ ನಿಂಗಕು ಕೊಡ್‍ಪ; ಅಮ್‌ಕಿ, ಕುಲ್‍ಕಿ, ತುಳ್‌ಕಿ ನಿಂಗಡ ಮಡ್‌ಲ್ ಚಾಯಿತೆ ಅಳ್‌ತೆ ಮಾಡಿತ್ ಕೊಡ್‍ಪ; ನಿಂಗ ಏದ್ ಅಳ್‌ತೆಲ್ ಅಳ್‍ಪಿರ ಅದೇ ಅಳ್‌ತೆಲ್ ನಿಂಗಕು ಅಳ್‌ಪ.