ಫಿಲೆಮೋನ 1:21 - ಕೊಡವ ಬೈಬಲ್

²¹ ನಾಡ ತಕ್ಕ್‌ನ ಕ್‍ೕಟಿತ್, ಅದ್ಂಗಿಂಜ ದುಂಬ ಮಾಡ್‌ವಿಯಾಂದ್ ನಾಕ್ ಗೊತ್ತುಳ್ಳಗುಂಡು ಪಿಂಞ ನೀನ್ ಇದ್ಂಗ್ ಒತ್ತೊವಿಯಾಂದ್ ಉಳ್ಳ ನಂಬಿಕೆಯಿಂಜ ನಾನ್ ಈ ಕಾಗದತ್‍ನ ಒಳ್‍ದಿಯೆ.

ಫಿಲೆಮೋನ 1:21 ပူးပေါင်းရင်းမြစ်များ

ರೋಮ್ 2:19

ಇನ್ನನೆ ನಿಂಗ, ಕುರ್‌ಡಂಗಕ್ ಬಟ್ಟೆ ಕಾಟ್‌ವಯಿಂಗಳಾಯಿತ್, ಇರ್‌ಟ್‌ಲ್ ಉಳ್ಳಯಿಂಗಕ್ ಬೊಳಿಯಾಯಿತ್,

2 ಕೊರಿಂಥ 2:3

ಅಕ್ಕ ನಾನ್ ನಿಂಗಡ ಪಕ್ಕ ಬಪ್ಪಕ, ನನ್ನ ಕುಶಿಪಡ್‌ತ್‌ವಯಿಂಗಡಗುಂಡ್ ದುಃಖ ಪಡ್‍ವಕ್ ಆಗಾಂದು ಪಿಂಞ ನಾಡ ಕುಶಿ ನಿಂಗ ಎಲ್ಲಾರ್‌ಕು ಕುಶಿಯಾಯಿತಿಕ್ಕಂಡೂಂದು, ನಿಂಗ ಎಲ್ಲಾಡ ವಿಷಯತ್ ನಂಬಿಕೆಯಾಯಿತೇ, ನಿಂಗಡ ಪಕ್ಕ ಬಂದಿತ್ ನಿಂಗಳ ಕಾಂಬಕ್ ಮಿಂಞಲೇ ಅನ್ನನೆ ನಾನ್ ನಿಂಗಕ್ ಈ ಕಾಗದತ್‍ನ ಒಳ್‍ದಿಯೆ.

2 ಕೊರಿಂಥ 7:16

ಆನಗುಂಡ್, ಎಲ್ಲಾ ವಿಷಯತ್‍ಲು ನಿಂಗಡ ಮೇಲೆ ನಾಕ್ ತ್‍ೕರ ನಂಬಿಕೆ ಉಂಡ್‍ೕಂದ್ ಕುಶಿಪಟ್ಟಂಡುಂಡ್.

2 ಕೊರಿಂಥ 8:22

ಈಂಗಡ ಕೂಡೆ ನಂಗಡ ಇಂಞೊಬ್ಬನ ಸಹ ನಂಗ ಅಯಿಚಂಡುಂಡ್. ಅಂವೊ ದುಂಬ ವಿಷಯತ್‍ಲ್ ಜಾಗ್ರತೆಲ್ ಉಳ್ಳಂವೊನಾಯಿತ್ ನಂಗ ದುಂಬ ಸಮಯ ಅಂವೊನ ಕಂಡಿತುಂಡ್. ಇಕ್ಕ ನಿಂಗಡ ಮೇಲೆ ಬೆಚ್ಚಿತುಳ್ಳ ಬಲ್ಯ ನಂಬಿಕೇಲ್ ಇಂಞು ದುಂಬ ಜಾಗ್ರತೆಲ್ ಉಂಡ್.

ಗಲಾತ್ಯ 5:10

ನಿಂಗ ಬೋರೆ ರೀತಿಲ್ ಒಂದು ಗೇನ ಮಾಡುಲೇಂದ್ ನಿಂಗಡ ಮೇಲೆ ನಾಕ್ ದುಂಬ ನಂಬಿಕೆ ಉಂಡ್. ನಿಂಗಳ ಕಲವಳ ಮಾಡ್‍ನಂವೊ ದಾರಾಯಿತ್ಂಜತೇಂಗಿಯು ಅಂವೊಂಗ್ ದೇವಡ ಶಿಕ್ಷೆ ಕ್‍ಟ್ಟ್‌ವ.

2 ಥೆಸಲೊನೀಕ 3:4

ನಂಗ ನಿಂಗಕ್ ಬೋದನೆ ಮಾಡ್‍ನನೆಕೆ, ನಿಂಗ ನಂಗಡ ಆಜ್ಞೆನ ಪಾಲ್ ಮಾಡಿಯಂಡ್ ಉಂಡ್, ಇಂಞು ಅನ್ನನೆ ಮಾಡ್‌ವಿರಾಂದ್ ನಂಗಕ್ ನಿಂಗಡ ಮೇಲೆ ನಂಬಿಕೇನ ದೇವ ತಂದಿಯತ್.