ಫಿಲೆಮೋನ 1:14 - ಕೊಡವ ಬೈಬಲ್

¹⁴ ಆಚೇಂಗಿಯು ನೀನ್ ಮಾಡ್‌ವ ನಲ್ಲ ಸೇವೇನ ಒತ್ತಾಯ ಮಾಡಿತ್ ಅಲ್ಲ, ಕುಶಿಯಿಂಜ ಮಾಡಂಡೂಂದ್ ಪಿಂಞ ನೀಡ ಒಪ್ಪಿಗೆ ಇಲ್ಲತೆ ಏದ್ ಮಾಡ್‌ವಕು ನಾಕ್ ಮನಸ್ಸಿಲ್ಲೆ.

ಫಿಲೆಮೋನ 1:14 ပူးပေါင်းရင်းမြစ်များ

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

1 ಕೊರಿಂಥ 9:7

ದಾರ್ ತಾಂಡ ಸ್ವಂತ ಪಣತ್‍ನ ಕರ್ಚ್ ಮಾಡಿತ್ ಯುದ್ದತ್‍ಲ್ ಸೇವೆ ಮಾಡ್‌ವ? ದಾರ್ ದ್ರಾಕ್ಷಿ ತೋಟ ಮಾಡಿತ್ ಅದ್ಂಡ ಪಣ್ಣ್‌ನ ತಿಂಗತೆ ಇಪ್ಪ? ದಾರ್ ಕೊರಿ ಕಾತಂಡ್, ಅದ್ಂಡ ಪಾಲ್‍ನ ಕುಡಿಕತೆ ಇಪ್ಪ?

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

2 ಕೊರಿಂಥ 9:5

ಆನಗುಂಡ್, ನಿಂಗ ವಾಗ್ದಾನ ಮಾಡ್‍ನ ಈ ಪಣದಾನ ಒತ್ತಾಯ ಮಾಡ್‍ನಗುಂಡ್ ಅಲ್ಲ, ನಿಂಗಡ ಉದಾರ ಮನಸ್ಸ್‌ಲ್ ಕೊಡ್‍ಪನೆಕೆ, ನಿಂಗಳ ತಯಾರ್ ಮಾಡ್‌ವಕಾಯಿತ್ ಈಂಗಳ ನಾನ್ ನಿಂಗಡ ಪಕ್ಕ ಮಿಂಞಲೇ ಅಯಿಕಂಡೂಂದ್ ನಾಕ್ ಗೇನ ಆಚಿ.

2 ಕೊರಿಂಥ 9:7

ಒಬ್ಬೊಬ್ಬನು ಮನಸ್ಸ್ ಕಷ್ಟಪಟ್ಟಿತೋ ಒತ್ತಾಯ ಮಾಡಿತೋ ಅಲ್ಲ, ತಾಂಡ ಮನಸ್ಸ್‌ಲ್ ತೀರ್ಮಾನ ಮಾಡ್‍ನನೆಕೆ ಕೊಡ್‌ಕಡ್; ಕುಶೀಲ್ ಕೊಡ್‍ಪಂವೊನ ದೇವ ಪ್ರೀತಿಚಿಡುವ.