ಫಿಲೆಮೋನ 1:16 - ಕೊಡವ ಬೈಬಲ್

¹⁶ ಅಂವೊ, ನಾಕೇ ಇಚ್ಚಕ್ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಂಜತೇಂಗಿ, ನೀಕ್ ತಡೀರ ಪ್ರಕಾರವು, ಒಡೆಯಂಡಲ್ಲಿಯು ಒರ್ ತಮ್ಮಣನಾಯಿತ್ ಎಚ್ಚಕ್ ಪ್ರೀತಿಲ್ ಇಪ್ಪ.

ಫಿಲೆಮೋನ 1:16 ပူးပေါင်းရင်းမြစ်များ

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಅಪೊಸ್ತಲ 9:17

ಅಕ್ಕ ಅನನೀಯ ಪೊರಟಿತ್ ಸೌಲ ಇಂಜ ಮನೆರ ಒಳ್‍ಕ್ ಪೋಯಿತ್ ಅಂವೊಂಡ ಮೇಲೆ ಕೈಯಿನ ಬೆಚ್ಚಿತ್: ತಮ್ಮಣಾನ ಸೌಲನೇ, ನೀನ್ ಬಂದ ಬಟ್ಟೇಲ್, ನೀಕ್ ಕಾಂಬ್‍ಚಿಟ್ಟಂಡ ಒಡೆಯನಾನ ಯೇಸುವೇ, ನೀನ್ ಕಣ್ಣ್ ಕಾಂಬನೆಕೆ ಪಿಂಞ ನೀನ್ ಪವಿತ್ರಾತ್ಮತ್‍ಲ್ ದುಂಬ್‍ವನೆಕೆ ನನ್ನ ಅಯಿಚಿತ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

ಕೊಲೊಸ್ಸೆ 3:22

ಅಡಿಯಾಳ್‌ವಳೇ, ಈ ಲೋಕತ್‍ಲ್ ಉಳ್ಳ ನಿಂಗಡ ಎಜಮಾನಂಗ್ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್‌ಕಂಡು. ಅಯಿಂಗಡ ದಯೆ ಕ್‍ಟ್ಟುವಕಾಯಿತ್, ಅಯಿಂಗ ನಿಂಗಳ ನೋಟಿಯಂಡಿಪ್ಪ ಸಮಯತ್‍ಲ್ ಮಾತ್ರ ಕೆಲಸ ಮಾಡತೆ, ಒಡೆಯಂಡ ಬಕ್ತಿ ಉಳ್ಳಯಿಂಗಳಾಯಿತ್, ಕಪಟ ಇಲ್ಲತ ಮನಸ್ಸ್‌ಲ್ ಕೆಲಸ ಮಾಡಂಡು.

1 ತಿಮೊಥೆಯ 6:2

ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.