ಫಿಲಿಪ್ಪಿ 4:16 - ಕೊಡವ ಬೈಬಲ್

¹⁶ ನಾನ್ ಥೆಸಲೋನಿಕತ್‍ಲ್ ಇಪ್ಪಕಲು ನಿಂಗ ನಾಕ್ ಪಣ ಸಹಾಯತ್‍ನ ಅಕ್ಕಕ್ಕ ಮಾಡಿತುಳ್ಳಿರ.

ಫಿಲಿಪ್ಪಿ 4:16 ပူးပေါင်းရင်းမြစ်များ

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

1 ಥೆಸಲೊನೀಕ 2:18

ನಿಂಗಡ ಪಕ್ಕ ಇಂಞೊಮ್ಮ ಬರಂಡೂಂದ್ ಇಂಜತ್. ಪೌಲನಾನ ನಾನೇ ನಿಂಗಡ ಪಕ್ಕ ಪುನಃ ಪುನಃ ಬರಂಡೂಂದ್ ಇಂಜಿಯೆ, ಆಚೇಂಗಿ ಸೈತಾನ ನಂಗಳ ತಡೆ ಮಾಡಿರ್‌ತ್.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:14

ನಂಗಡ ಜನ, ನೇರಾಯಿತ್ ಕೊರತೆ ಉಳ್ಳಯಿಂಗಕ್ ಬೋಂಡಿಯಾನದ್‍ನ ಪೂರೈಚಿಡುವ ನಲ್ಲ ಕಾರ್ಯತ್‍ನ ಮಾಡ್‌ವಕ್ ಪಡಿಕಡ್. ಅಕ್ಕ ಅಯಿಂಗಡ ಬದ್‍ಕ್ ಪ್ರಯೋಜನ ಇಲ್ಲತೆ ಪೋಪುಲೆ.