ಜ್ಞಾನತ್‌ರ ಪಡಿಮ 1:11 - ಕೊಡವ ಬೈಬಲ್

¹¹ ಅಯಿಂಗ: ನಂಗಡ ಕೂಡೆ ಬಾ, ಕೊಲ್ಲುವಕಾಯಿತ್‌ ನಂಗ ಒಳ್‌ಚಿತ್, ಸಾದು ಮನುಷ್ಯಳ ಪುಡಿಪಕ್‌ ಕಾರಣಯಿಲ್ಲತೆ ಇಂಜತೇಂಗಿಯು ಪಾರಕಾತ್ತಂಡ್‌ ಇಂಜಿತ್‌ ಪುಡಿಕನ.

ಜ್ಞಾನತ್‌ರ ಪಡಿಮ 1:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:16

ಅಯಿಂಗಡ ಕಾಲ್‌ ಕ್‍ೕಡ್‌ ಮಾಡ್‌ವಕ್‌ ಅವಸರತ್‌ಲ್‌ ಇಪ್ಪ. ಅಯಿಂಗ ಜನಡ ಚೋರೆನ ಚೆಲ್ಲ್‌ವಕ್‌ ಅವಸರ ಪಡುವ.

ಜ್ಞಾನತ್‌ರ ಪಡಿಮ 1:18

ಆಚೇಂಗಿ ಇಯಿಂಗ ಅನ್ನನೆ ಇಲ್ಲೆ! ಅಯಿಂಗಡೆ ಚೋರೆನೆ ಚೆಲ್ಲುವಕಾಯಿತೇ ಒಳ್‌ಚಿತ್‌ ಪಾರಕಾತಂಡುಂಡ್, ಅಯಿಂಗಡ ಜೀವಕ್‌ ಅಯಿಂಗಳೇ ಕೆಣಿ ಇಟ್ಟೋಂಡುಂಡ್.

ಜ್ಞಾನತ್‌ರ ಪಡಿಮ 12:6

ದುಷ್ಟಂಗಡ ತಕ್ಕ್‌ ಬೋರೆಯಿಂಗಳ ಕೊಲ್ಲ್‌ವಕ್‌ ಪದ್‌ಂಗಿ ಇಪ್ಪನೆಕೆ ಇಪ್ಪ. ಆಚೇಂಗಿ ಸತ್ಯವಂತಯಿಂಗಡ ತಕ್ಕ್‌ ಅಯಿಂಗಳ ಕಾಪಾಡುವ.

ಜ್ಞಾನತ್‌ರ ಪಡಿಮ 24:15

ದುಷ್ಟನೇ, ನೀತಿವಂತಂವೊಂಡ ಮನೆಕ್‌ ವಿರೋದವಾಯಿತ್‌ ಪದ್‌ಂಗಿ ಇರತೆ. ಅಂವೊ ವಾಸಮಾಡುವ ಜಾಗತ್‌ನ ಪಾಳ್ಮಾಡತೆ.

ಜ್ಞಾನತ್‌ರ ಪಡಿಮ 29:24

ಕಳ್ಳಂಡಕೂಡೆ ಪಾಲ್ದಾರನಾಯಿತ್‌ ಇಪ್ಪಂವೊ ತಾಂಗ್ತಾನೇ ಶತ್‌ರು ಆಪ. ಅಂವೊ ನ್ಯಾಯಾಸಬೆಲ್‌ ಸತ್ಯ ಎಣ್ಣ್‌ಚೇಂಗಿ ದಂಡನೆ ಕ್‌ಟ್ಟುವ. ಎಣ್ಣತೆ ಪೋಚೇಂಗಿ ದೇವ ಅಂವೊಂಗ್‌ ಶಾಪ ಕೊಡ್‌ಪ.

ಜ್ಞಾನತ್‌ರ ಪಡಿಮ 30:14

ದೇಶತ್‌ಲ್‌ ಉಳ್ಳ ಗರೀಬಳ ಪಿಂಞ ಮನುಷ್ಯಂಗಡಡೆಲ್‌ ಗತಿಯಿಲ್ಲತಯಿಂಗಳ ಮುಗ್ಗ್‌ವಕ್, ಕತ್ತಿರನೆಕೆ ಉಳ್ಳ ಪಲ್‌ಲ್‌ ಉಳ್ಳಯಿಂಗಳು ಉಂಡ್, ಚಾಕ್ರನೆಕೆ ಉಳ್ಳ ಕೋರೆಪಲ್‌ಲ್‌ ಉಳ್ಳ ಇಂಞೊರ್‌ ತರ ಸಂತಾನವು ಉಂಡ್.

ಯೋಹಾನ 15:25

ಅಯಿಂಗ ನನ್ನ ಒರ್ ಕಾರಣವು ಇಲ್ಲತೆ ವಿರೋದಿಚಿಡುವಾಂದ್ ಅಯಿಂಗಡ ನ್ಯಾಯಪ್ರಮಾಣತ್‍ಲ್ ಒಳ್‍ದ್‍ನ ತಕ್ಕ್ ಆಪನೆಕೆ ಆಚಿ.

ಅಪೊಸ್ತಲ 23:15

ಆನಗುಂಡ್ ನಿಂಗ, ಆಲೋಚನೆ ಸಬೇರಯಿಂಗಡ ಕೂಡೆ ಪೋಯಿತ್, ಪೌಲಂಡ ವಿಷಯತ್‍ನ ಇಂಞು ವಿವರವಾಯಿತ್ ವಿಚಾರಣೆ ಮಾಡ್‌ವಕ್ ಮನಸ್ಸುಳ್ಳಯಿಂಗಡನೆಕೆ ಸೇನೆರ ಅದಿಕಾರಿಕ್ ಕಾಟಿತ್, ಅಂವೊ ನಾಳೆ ಪೌಲನ ನಿಂಗಡ ಪಕ್ಕ ಕಾಕಿಯಂಡ್ ಬಪ್ಪಕ್ ಕ್‍ೕಳಿ. ಅನ್ನನೆ ಅಯಿಂಗ ಅಂವೊನ ಕೋಟೆಯಿಂಜ ಕಾಕಿಯಂಡ್ ಬಪ್ಪಕ, ನಂಗ ಅಂವೊನ ಕೊಲೆ ಮಾಡ್‌ವಕ್ ತಯಾರಾಯಿತ್ ಇಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 25:3

ಅಯಿಂಗಡ ಮೇಲೆ ದಯೆ ಕಾಟ್‌ವದಾಚೇಂಗಿ, ಪೌಲನ ಬೆರಿಯ ಯೆರೂಸಲೇಮ್‌ಕ್ ಕಾಕಿಯಂಡ್ ಬರಂಡೂಂದ್ ಬೋಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಪೌಲನ ಯೆರೂಸಲೇಮ್‌ಕ್ ಕಾಕಿಯಂಡ್ ಬಪ್ಪಕ, ಬಟ್ಟೇಲ್ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡಿತ್ ತೀರ್ಮಾನ ಮಾಡಿತ್ಂಜತ್.