ಜ್ಞಾನತ್‌ರ ಪಡಿಮ 10:6 - ಕೊಡವ ಬೈಬಲ್

⁶ ನೀತಿವಂತಂವೊಂಡ ಮಂಡೆರ ಮೇಲೆ ಆಶೀರ್ವಾದ ಇಪ್ಪ, ಆಚೇಂಗಿ ಹಿಂಸೆ, ದುಷ್ಟಂಡ ಬಾಯಿನ ಅಡಕ್‌ವ.

ಜ್ಞಾನತ್‌ರ ಪಡಿಮ 10:6 ပူးပေါင်းရင်းမြစ်များ

ಎಸ್ತೆರ್‌ 7:8

ರಾಜ ಅರಮನೆರ ತೋಟತ್‌ಂಜ ದ್ರಾಕ್ಷಿರಸ ಕುಡ್‌ಚಂಡಿಂಜ ಜಾಗಕ್‌ ತಿರಿತ್‌ ಬಪ್ಪಕ, ಎಸ್ತೇರ್‌ ಅಳ್‌ತಂಡಿಂಜ ಮೆತ್ತೆರಮೇಲೆ ಹಾಮಾನ ಬುದ್ದಿತುಳ್ಳನ ಕಂಡತ್. ಅಕ್ಕ ರಾಜ: ನಾನ್‌ ಅರಮೆನೆಲ್‌ ಇಪ್ಪಕಲೇ ನಾಡ ಮಿಂಞತೇ ಇಂವೊ ರಾಣಿನ ಅವಮಾನ ಮಾಡಂಡೂಂದ್‌ ಗೇನ ಮಾಡಿತುಂಡಾಂದ್‌ ಕ್‍ೕಟತ್. ಈ ತಕ್ಕ್‌ ರಾಜಂಡ ಬಾಯಿಯಿಂಜ ಬಂದದ್‌ನ ಕ್‍ೕಪದು ಸೇವಕಂಗ ಹಾಮಾನಂಡ ಮೂಡ್‌ನ ಮುಚ್ಚಿರ್‌ತ್.

ಜ್ಞಾನತ್‌ರ ಪಡಿಮ 10:11

ನೀತಿವಂತಂವೊಂಡ ಬಾಯಿ ಜೀವತ್‌ರ ಬುಗ್ಗೆ ಆಯಿತಿಪ್ಪ. ಆಚೇಂಗಿ ಹಿಂಸೆ, ದುಷ್ಟಂಡ ಬಾಯಿನ ಅಡಕ್‌ವ.

ಜ್ಞಾನತ್‌ರ ಪಡಿಮ 10:5

ಕೊಯಿಪಣಿ ಕಾಲತ್‌ ಬೊಳೆನ ಕೂಟಿ ಬೆಪ್ಪಂವೊ ಬುದ್ದಿ ಉಳ್ಳ್ ಮೋಂವೊ. ಆಚೇಂಗಿ ಕೊಯಿಪಣಿರ ಕಾಲತ್‌ ವರಿಯಂಡಿಪ್ಪಂವೊ ಅವಮಾನತ್‌ನ ಕೊಂಡ ಬಪ್ಪ ಮೋಂವೊನಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 11:26

ಬೆಲೆ ಜಾಸ್ತಿ ಆಂಡೂಂದ್‌ ಆಹಾರ ದಾನ್ಯತ್‌ನ ಕೆಟ್ಟಿ ಬೆಪ್ಪಂವೊಂಗ್‌ ಜನ ಶಾಪ ಇಡುವ. ಆಚೇಂಗಿ ಅದ್‌ನ ಮಾರ್ವಂವೊಂಗ್‌ ಆಶೀರ್ವಾದ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 24:25

ಆಚೇಂಗಿ ಅಪರಾದಿನ ದಂಡ್‌ಚಿಡುವಂವೊನ ಮೆಚ್ಚುವ. ಅಂವೊಂಗ್‌ ಉತ್ತಮವಾನ ಆಶೀರ್ವಾದ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 28:20

ನಂಬಿಗಸ್ತಂಗ್‌ ಬಲ್ಯ ಆಶೀರ್ವಾದ ಕ್‌ಟ್ಟುವ. ಐಶ್ವರ್ಯವಂತನಾಪಕ್‌ ಆತುರಪಡ್‌ವಂವೊಂಗ್‌ ಕಂಡಿತವಾಯಿತ್‌ ತಂಡನೆ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 3:33

ದುಷ್ಟಂಗಡ ಕುಟುಬಂತ್‌ರ ಮೇಲೆ ಯೆಹೋವಂಡ ಶಾಪ ಇಪ್ಪ, ಆಚೇಂಗಿ ನೀತಿವಂತಯಿಂಗಡ ಕುಟುಬಂತ್‌ನ ಅಂವೊ ಆಶೀರ್ವಾದ ಮಾಡ್‌ವ.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.