ಜ್ಞಾನತ್‌ರ ಪಡಿಮ 10:9 - ಕೊಡವ ಬೈಬಲ್

⁹ ಸತ್ಯತ್‌ಲ್‌ ನಡ್‌ಪಂವೊ ಪೋಡಿಯಿಲ್ಲತೆ ನಡ್‌ಪ. ಆಚೇಂಗಿ ಕಪಟಿಯಂಗಡ ಬಟ್ಟೆಲ್‌ ನಡ್‌ಪಂವೊ ಚಿಕ್ಕಿಪೋಪ.

ಜ್ಞಾನತ್‌ರ ಪಡಿಮ 10:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:1

ಅಬ್ರಾಮ ತೊಂಬತೊಯಿಂಬದ್‌ ವಯಸ್ಸಾಯಿತ್‌ಪ್ಪಕ ಯೆಹೋವ, ಅಬ್ರಾಮಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ನಾಡ ಮಿಂಞತ್‌ಲ್‌ ಏದ್‌ ಕುತ್ತವು ಇಲ್ಲತೆ ನಾಡ ಸೇವೆ ಮಾಡ್.

ಜ್ಞಾನತ್‌ರ ಪಡಿಮ 17:20

ಕಪಟ ಹೃದಯ ಉಳ್ಳಯಿಂಗ ನಲ್ಲದ್‌ನ ಕಾಂಬುಲೆ. ಪೊಟ್ಟ್‌ ಪರಿಯುವಂವೊಂಗ್‌ ತೊಂದರೆಯೇ ಗತಿ.

ಜ್ಞಾನತ್‌ರ ಪಡಿಮ 26:26

ತಾಂಡ ವಿರೋದತ್‌ನ ವಂಚನೆಯಿಂಜ ಒಳ್‌ಪ್‌ಚಿಡ್‌ವಂವೊಂಡ ದುಷ್ಟತನ ಜನಡ ಸಬೆರ ಮಿಂಞತ್‌ ಕಾಂಬ್‌ಚಿಡುವ.

ಜ್ಞಾನತ್‌ರ ಪಡಿಮ 28:1

ದಾರು ಓಡಿಚಿಡತೆ ಪೋಚೇಂಗಿಯು ದುಷ್ಟ ಓಡಿ ಪೋಪ. ಆಚೇಂಗಿ ನೀತಿವಂತಯಿಂಗ ಸಿಂಹತ್‌ರನೆಕೆ ದೈರ್ಯತ್‌ಲ್‌ ಇಪ್ಪ.

ಜ್ಞಾನತ್‌ರ ಪಡಿಮ 28:18

ಸತ್ಯತ್‌ಲ್‌ ನಡ್‌ಪಂವೊ ಸೌಕ್ಯತ್‌ ಇಪ್ಪ. ಕಪಟತನತ್‌ಲ್‌ ದಂಡ್‌ ಬಟ್ಟೆಲ್‌ ನಡ್‌ಪಂವೊ, ಅದ್‌ಂಡ ಒರ್‌ ಬಟ್ಟೆಲ್‌ ಬುದ್ದ್ ಪೋಪ.

ಜ್ಞಾನತ್‌ರ ಪಡಿಮ 3:23

ಅಕ್ಕ ನೀನ್‌ ಪೋಡಿಯಿಲ್ಲತೆ ನೀಡ ಬಟ್ಟೆಲ್‌ ಪೋಪಿಯ, ನೀಡ ಕಾಲ್‌ ತಟ್ಟಿತ್‌ ಬೂವುಲೆ.

ಮತ್ತಾಯ 10:26

ಆನಗುಂಡ್ ನಿಂಗಳ ದಬಾಯಿಚಿಡ್‍ವಯಿಂಗಕ್ ಬೊತ್ತತಿ. ಎನ್ನಂಗೆಣ್ಣ್‌ಚೇಂಗಿ, ಒಳ್‌ಪ್‌ಚ್ಚಿಟಂಡ್ ಉಳ್ಳದೆಲ್ಲ ಪೊರಮೆ ಬಪ್ಪ, ಮುಚ್ಚಿತುಳ್ಳದೆಲ್ಲಾ ಬೊಳಿಕ್ ಬಪ್ಪ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

1 ತಿಮೊಥೆಯ 5:25

ಅನ್ನನೆ ಚೆನ್ನ ಜನಡ ನಲ್ಲ ಕಾರ್ಯ ಎಲ್ಲಾರು ಕಾಂಬನೆಕೆ ಇಪ್ಪ. ಅನ್ನನೆ ಕಾಂಗತೆ ಇಪ್ಪದು, ಸಮಯ ಬಪ್ಪಕ ಎಲ್ಲಾರ್‌ಕು ಗೊತ್ತಾಪ.