ಫಿಲಿಪ್ಪಿ 4:19 - ಕೊಡವ ಬೈಬಲ್

¹⁹ ನಾಡ ದೇವ ನಿಂಗಕ್ ಬೋಂಡಿಯಾನದ್‌ನೆಲ್ಲಾ, ದೇವಡ ದುಂಬ್‍ನ ಮಹಿಮೇರ ಐಶ್ವರ್ಯತ್‍ರಗುಂಡ್ ಯೇಸು ಕ್ರಿಸ್ತಂಡ ಮೂಲಕ ನಿಂಗಕ್ ತಪ್ಪ.

ಫಿಲಿಪ್ಪಿ 4:19 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:15

ಅಲ್ಲಿಂಜ ಯೋಸೇಫನ ಆಶೀರ್ವಾದ ಮಾಡಿತ್: ನಾಡ ಮುತ್ತಜ್ಜಂಗಳಾನ ಅಬ್ರಹಾಮನು, ಇಸಾಕನು ಆರಾದನೆ ಮಾಡ್‌ನ ದೇವ ಇಯಿಂಗಳ ಆಶೀರ್ವಾದ ಮಾಡಡ್. ನಾನ್‌ ಪುಟ್ಟ್‌ನ ದಿವಸತ್‌ಂಜ ಇಲ್ಲಿಕತ್ತನ ನನ್ನ ನಡ್‌ತಿಯಂಡ್‌ ಬಂದ ದೇವ ಇಯಿಂಗಳ ಆಶೀರ್ವಾದ ಮಾಡಡ್.

ಮಲಾಕಿ 3:10

ನಾಡ ಮನೆಲ್ ಆಹಾರ ಕಮ್ಮಿ ಆಕತನೆಕೆ ಪತ್ತ್‌ಲ್‌ ಒರ್‌ ಬಾಗತ್‌ನ ಪತ್ತಾಯ ಕೋಂಬರೆಕ್‌ ಕೊಂಡ ಬಾರಿ. ಅಕ್ಕ ನಾನ್‌ ಬಾನತ್‌ರ ಪಡಿನ ತೊರ್‌ಂದಿತ್, ಕೂಟಿ ಬೆಪ್ಪಕ್‌ ಜಾಗ ಇಲ್ಲತೆ ಪೋಪನೆಕೆ ನಿಂಗಡ ಮೇಲೆ ಆಶೀರ್ವಾದತ್‌ನ ತೊರಿಯುವನೋ ಇಲ್ಲೆಯೋಂದ್‌ ನನ್ನ ಪರೀಕ್ಷೆ ಮಾಡೀಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 6:32

ದೇವಡ ಮೇಲೆ ನಂಬಿಕೆ ಇಲ್ಲತಯಿಂಗ ಇದ್‍ನೆಲ್ಲ ಗೇನ ಮಾಡಿಯಂಡ್, ಬೇಜಾರ್ ಮಾಡಿಯಂಡಿಪ್ಪ. ಇದೆಲ್ಲ ನಿಂಗಕ್ ಬೋಂಡೂಂದ್ ನಿಂಗಡ ಪರಲೋಕತ್‍ರ ಅಪ್ಪಂಗ್ ಗೊತ್ತುಂಡ್.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 20:27

ಪಿಂಞ ಯೇಸು ತೋಮನ ಕಾಕಿತ್: ನೀಡ ಕೈ ಬೆರತ್‌ನ ಇಲ್ಲಿ ನ್‍ೕಟಿತ್ ನಾಡ ಕೈಯಿನ ನೋಟ್, ನೀಡ ಕೈಯಿನ ನೀಟುವಂಜಿ ನಾಡ ಬಗ್ಗ್‌ರೀಲ್ ಇಡ್. ನೀಡ ಅಪನಂಬಿಕೇನ ಬುಡ್, ನನ್ನ ನಂಬ್‍ೕಂದ್ ಯೇಸು ಎಣ್ಣ್‌ಚಿ.

