ಜ್ಞಾನತ್‌ರ ಪಡಿಮ 1:20 - ಕೊಡವ ಬೈಬಲ್

²⁰ ಜ್ಞಾನ, ಬೀದೀಲ್‌ ನಿಂದಂಡ್‌ ಕಾಕಿಯಂಡುಂಡ್, ಚತ್ತೇಲ್‌ ಜೋರಾಯಿತ್‌ ಕೂತ್‌ ಕೊಡ್‌ತಂಡುಂಡ್.

ಜ್ಞಾನತ್‌ರ ಪಡಿಮ 1:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:21

ಅದ್‌ ಜನ ದುಂಬಿತುಳ್ಳ ರಸ್ತೆಲ್‌ ಪಿಂಞ ಪಟ್ಟಣತ್‌ರ ಮುಕ್ಯಪಟ್ಟ ಕಂಡಿಲ್‌ ನಿಂದಂಡ್‌ ಕೂತ್ತ್‌ ಕೊಡ್‌ತಿತ್‌ ತಾಂಡ ತಕ್ಕ್‌ನ ವಿವರಿಚಿಟ್ಟಂಡುಂಡ್.

ಜ್ಞಾನತ್‌ರ ಪಡಿಮ 9:1

ಜ್ಞಾನ ತಾಂಡ ಮನೆನ ಕೆಟ್ಟಿತ್, ತಾಂಡ ಏಳ್‌ ಕಂಬತ್‌ನ ಕೆತ್ತಿತ್‌ ಬೆಚ್ಚಿತುಂಡ್.

ಜ್ಞಾನತ್‌ರ ಪಡಿಮ 9:3

ಜ್ಞಾನ ಎಲ್ಲಾರ್‌ನ ಕಾಕ್‌ಚಿಡುವಕಾಯಿತ್‌ ತಾಂಡ ಪಣಿಕಾರ್ತಿಯಳ ಅಯಿಚತ್. ಅಯಿಂಗ ಪಟ್ಟಣತ್‌ರ ಎತ್ತರವಾನ ಜಾಗತ್‌ ನಿಂದಂಡ್,

ಮತ್ತಾಯ 13:54

ಅಂವೊ ತಾಂಡ ಸ್ವಂತ ಊರ್‌ಕ್ ಬಂದಿತ್, ಅಯಿಂಗಡ ಸಬಾಮಂದಿರತ್‍ಲ್ ಎಲ್ಲಾರ್‌ಕು ಬೋದನೆ ಮಾಡ್‌ವಕ್ ಸುರು ಮಾಡ್‍ಚಿ. ಇದ್‍ನ ಕ್‍ೕಟಿತ್ ಅಯಿಂಗಕೆಲ್ಲ ಆಶ್ಚರ್ಯ ಆಯಿತ್, ಇಂವೊಂಗ್ ಎಲ್ಲಿಂಜ ಈ ತರ ಜ್ಞಾನವು, ಅದ್ಬುತ ಕಾರ್ಯ ಮಾಡ್‌ವಕ್ ಶಕ್ತಿಯು ಕ್‌ಟ್ಟಿಚೀಂದ್ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:49

ಇದ್ಂಗಾಯಿತ್ ದೇವಡ ಜ್ಞಾನ ಎಣ್ಣ್‌ಚಿ: ನಾನ್ ದೇವಡ ಪ್ರವಾದಿಯಂಗಳ, ಅಪೊಸ್ತಲಂಗಳ ಅಯಿಂಗಡ ಪಕ್ಕ ಅಯಿಪಿ; ಅಯಿಂಗಡಲ್ಲಿ ಚೆನ್ನ ಜನಳ ಕೊಲ್ಲುವ, ಚೆನ್ನ ಜನಳ ತೊಂದರೆ ಮಾಡ್‌ವ;

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

1 ಕೊರಿಂಥ 1:24

ಆಚೇಂಗಿ, ದೇವ ದಾರ್‌ನ ಅಂವೊಂಡ ಮಕ್ಕಳಾಯಿತ್ ಕಾಕಿತುಂಡೋ, ಅಯಿಂಗ ಯೆಹೂದ್ಯರಾಚೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನ ಆಚೇಂಗಿಯು, ಅಯಿಂಗಕ್ ಕ್ರಿಸ್ತ ದೇವಡ ಶಕ್ತಿಯಾಯಿತು, ದೇವಡ ಜ್ಞಾನವಾಯಿತು ಉಂಡ್.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

ಕೊಲೊಸ್ಸೆ 2:3

ಕ್ರಿಸ್ತಂಡ ಒಳ್‌ಲೇ ಎಲ್ಲಾ ಜ್ಞಾನ ಪಿಂಞ ಬುದ್ದಿ ಎಣ್ಣುವ ಬಂಡಾರ ಮುಚ್ಚಿತುಂಡ್.