ಫಿಲಿಪ್ಪಿ 3:13 - ಕೊಡವ ಬೈಬಲ್

¹³ ನಾಡ ಅಣ್ಣತಮ್ಮಣಂಗಳೇ, ನಾನ್ ಅದ್‍ನ ಪುಡ್‌ಚಂಡಿಯೇಂದ್ ಎಣ್ಣುಲೆ; ಆಚೇಂಗಿ ನಾಕ್ ಆನದ್‌ನೆಲ್ಲಾ ಗೇನ ಮಾಡತೆ, ನಾನ್ ಎಲ್ಲಾನ ಮರ್ಂದಿತ್, ನಾಡ ಮಿಂಞ ಇಪ್ಪದ್‍ನ ಮಾತ್ರ ನೋಟಿಯಂಡುಳ್ಳ.

ಫಿಲಿಪ್ಪಿ 3:13 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:42

ಆಚೇಂಗಿ, ಒಂದ್ ಮಾತ್ರ ಬೋಂಡಿಯೆ. ಮರಿಯ ಅವಡ ಹೃದಯತ್ಂಜ ಎಡ್‌ಪಕಯ್ಯತ ನಲ್ಲ ಬಾಗತ್‍ನ ಗೊತ್ತ್ ಮಾಡಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:62

ಅದ್ಂಗ್ ಯೇಸು: ದಾರ್ ನೇಂಗಿಲ್ ಕೈ ಇಟ್ಟ ಪಿಂಞ ಬಯ್ಯಕ್ ತಿರಿತ್ ನೋಟಿಯಂಡ್ ಇಪ್ಪ ಅಂವೊ ದೇವಡ ರಾಜ್ಯತ್‍ರ ಸೇವೇಕ್ ಯೋಗ್ಯನಾಯಿತ್‌ಪ್ಪುಲೇಂದ್ ಎಣ್ಣ್‌ಚಿ.

2 ಕೊರಿಂಥ 5:16

ಆನಗುಂಡ್, ಇಂಞು ಮಿಂಞಕ್, ಒಬ್ಬನ ಸಹ ಮನುಷ್ಯಂಡ ರೀತಿಲ್ ನೋಟಿಯಂಡಿಲ್ಲೆ. ಒರ್ ಸಮಯತ್‍ಲ್ ಕ್ರಿಸ್ತನ ನಂಗ ಮನುಷ್ಯಂಗಡನೆಕೆ ಗೇನ ಮಾಡಿತ್ಂಜತೇಂಗಿಯು, ಇಂಞು ಮಿಂಞಕ್ ಅನ್ನನೆ ಗೇನ ಮಾಡುಲೆ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಫಿಲಿಪ್ಪಿ 3:12

ಇಕ್ಕ ನಾಕ್ ಎಲ್ಲಾ ಕ್‌ಟ್ಟಿಪೋಚಿ, ನಾಕ್ ಎಲ್ಲಾ ಗೊತ್ತಾಚಿ, ಪೂರ್ತಿಯಾಯಿತ್ ಬದ್‍ಕಿಯಂಡುಳ್ಳ್‌ಂದ್ ಗೇನ ಮಾಡತೆ, ಕ್ರಿಸ್ತ ಯೇಸು ನನ್ನ ಎನ್ನಂಗಾಯಿತ್ ಕಾಕ್‌ಚೋ, ಅದ್‍ನ ಪುಡಿಪಕ್ ಕುಶೀಲ್ ಓಡಿಯಂಡುಳ್ಳ.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಇಬ್ರಿಯ 6:1

ಆನಗುಂಡ್, ಕ್ರಿಸ್ತಂಡ ವಿಷಯತ್ ನಿಂಗ ಕ್‍ೕಟಿತುಳ್ಳ ಅಡಿಪಾಯತ್‍ರ ಬೋದನಲೇ ನಂಗ ನಿಂದಂಡಿಪ್ಪಕ್ಕಾಗ. ಅದ್ಂಡ ಬದ್‍ಲ್, ನಂಗಳ ಚಾವ್‍ಕ್ ಬಲ್‍ಚಂಡ್ ಪೋಪ ಪಾಪತ್‍ರ ಕೆಲಸತ್‍ನ ಕಳೆಯುವ ಪಶ್ಚಾತಾಪ, ದೇವಡ ಮೇಲೆ ಇಡ್‌ವ ನಂಬಿಕೆ,

2 ಪೇತ್ರ 3:8

ಆಚೇಂಗಿ ನಾಡ ಪ್ರೀತಿರ ಜನಳೇ, ಒಡೆಯಂಗ್ ಒರ್ ದಿವಸ ಆಯಿರ ಕಾಲತ್‍ರನೆಕೆಯು, ಆಯಿರ ಕಾಲ ಒರ್ ದಿವಸತ್‍ರನೆಕೆಯು ಉಂಡ್‍ೕಂದ್ ಉಳ್ಳ ವಿಷಯತ್‍ನ ನಿಂಗ ಮರ್ಂದ್ ಪೋಪಕ್ಕಾಗ.