ಜ್ಞಾನತ್‌ರ ಪಡಿಮ 10:22 - ಕೊಡವ ಬೈಬಲ್

²² ಯೆಹೋವಂಡ ಆಶೀರ್ವಾದ ಐಶ್ವರ್ಯತ್‌ನ ತಪ್ಪ. ಅದ್‌ಂಡ ಕೂಡೆ ಅಂವೊ ನೊಂಬಲತ್‌ನ ಕೂಟುಲೆ.

ಜ್ಞಾನತ್‌ರ ಪಡಿಮ 10:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 13:2

ಇಕ್ಕ ಅಬ್ರಾಮ ದುಂಬ ಐಶ್ವರ್ಯವಂತಂವೊನಾಯಿತ್‌ಂಜಿತ್, ಅಂವೊಂಗ್‌ ಎತ್ತ್‌ಕಡ್‌ಚಿಯ, ಬೊಳ್ಳಿ ಪಿಂಞ ಪೊನ್ನ್‌ ಇಂಜತ್.

ಆದ್ಯತ್‌ರ ಪುಸ್ತಕ 24:35

ಯೆಹೋವ ನಾಡ ಎಜಮಾನನ ದುಂಬ ಆಶೀರ್ವಾದ ಮಾಡಿತ್‌ ಅಂವೊ ಬಲ್ಯ ಐಶ್ವರ್ಯವಂತಂವೊನಾಯಿತುಂಡ್. ಅಂವೊಂಗ್‌ ಕೊರಿ, ಎತ್ತ್‌ಕಡ್‌ಚಿ, ಬೊಳ್ಳಿ ಪೊನ್ನ್‌ ಪಣಿಕಾರಂಗಳ, ಪಣಿಕಾರ್ತಿಯಳ, ಒಂಟೆಯಳ ಪಿಂಞ ಕತ್ತೆಯಳ ಕೊಡ್‌ತಿತುಂಡ್.

ಆದ್ಯತ್‌ರ ಪುಸ್ತಕ 26:12

ಪಿಂಞ ಇಸಾಕ ಆ ದೇಶತ್‌ಲ್‌ ಬೇಲ್‌ಲ್‌ ಬಿತ್ತ್‌ ಬೀಜಿಯತ್. ಯೆಹೋವ ಅಂವೊನ ಆಶೀರ್ವಾದ ಮಾಡ್‍ನಗುಂಡ್, ಆ ಕಾಲಕ್‌ ನೂರ್‌ ಪಟ್ಟ್‌ ಬೊಳೆ ಕ್‌ಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 26:13

ಅಂವೊ ಐಶ್ವರ್ಯವಂತಂವೊನಾಚಿ. ಐಶ್ವರ್ಯ ದಿನ ದಿನ ದುಂಬನಗುಂಡ್‌ ಅಂವೊ ಬಲ್ಯ ಮನುಷ್ಯನಾಚಿ.

ಜ್ಞಾನತ್‌ರ ಪಡಿಮ 14:24

ಜ್ಞಾನಿಯಡ ಕಿರೀಟ ಅಯಿಂಗಡ ಐಶ್ವರ್ಯ. ಆಚೇಂಗಿ ಮೂಡಂಗಡ ದಡ್ಡತನತಿಂಜ ಮೂಡತನವೇ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 20:21

ಬದ್‌ಕ್‌ರ ಸುರುಲ್‌ ಕ್‌ಟ್ಟ್‌ನ ಬಾದ್ಯತೆಕ್‌ ಕಡೆಲ್‌ ಆಶೀರ್ವಾದತ್‌ನ ತಪ್ಪ್‌ಲೆ.

ಜ್ಞಾನತ್‌ರ ಪಡಿಮ 28:22

ಜೀಣೆ ಬುದ್ದಿ ಉಳ್ಳಂವೊ ಐಶ್ವರ್ಯವಂತನಾಪಕ್‌ ಆತುರ ಪಡುವ. ಆಚೇಂಗಿ ಅಂವೊ ಬೆರಿಯ ಗರೀಬನಾಪಾಂದ್‌ ಅಂವೊಂಗ್‌ ಗೊತ್ತಿಲ್ಲೆ.

ಜ್ಞಾನತ್‌ರ ಪಡಿಮ 8:21

ನಾನ್‌ ಅಯಿಂಗಳ ನೀತಿರ ಬಟ್ಟೆಲು, ನ್ಯಾಯತ್‌ರ ಬಟ್ಟೆಲು ನಡ್‌ತ್‌ವಿ.