ಫಿಲೆಮೋನ 1:11 - ಕೊಡವ ಬೈಬಲ್

¹¹ ಮಿಂಞ ಅಂವೊ ನೀಕ್ ಒರ್ ಪ್ರಯೋಜನವಾಯಿತು ಇಂಜಿತ್‌ಲ್ಲೆ. ಆಚೇಂಗಿ ಇಕ್ಕ ಅಂವೊ ನಾಕ್ ಪಿಂಞ ನೀಕ್ ದುಂಬ ಪ್ರಯೋಜನ ಉಳ್ಳಂವೊನಾಯಿತ್ ಬದ್‍ಲಾಚಿ.

ಫಿಲೆಮೋನ 1:11 ပူးပေါင်းရင်းမြစ်များ

ಮತ್ತಾಯ 25:30

ಈ ಕೆಲಸಕ್ ಆಕತ ಆಳ್‌ನ ಪೊರಮೆ ಇರ್‌ಟ್‌ಲ್ ಇಡೀಂದ್ ಎಜಮಾನ ಎಣ್ಣ್‌ಚಿ. ಅಲ್ಲಿ ಗೋಳಾಟವು ಪಲ್ಲ್ ಕಡಿಪದು ಇಪ್ಪಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:24

ನಾಡ ಈ ಕುಂಞಿ ಇಚ್ಚಕ್ ದಿವಸ ಚತ್ತ್ ಪೋಯಿತ್ಂಜತ್, ಆಚೇಂಗಿ ಪುನಃ ಜೀವವಾಯಿತ್ ಬಂದತ್, ಇಕ್ಕಣಕೆ ಕಾಂಗತೆ ಪೋಯಿತ್ಂಜತ್, ಇಕ್ಕ ಇಂವೊ ಕ್‍ಟ್ಟ್‌ಚೀಂದ್ ಅಪ್ಪ ಎಣ್ಣಿತ್, ಗದ್ದಾಳ ಮಾಡ್‌ವಕು, ಆಟ್‌ಪಾಟ್ ನಡ್‍ಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:32

ಆಚೇಂಗಿ ಇಕ್ಕ ಕುಶಿಪಡ್‍ವದ್ ನ್ಯಾಯ, ಎನ್ನಂಗೆಣ್ಣ್‌ಚೇಂಗಿ ನೀಡ ತಮ್ಮಣ ಚತ್ತ್ ಪೋಯಿತ್ಂಜತ್, ಪುನಃ ಎದ್ದಿತ್ ಬಾತ್, ಅಂವೊ ಕಾಂಗತೆ ಪೋಯಿತ್ಂಜತ್, ಆಚೇಂಗಿ ಇಕ್ಕ ಕ್‍ಟ್ಟ್‌ಚೀಂದ್ ಅಂವೊಂಡ ಅಪ್ಪ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:10

ಅನ್ನನೆ, ನಿಂಗಳು ನಿಂಗಕ್ ಆಜ್ಞೆ ಮಾಡ್‍ನದ್‍ನೆಲ್ಲ ಬಗ್ಗ್‌ಚಿಟ್ಟ್ ಮಾಡ್‍ಚೇಂಗಿ: ನಂಗ ಒರ್ ಯೋಗ್ಯತೆ ಇಲ್ಲತ ಆಳುವ ಮಾತ್ರ, ಮಾಡ್‍ವಕ್ಕುಳ್ಳ ಕೆಲಸತ್‍ನ ಮಾತ್ರ ಮಾಡಿತುಂಡ್‍ೕಂದ್ ನಂಗ ಎಣ್ಣಂಡು.

ರೋಮ್ 3:12

ಎಲ್ಲಾರು ಬಟ್ಟೆ ತಪ್ಪಿ ಪೋಚಿ; ಒಮ್ಮಕೆ ಪಾಳಾಯಿ ಪೋಚಿ; ನಲ್ಲದ್ ಮಾಡ್‌ವಂವೊ ದಾರೂ ಇಲ್ಲೆ, ಒಬ್ಬನು ಇಲ್ಲೆ.

2 ತಿಮೊಥೆಯ 4:11

ಲೂಕ ಮಾತ್ರ ನಾಡ ಕೂಡೆ ಉಂಡ್. ಮಾರ್ಕನ ನೀಡ ಕೂಡೆ ಕಾಕಿಯಂಡ್ ಬಾ. ನಾಡ ಸೇವೇಲ್ ಅಂವೊ ನಾಕ್ ಸಹಾಯ ಮಾಡ್‌ವ.

ಫಿಲೆಮೋನ 1:10

ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ಕೈದಿಯಾಯಿತ್‌ಪ್ಪಕ ಕ್ರಿಸ್ತಂಡ ನಲ್ಲ ಸುದ್ದಿನ ನಂಬಿತ್, ನಾಡ ಮೋಂವೊಂಡನೆಕೆ ಆಯಿತುಳ್ಳ ಒನೇಸಿಮಂಗಾಯಿತ್ ನಿನ್ನ ಬೋಡುವಿ.

ಫಿಲೆಮೋನ 1:12

ನಾಕ್ ದುಂಬ ಪ್ರೀತಿ ಉಳ್ಳಂವೊನಾಯಿತುಳ್ಳ ಅಂವೊನ, ನೀಡ ಪಕ್ಕ ನಾನ್ ಅಯಿಪಿ.

1 ಪೇತ್ರ 2:10

ಒರ್ ಕಾಲತ್‍ಲ್ ನಿಂಗ ದೇವಡ ಮಕ್ಕಳಾಯಿತ್ ಇಂಜಿತ್‌ಲ್ಲೆ, ಆಚೇಂಗಿ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ; ಒರ್ ಕಾಲತ್‍ಲ್ ನಿಂಗಕ್ ಕನಿಕರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಇಕ್ಕ ನಿಂಗಕ್ ಕನಿಕರ ಕ್‍ಟ್ಟ್‌ಚಿ.