ಫಿಲೆಮೋನ 1:4 - ಕೊಡವ ಬೈಬಲ್

^4-5 ಕ್ರಿಸ್ತ ಯೇಸುರ ಮೇಲೆ ಉಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಉಳ್ಳ ನೀಡ ಪ್ರೀತಿನ ನಾನ್ ಕ್‍ೕಟಿತ್, ನಾನ್ ಪ್ರಾರ್ಥನೆ ಮಾಡ್‌ವಕ, ಎಕ್ಕಲೂ ನೀಕಾಯಿತ್ ದೇವಕ್ ವಂದನೆ ಎಣ್ಣಿಯಂಡುಳ್ಳ.

ಫಿಲೆಮೋನ 1:4 ပူးပေါင်းရင်းမြစ်များ

ರೋಮ್ 1:8

ಆದ್ಯವಾಯಿತ್, ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ, ಲೋಕತ್‍ರ ಎಲ್ಲಾ ಜಾಗತ್‍ಲ್ ಗೊತ್ತಾನಗುಂಡ್, ನಿಂಗ ಎಲ್ಲಾರ್‍ಕಾಯಿತ್ ನಾನ್ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಎಣ್ಣ್‌ವಿ.

ಎಫೆಸ 1:16

ನಿಂಗಕಾಯಿತ್ ಎಡೆಬುಡತೆ ದೇವಕ್ ವಂದನೆ ಮಾಡಿಯಂಡುಳ್ಳ. ನಾಡ ಪ್ರಾರ್ಥನೆಲ್ ನಿಂಗಳ ಗೇನ ಮಾಡಿತ್,

ಫಿಲಿಪ್ಪಿ 1:3

ನಾನ್ ನಿಂಗಳ ಎಕ್ಕೆಲ್ಲಾ ಗೇನ ಮಾಡ್‌ವಿ ಅಕ್ಕೆಲ್ಲಾ ನಿಂಗಕಾಯಿತ್ ನಾಡ ದೇವನ ವಂದನೆ ಮಾಡಿಯಂಡುಳ್ಳ.

ಕೊಲೊಸ್ಸೆ 1:3

ನಂಗ ಎಕ್ಕೆಲ್ಲಾ ನಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವ, ಅಕ್ಕೆಲ್ಲಾ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ವಂದನೆ ಮಾಡಿಯಂಡುಂಡ್.

1 ಥೆಸಲೊನೀಕ 1:2

ನಂಗ ಪ್ರಾರ್ಥನೆ ಮಾಡ್‌ವಕ, ನಿಂಗ ಎಲ್ಲಾರ್‍ಕಾಯಿತ್ ದೇವಕ್ ವಂದನೆ ಮಾಡಿತ್, ನಿಂಗಡ ವಿಷಯತ್‍ನ ದೇವಡ ಪಕ್ಕ ಎಕ್ಕಾಲು ಎಣ್ಣಿಯಂಡ್ ಉಂಡ್.

2 ಥೆಸಲೊನೀಕ 1:3

ನಂಗಡ ಅಣ್ಣತಮ್ಮಣಂಗಳೇ, ನಿಂಗಕಾಯಿತ್ ನಂಗ ಎಕ್ಕಾಲು ದೇವಕ್ ವಂದನೆ ಎಣ್ಣುವಕ್ ಜವಾಬ್ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೆ ಚಾಯಿತೆ ಬೊಳ್ಂದಂಡ್, ನಿಂಗ ಒಬ್ಬೊಬ್ಬಂಡ ಮೇಲೆ ಬೆಚ್ಚಿತುಳ್ಳ ಪ್ರೀತಿ ದುಂಬ ಜಾಸ್ತಿ ಆಯಂಡ್ ಉಳ್ಳಾಂಗ್, ನಂಗ ಅನ್ನನೆ ಎಣ್ಣ್‌ವದ್ ಸರಿಯಾಯಿತ್ ಉಂಡ್.

2 ತಿಮೊಥೆಯ 1:3

ನಾನ್ ಬೈಟ್ ಪೋಲ್ ಪ್ರಾರ್ಥನೆ ಮಾಡ್‌ವಕ ನಿನ್ನ ಎಕ್ಕಾಲು ಗೇನ ಮಾಡ್‌ವಿ. ಅದಲ್ಲತೆ ನಾಡ ಮುತ್ತಜ್ಜಂಗ ದೇವಡ ಸೇವೇನೆ ಮಾಡ್‍ನನೆಕೆ, ನಲ್ಲ ಮನಸಾಕ್ಷಿಲ್, ನಾನು ಸೇವೆ ಮಾಡಿಯಂಡ್ ನೀಕಾಯಿತ್ ದೇವಕ್ ವಂದನೆ ಮಾಡ್‌ವಿ.