ಜ್ಞಾನತ್‌ರ ಪಡಿಮ 1:32 - ಕೊಡವ ಬೈಬಲ್

³² ಪಾಪ ಜನತ್‌ನ (ಸಾದು ಜನತ್‌ನ) ಅಯಿಂಗಡ ಮೂಡತನವೇ ಕೊಂದ್‌ರ್‌ವ, ಮೂಡಂಗ ಅಯಿಂಗಡ ಎಚ್ಚರಯಿಲ್ಲತ ನಡತೆಯಿಂಜ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 1:32 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:22

ಸಾದು ಜನಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಮೂಡತನತ್‌ಲ್‌ ಕುಶಿಪಡುವಿರಾ? ಪರಿಹಾಸ ಮಾಡ್‌ವಯಿಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಪರಿಹಾಸ ಮಾಡ್‌ವದ್‌ಲ್‌ ಕುಶಿಪಡುವಿರಾ? ಮೂಡಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಅರಿವ್‌ನ ದ್ವೇಷ ಮಾಡುವಿರ?

ಜ್ಞಾನತ್‌ರ ಪಡಿಮ 10:21

ನೀತಿವಂತಂವೊಂಡ ತಕ್ಕ್‌ ದುಂಬ ಜನತ್‌ನ ಉಂಬ್‌ಚಿಡುವ. ಆಚೇಂಗಿ ಮೂಡಂಗ, ದಡ್ಡತನತ್‌ಂಜ ನಾಶ ಆಯಿ ಪೋಪ.

ಜ್ಞಾನತ್‌ರ ಪಡಿಮ 14:16

ಜ್ಞಾನಿಯಾನಂವೊ ಪೋಡಿಚಿಟ್ಟಂಡ್‌ ಕ್‍ೕಡ್‌ಂಜ ದೂರ ಇಪ್ಪ. ಆಚೇಂಗಿ ದಡ್ಡ ಎಚ್ಚರಿಕೆ ಇಲ್ಲತೆ ದುಡುಕಿತ್‌ ಕಾರ್ಯ ಮಾಡುವ.

ಜ್ಞಾನತ್‌ರ ಪಡಿಮ 2:18

ಅವಡ ಮನೆಕ್‌ ಪೋಪದ್, ಚಾವಕ್‌ ಪೋಪನೆಕೆ ಇಪ್ಪ, ಅವ ಪೋಪ ಬಟ್ಟೆ ನರಕಕ್‌ ಪೋಪ ಬಟ್ಟೆಯಾಯಿತುಂಡ್.

ಜ್ಞಾನತ್‌ರ ಪಡಿಮ 5:22

ಒರ್‌ ದುಷ್ಟ ಅಂವೊ ಮಾಡ್‌ವ ಕ್‍ೕಡಾನ ಕಾರ್ಯತ್‌ಂಜಲೇ ಚಿಕ್ಕಿತಿಪ್ಪ, ಅಂವೊ ಮಾಡ್‌ವ ಪಾಪತ್‌ರ ಕಾರ್ಯವೇ ಅಂವೊನ ಪುಡ್‌ಚಿತಿಪ್ಪ.

ಜ್ಞಾನತ್‌ರ ಪಡಿಮ 8:36

ನನ್ನ ಕಂಡ್‌ಪುಡಿಪ್ಪಕ್‌ ಕೈಯಾತಂವೊ, ತಾಂಡ ಆತ್ಮಕ್‌ ಕ್‍ೕಡ್‌ ಮಾಡಿಯೊವ. ನನ್ನ ದ್ವೇಷ ಮಾಡುವಯಿಂಗೆಲ್ಲಾ, ಚಾವುನ ಪ್ರೀತಿಮಾಡುವ.

ಜ್ಞಾನತ್‌ರ ಪಡಿಮ 8:5

ಸಾದು ಜನಳೇ, ವಿವೇಕತ್‌ನ ಪಡ್‌ಚೊಳಿ. ಮೂಡಂಗಳೇ, ಅರ್ಥಮಾಡುವಕ್‌ ಪ್ಯತ್ತಮಾಡಿ.

ಜ್ಞಾನತ್‌ರ ಪಡಿಮ 9:18

ಆಚೇಂಗಿ ಚತ್ತಯಿಂಗ ಅವಡ ಮನೆಲ್ ಉಂಡ್‍ೕಂದು, ಅವಡ ಬೆಂದ್‌ಕ ಆಳವಾನ ನರಕ ಪಾತಾಳತ್‌ ಉಂಡ್‍ೕಂದು ಅಂವೊಂಗ್‌ ಗೊತ್ತ್‌ಲೆ.

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 12:8

ಎಲ್ಲಾರ್‌ಕು ಕ್‍ಟ್ಟುವ ಶಿಕ್ಷೆ ನಿಂಗಕ್ ಕ್‍ಟ್ಟತೆ ಪೋಚೇಂಗಿ, ನಿಂಗ ದೇವಡ ಮಕ್ಕಳಾಯಿತ್ ಇಲ್ಲತೆ, ವೇಶಿರ ಮಕ್ಕಳಾಯಿತ್‌ಪ್ಪಿರಲ್ಲ.

ಯಾಕೋಬ 5:5

ನಿಂಗ ಈ ಬೂಲೋಕತ್‍ಲ್ ಇಪ್ಪಕ, ನಿಂಗಡ ಕೆಲತ್‍ನ ದುಂಬ್‍ಚಿಡ್‍ವಕ್ ಪಿಂಞ ಆಡಿಕಳಿಪಕೇ ಗೇನಮಾಡಿಯಂಡಿಂಜಿರ. ಆಚೇಂಗಿ ಇಕ್ಕ ಗದ್ದಾಳ ದಿವಸಕಾಯಿತ್ ತಯಾರ್ ಮಾಡ್‍ನ ಬೊಳ್ಂದ ಎತ್ತ್‌ರನೆಕೆ ನಿಂಗ ಉಳ್ಳಿರ.