ರೋಮ್ 1:8

ಆದ್ಯವಾಯಿತ್, ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಲೋಕತ್‍ರ ಎಲ್ಲಾ ಜಾಗತ್‍ಲ್ ಗೊತ್ತಾನಗುಂಡ್, ನಿಂಗ ಎಲ್ಲಾರ್‍ಕಾಯಿತ್ ನಾನ್ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಎಣ್ಣ್‌ವಿ.

ರೋಮ್ 11:33

ಓ, ದೇವಡ ಜ್ಞಾನತ್‍ರ ಐಶ್ವರ್ಯ ಪಿಂಞ ಅಂವೊಂಡ ಬುದ್ದಿ ಎಚ್ಚಕ್ ಆಳವಾಯಿತುಂಡ್! ಅಂವೊಂಡ ನ್ಯಾಯತೀರ್ಪ್‌ನ ಕಂಡ್‌ಪುಡಿಪಕ್ ಕಯ್ಯುಲೆ, ಅಂವೊಂಡ ಬಟ್ಟೇನ ಪರಿಶೋದನೆ ಮಾಡ್‌ವಕ್ ಕಯ್ಯತನೆಕೆ ಉಂಡ್.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

ರೋಮ್ 8:18

ಆನಗುಂಡ್, ಮಿಂಞಕ್ ನಂಗಕ್ ಕ್‍ಟ್ಟ್‌ವಕುಳ್ಳ ಮಹಿಮೆನ ಗೇನ ಮಾಡ್‍ಚೇಂಗಿ, ಇಕ್ಕತ್‍ರ ಕಷ್ಟವೆಲ್ಲ ಅದ್ಂಡಕೂಡೆ ಹೋಲಿಕೆ ಮಾಡ್‌ವಕ್ ಕಯ್ಯುಲೇಂದ್ ಗೇನ ಮಾಡ್‌ವಿ.

ರೋಮ್ 9:23

ತಾಂಡ ಮಹಿಮೆಕಾಯಿತ್ ತಯಾರ್ ಮಾಡ್‍ನ ಕನಿಕರತ್‍ರ ಪಾತ್ರವಾಯಿತುಳ್ಳ ನಂಗಡ ಮೇಲೆ ತಾಂಡ ಮಹಿಮೇರ ಐಶ್ವರ್ಯತ್‍ನ ಕಾಂಬ್‍ಚಿಡುವಕ್ ಕುಶಿಯುಳ್ಳಂವೊನಾಯಿತು,

2 ಕೊರಿಂಥ 12:21

ಪುನಃ ನಾನ್ ನಿಂಗಡ ಪಕ್ಕ ಬಪ್ಪಕ, ನಾಡ ದೇವ ನಿಂಗಡ ಮಿಂಞ ನನ್ನ ತಗ್ಗ್‌ಚಿಡುವಕಾಯಿತ್, ಮಿಂಞ ಪಾಪ ಮಾಡ್‍ನ ದುಂಬ ಜನ ಅಯಿಂಗ ಮಾಡ್‍ನ ಅಶುದ್ದತ್‍ನ, ಲೈಂಗಿಕ ಪಾಪತ್‍ನ ಪಿಂಞ ತಡೀರ ಮೋಹತ್‍ನ ಬುಟ್ಟಿತ್ ಪಶ್ಚಾತಾಪ ಪಡತೆ ಇಪ್ಪದ್‍ನ ಕಂಡಿತ್ ನಾನ್ ದುಃಖಪಡುವಕ್ ಇಪ್ಪೋಂದ್ ನಾಕ್ ಪೋಡಿ ಆಯಂಡುಂಡ್.

