ಜ್ಞಾನತ್‌ರ ಪಡಿಮ 10:26 - ಕೊಡವ ಬೈಬಲ್

²⁶ ಪಲ್ಲ್‌ಕ್‌ ಪುಳಿನೀರು, ಕಣ್ಣ್‌ಕ್ ಪೊಗೆಯು ಎನ್ನೆನೆ ಇಪ್ಪೊ ಅನ್ನನೆ ಸೋಮಾರಿಯು ಅಂವೊಂಗ್‌ ಪಣಿ ಕೊಡ್‌ತಂವೊಂಗ್‌ ಇಪ್ಪ.

ಜ್ಞಾನತ್‌ರ ಪಡಿಮ 10:26 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:13

ಕೊಯ್ಯಿಪಣಿರ ಕಾಲತ್‌ ಮಂಜಿರ ತಂಪ್ ಎನ್ನನೆ ಇಪ್ಪೊ, ಅನ್ನನೆ ನಂಬಿಕಸ್ತನಾನ ದೂತನು ಇಪ್ಪ. ಅಂವೊ ತಾಂಡ ಒಡೆಯಂಡ ಆತ್ಮತ್‌ನ ತಂಪಾಯಿತ್‌ ಮಾಡುವ.

ಜ್ಞಾನತ್‌ರ ಪಡಿಮ 25:20

ಮನಸ್ಸ್‌ ದುಃಖತ್‌ಲ್‌ ಉಳ್ಳಂವೊಂಗ್‌ ಕುಶಿರ ಪಾಟ್ ಪಾಡ್‌ವಂವೊ, ಕುಳ್‌ರ್ ಕಾಲತ್‌ಲ್‌ ಬಟ್ಟೆನ ಉತ್ತ್‌ವಂವೊನೆಕೆಯು, ಗಾಯತ್‌ರ ಮೇಲೆ ಬೂಕ್‌ನ ಪುಳಿನೀರ್‌ನೆಕೆಯು ಇಪ್ಪ.

ಜ್ಞಾನತ್‌ರ ಪಡಿಮ 26:6

ಮೂಡಂಡ ಮೂಲಕ ಸುದ್ದಿ ಅಯಿಪಂವೊ ತಾಂಡ ಸ್ವಂತ ಕಾಲ್‌ನ ಕತ್ತರಿಚಿಟ್ಟಂಡ್‌ ನಷ್ಟಪಡುವನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 6:6

ಸೋಮಾರಿಯೇ, ನೀನ್‌ ಇರ್ಪುರ ಪಕ್ಕ ಪೋಯಿತ್‌ ಅವು ನಡ್‌ಪ ಬಟ್ಟೆನ ನೋಟಿತ್‌ ಬುದ್ದಿವಂತನಾಪಕ್‌ ಪಡ್‌ಚ.

ಮತ್ತಾಯ 25:26

ಅಕ್ಕ ಅಂವೊಂಡ ಎಜಮಾನ: ಒಂದಂಗೂ ಪ್ರಯೋಜನ ಇಲ್ಲತ ಮೋಸಕಾರನು ಸೋಮಾರಿಯು ಆನ ಆಳ್ ನೀನ್! ನಾನ್ ಬಿತ್ತ್ ಇಡತ ಜಾಗತ್‍ಲ್ ಕೊಯ್ಯುವೀಂದು, ಬಿತ್ತ್ ಚದ್‍ರತ ಜಾಗತ್‍ಲ್ ಕೂಟ್‍ವೀಂದು ನೀಕ್ ಗೊತ್ತ್ಂಜತ್.

ರೋಮ್ 12:11

ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

ಇಬ್ರಿಯ 6:12

ನಿಂಗ ಸೋಮಾರಿಯಾಯಿತ್ ಬದ್‍ಕತೆ, ದೇವ ವಾಗ್ದಾನ ಮಾಡ್‍ನ ಎಲ್ಲಾ ಆಶೀರ್ವಾದತ್‍ನ ನಂಬಿಕೆ ಪಿಂಞ ತಾಳ್ಮೆರ ಮೂಲಕ ಪಡೆಯುವಯಿಂಗಳ ನೋಟಿತ್ ನಡ್‍ಪಯಿಂಗಳಾಯಿತ್ ಇರಿ.