ಜ್ಞಾನತ್‌ರ ಪಡಿಮ 10:4 - ಕೊಡವ ಬೈಬಲ್

⁴ ಸೋಮಾರಿತನತ್‌ಲ್‌ ಕೆಲಸ ಮಾಡವಂವೊ ಬಡವನಾಪ. ಆಚೇಂಗಿ ಕಷ್ಟಪಟ್ಟಿತ್‌ ಕೆಲಸ ಮಾಡ್‌ವಂವೊ ಐಶ್ವರ್ಯವಂತನಾಪ.

ಜ್ಞಾನತ್‌ರ ಪಡಿಮ 10:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 26:32

ಅದೇ ದಿವಸ ಇಸಾಕಂಡ ಪಣಿಕಾರಂಗ ಬಂದಿತ್, ಅಯಿಂಗ ತೋಡ್‌ನ ಕಣತರೆರ ವಿಷಯತ್‌ನ ಎಣ್ಣಿತ್, ನಂಗಕ್‌ ನೀರ್‌ ಕ್‌ಟ್ಟ್‌ಚೀಂದ್‌ ಅರಿಚಿಟ್ಟತ್.

ಜ್ಞಾನತ್‌ರ ಪಡಿಮ 10:5

ಕೊಯಿಪಣಿ ಕಾಲತ್‌ ಬೊಳೆನ ಕೂಟಿ ಬೆಪ್ಪಂವೊ ಬುದ್ದಿ ಉಳ್ಳ್ ಮೋಂವೊ. ಆಚೇಂಗಿ ಕೊಯಿಪಣಿರ ಕಾಲತ್‌ ವರಿಯಂಡಿಪ್ಪಂವೊ ಅವಮಾನತ್‌ನ ಕೊಂಡ ಬಪ್ಪ ಮೋಂವೊನಾಯಿತ್‌ಪ್ಪ.

ಜ್ಞಾನತ್‌ರ ಪಡಿಮ 11:24

ದಾರಾಳವಾಯಿತ್‌ ಕೊಡ್‌ತಿತ್‌ ಇಂಞು ಐಶ್ವರ್ಯನಾನಂವೊ ಉಂಡ್, ಕೊಡಪಕುಳ್ಳದ್‌ನ ಕೊಡ್‌ಕತೆ ಗರೀಬನಾನಂವೊನು ಉಂಡ್.

ಜ್ಞಾನತ್‌ರ ಪಡಿಮ 12:24

ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊ ಆಳ್‌ವಿಕೆ ಮಾಡುವ. ಆಚೇಂಗಿ, ಸೋಮಾರಿ ಅಡಿಯಾಳಪ.

ಜ್ಞಾನತ್‌ರ ಪಡಿಮ 12:27

ಸೋಮಾರಿ ತಾನ್‌ ಬೋಟೆಯಾಡ್‌ನಾನ ಸಹ ಅಡುಗೆ ಮಾಡುಲೆ, ಆಚೇಂಗಿ ಎಚ್ಚರತ್‌ಲ್‌ ಕೆಲಸ ಮಾಡ್‌ವಂವೊಂಗ್‌ ಐಶ್ವರ್ಯ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 18:9

ತಾಂಡ ಕೆಲಸತ್‌ ಮಂಕ್‌ ಆಯಿತ್‌ ಇಪ್ಪಂವೊನು ನಾಶ ಮಾಡುವಂವೊನು ಅಣ್ಣತಮ್ಮಣಂಗಳೇ.

ಜ್ಞಾನತ್‌ರ ಪಡಿಮ 19:15

ಸೋಮಾರಿತನ ವರಿಪೋಯಿತ್‌ ಬುದ್ದ್ ಪೋಪಕ್‌ ಮಾಡುವ, ಆಚೇಂಗಿ ಒಂದು ಪಣಿ ಮಾಡತೆ ಉಳ್ಳಂವು ಕೆಲಪೈಪಿಂಜ ನರಳುವ.

ಜ್ಞಾನತ್‌ರ ಪಡಿಮ 19:24

ಸೋಮಾರಿ ತಾಂಡ ಕೈಯಿನ ತಟ್ಟೆಲ್‌ ಬೆಚ್ಚಿತ್, ಅದ್‌ನ ಪುನಃ ತಾಂಡ ಬಾಯಿಕ್‌ ಸಹ ಎಡ್‌ತಂಡ್‌ ಪೋಪುಲೆ.

ಜ್ಞಾನತ್‌ರ ಪಡಿಮ 20:13

ವರ್‌ಕ್‌ನ ಪ್ರೀತಿ ಮಾಡತೆ, ಇಲ್ಲತ ಪೋಚೇಂಗಿ ನೀನ್‌ ಗರಿಬನಾಪಿಯ. ಕಣ್ಣ್‌ನ ತೊರ್‌ಂದಿತ್‌ ಇರ್, ಅಕ್ಕ ನೀನ್‌ ಆಹಾರತ್‌ಂಜ ತೃಪ್ತಿ ಆಪಿಯ.

ಜ್ಞಾನತ್‌ರ ಪಡಿಮ 20:4

ಸೋಮಾರಿಯಾನಂವೊ ಕುಳ್‌ರ್ ಎಣ್ಣಿಯಂಡ್‌ ಸೆರಿಯಾನ ಕಾಲತ್‌ ಉಪ್ಪ್‌ಲೆ. ಕೊಯ್ಯಿಪಣಿರ ಕಾಲತ್‌ ಬೋಡ್‌ಚೇಂಗಿಯು ಅಂವೊಂಗ್‌ ಒಂದು ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 21:5

ಕಷ್ಟಪಟ್ಟಿತ್‌ ಕೆಲಸ ಮಾಡುವಂವೊಂಡ ಯೋಜನೆ ಅಬಿವೃದಿ ಪೊಂದ್ವನೆಕೆ ಮಾಡುವ. ಆತುರತ್‌ಲ್‌ ನಡ್‌ಪಂವೊಂಡ ಯೋಜನೆ ಗರಿಬನಾಪಕ್‌ ಮಾಡುವ.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?