2 ಕೊರಿಂಥ 4:17

ಇಂಞು, ಒರ್ ಗಳಿಗೆಲ್ ಕಾಂಗತ ಆಪ ತೂವೆಯಾಯಿತುಳ್ಳ ನಂಗಡ ಈ ಕಷ್ಟ, ನಂಗಕ್ ದುಂಬ ಬಲ್ಯ ನಿತ್ಯ ಗನಪಟ್ಟ ಮಹಿಮೆನ ಉಂಟ್ ಮಾಡ್‌ವ.

ಎಫೆಸ 1:18

ಅಂವೊ ನಿಂಗಳ ಕಾಕ್‍ನಗುಂಡ್ ನಿಂಗಕುಳ್ಳ ನಿರೀಕ್ಷೆ ಎಂತದ್‍ೕಂದು, ದೇವಡ ಮಕ್ಕಡ ಪಕ್ಕ ನಂಗಕುಳ್ಳ ಬಾದ್ಯತೆರ ಮಹಿಮೇರ ಐಶ್ವರ್ಯ ಎಂತದ್‍ೕಂದ್ ಗೊತ್ತಾಪಕು,

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 3:16

ನಿಂಗ ಅಂವೊಂಡ ಪವಿತ್ರಾತ್ಮತ್‍ರ ಶಕ್ತಿರ ಮೂಲಕ ನಿಂಗಡ ಒಳ್‍ಲ್ ಉಳ್ಳ ಮನುಷ್ಯಂಡಲ್ಲಿ ಅಂವೊಂಡ ಮಹಿಮೇರ ಐಶ್ವರ್ಯತ್‍ರಗುಂಡ್ ನಿಂಗ ಬಲಪಡಂಡೂಂದು,

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಫಿಲಿಪ್ಪಿ 4:7

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗ ಏದ್ ವಿಷಯತು ಬೇಜಾರ್ ಮಾಡತೆ ಇಪ್ಪಕ್, ನಿಂಗಡ ಮನಸ್ಸ್‌ನ ಕಾಪಾಡ್‌ವ. ನಿಂಗ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಾಂಗ್ ನಿಂಗಡ ಹೃದಯತ್‍ಲ್ ಸಮಾದಾನ ತಂದಿತ್ ನಿಂಗಳ ಕಾಪಾಡ್‌ವ. ಅಂವೊಂಡಿಂಜ ಬಪ್ಪ ಈ ಸಮಾದಾನತ್‍ನ ನಂಗಡ ಬುದ್ದಿಯಿಂಜ ಅರ್ಥ ಮಾಡ್‌ವಕಯ್ಯುಲೆ.

ಕೊಲೊಸ್ಸೆ 1:27

ಯೆಹೂದ್ಯಂಗಲ್ಲತ ಜನಕಾಯಿತ್ ಅಂವೊ ಬೆಚ್ಚಿತುಳ್ಳ ಈ ಐಶ್ವರ್ಯವಾನ ಮಹಿಮೇರ ಗುಟ್ಟ್‌ನ, ದೇವ ತಾಂಡ ಮಕ್ಕಕ್ ಕಾಂಬ್‍ಚಿಡಂಡೂಂದ್ ಉಳ್ಳದೇ ಅಂವೊಂಡ ಚಿತ್ತ. ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತ ನಿಂಡಗಲ್ಲಿ ಉಂಡ್, ಅದ್ ಮಹಿಮೇರೆ ನಿರೀಕ್ಷೆಯೇ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

ಫಿಲೆಮೋನ 1:4

ಕ್ರಿಸ್ತ ಯೇಸುರ ಮೇಲೆ ಉಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಉಳ್ಳ ನೀಡ ಪ್ರೀತಿನ ನಾನ್ ಕ್‍ೕಟಿತ್, ನಾನ್ ಪ್ರಾರ್ಥನೆ ಮಾಡ್‌ವಕ, ಎಕ್ಕಲೂ ನೀಕಾಯಿತ್ ದೇವಕ್ ವಂದನೆ ಎಣ್ಣಿಯಂಡುಳ್ಳ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.