ಜ್ಞಾನತ್‌ರ ಪಡಿಮ 11:11 - ಕೊಡವ ಬೈಬಲ್

¹¹ ಸತ್ಯವಂತಯಿಂಗಡ ಆಶೀರ್ವಾದ ಪಟ್ಟಣತ್‌ನ ಬಲ್ಯ ಸ್ತಾನಕ್‌ ಕೊಂಡ ಪೋಪ. ಆಚೇಂಗಿ ದುಷ್ಟಂಗಡ ತಕ್ಕ್‌ಯಿಂಜ ಪಟ್ಟಣ ಪಾಳಾಯಿ ಪೋಪ.

ಜ್ಞಾನತ್‌ರ ಪಡಿಮ 11:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 45:8

ಆನಗುಂಡ್‌ ಇದ್‌ ನಿಂಗಡ ಕೆಲಸ ಅಲ್ಲ, ದೇವನೇ ನನ್ನ ಇಲ್ಲಿಕ್‌ ಅಯಿಚಿತ್, ನನ್ನ ಫರೋಹನಂಗ್‌ ಆಲೋಚನೆ ಕೊಡ್‌ಪಂವೊನಾಯಿತು, ಅಂವೊಂಡ ಅರಮನೆರ ಕಾರ್ಯಾಕಾರನಾಯಿತು, ಐಗುಪ್ತ ದೇಶತ್‌ರ ಅದಿಪತಿಯಾಯಿತು ನನ್ನ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 11:10

ನೀತಿವಂತಯಿಂಗ ಸುಖವಾಯಿತ್‌ ಇಂಜತೇಂಗಿ ಇಡೀ ಪಟ್ಟಣವೇ ಕೊಂಡಾಟತ್‌ಲ್‌ ಇಪ್ಪ. ಆಚೇಂಗಿ ದುಷ್ಟಂಗ ನಾಶ ಆಯಿ ಪೋಚೇಂಗಿ ಜನ ಕುಶೀಲ್‌ ಕೂತ್‌ ಕೊಡ್‌ಪ.

ಜ್ಞಾನತ್‌ರ ಪಡಿಮ 11:12

ದಡ್ಡ ನೆರೆಮನೆಕಾರನ ಪರಿಹಾಸ ಮಾಡ್‌ವ, ಆಚೇಂಗಿ ಬುದ್ದಿವುಳ್ಳಂವೊ ತಾಂಡ ಬಾಯಿನ ಅಡಕಿ ಬೆಚ್ಚೊವ.

ಜ್ಞಾನತ್‌ರ ಪಡಿಮ 14:34

ನೀತಿ ದೇಶತ್‌ನ ಗೌರವ ಪಡ್‌ತುವ; ಆಚೇಂಗಿ ಪಾಪತ್‌ರಗುಂಡ್‌ ಏದ್‌ ಜನಕು ಅವಮಾನ ಆಪ.

ಜ್ಞಾನತ್‌ರ ಪಡಿಮ 28:2

ಒರ್‌ ದೇಶತ್‌ ಜನ ದಂಗೆ ಎದ್ದಂಡೇ ಉಂಡೇಂಗಿ ದುಂಬ ಅದಿಪತಿಯ ಬದಲಾಯಂಡೇ ಇಪ್ಪ. ಆಚೇಂಗಿ ಬುದ್ದಿಯು ವಿವೇಕವು ಉಳ್ಳ ಅದಿಪತಿರಗುಂಡ್‌ ದೇಶ ಸ್ತಿರವಾಯಿತ್‌ ಇಪ್ಪ.

ಜ್ಞಾನತ್‌ರ ಪಡಿಮ 29:8

ಪರಿಹಾಸ ಮಾಡ್‌ವಯಿಂಗ ಪಟ್ಟಣತ್‌ಲ್‌ ತಿತ್ತ್‌ ಕತ್ತಿಚಿಡುವ. ಆಚೇಂಗಿ ಜ್ಞಾನ ಉಳ್ಳಯಿಂಗ ಚೆಡಿರ ಜ್ವಾಲೆನ ಆರಿಚಿಡುವ.

ಯಾಕೋಬ 3:6

ಅನ್ನನೆ ನಂಗಡ ನಾವ್ ಒರ್ ತಿತ್ತ್‌ರನೆಕೆ. ಅದ್ ತಡೀರ ಅಂಷತ್‌ಲ್ ಅನೀತಿ ದುಂಬ್‍ನ ಲೋಕ; ಅದ್ ಮನುಷ್ಯಂಡ ಒಟ್ಟ್ ಶರೀರತ್‌ನ ಪಾಳ್ ಮಾಡ್‌ವ, ಅಂವೊಂಡ ಈ ಬದ್‍ಕ್‍ನ ನರಕತ್‌ರ ತಿತ್ತ್‌ರಗುಂಡ್ ಕತ್ತಿಚಿಡುವ.