ಮಾರ್ಕ 9:9 - ಕೊಡವ ಬೈಬಲ್

⁹ ಅಯಿಂಗ ಕುಂದಿಂಜ ಅಡಿಕ್ ಇಳ್ಂಜಿತ್ ಬಂದಂಡ್ ಇಪ್ಪಕ, ಯೇಸು ಅಯಿಂಗಕ್: ಮನುಷ್ಯಕುಮಾರ ಚಾವ್‍ಯಿಂಜ ಪುನಃ ಜೀವವಾಯಿತ್ ಬಪ್ಪಕತ್ತನೆ ಈ ವಿಷಯತ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಆಜ್ಞೆ ಕೊಡ್‍ತತ್.

ಮಾರ್ಕ 9:9 ပူးပေါင်းရင်းမြစ်များ

ಮತ್ತಾಯ 12:19

ಅಂವೊ ತಕ್‌ರಾರ್ ಮಾಡ್‌ವದು ಇಲ್ಲೆ, ಕೂತ್ ಕೊಡ್‌ಪದೂ ಇಲ್ಲೆ, ಬೀದಿಲ್ ಅಂವೊಂಡ ಸದ್ದ್ ದಾರ್‌ಕು ಕ್‍ೕಪದು ಇಲ್ಲೆ.

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 16:21

ಅಕ್ಕಯಿಂಜ ಯೇಸು ಅಯಿಂಗಕ್: ನಾನ್ ಯೆರೂಸಲೇಮ್‌ಕ್ ಪೋಪಕ ಅಲ್ಲಿಯತ್ ಪೆರಿಯಯಿಂಗ, ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡಗುಂಡ್ ಕಷ್ಟಪಡಂಡೂಂದ್ ಎಣ್ಣ್‌ವಕ್‌ ಸುರು ಮಾಡ್‍ಚಿ. ಅಲ್ಲಿ ಪೋಪಕ ನನ್ನ ಕೊಂದ್‌ರ್‌ವ, ಆಚೇಂಗಿಯು ಮೂಂದನೆ ದಿವಸತ್‍ಲ್ ಚಾವ್‍ಯಿಂಜ ಜೀವವಾಯಿತ್ ಏವೀಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 27:63

ಅಂವೊಂಗ್: ಎಜಮಾನನೇ, ಆ ಮೋಸಗಾರ ಬದ್‌ಕಿತ್ ಇಪ್ಪಕಾಪಕ, ನಾನ್ ಮೂಂದ್ ದಿವಸ ಆನ ಪಿಂಞ ಚಾವ್‍ಯಿಂಜ ಎದ್ದ್ ಬಪ್ಪೀಂದ್ ಎಣ್ಣಿಯಂಡ್ ಇಂಜದ್ ನಂಗಕ್ ಗೇನ ಉಂಡ್.

ಮತ್ತಾಯ 8:4

ಅಕ್ಕ ಯೇಸು ಅಂವೊಂಗ್: ಈ ವಿಷಯತ್‍ನ ದಾರ್‌ಕು ಎಣ್ಣತೆ, ನೀನ್ ಯಾಜಕಂಡ ಪಕ್ಕ ಪೋಯಿತ್ ನಿನ್ನ ಕಾಂಬ್‍ಚಿಡ್, ಅಂವೊ ನಿನ್ನ ಪರೀಕ್ಷೆ ಮಾಡಡ್; ಪಿಂಞ ನೀನ್ ವಾಸಿ ಆಯಿತುಳ್ಳಾಂಗ್ ಎಲ್ಲಾರ್‌ಕು ಸಾಕ್ಷಿಯಾಯಿತ್ ನ್ಯಾಯಪ್ರಮಾಣತ್‍ಲ್ ಎಣ್ಣಿತ್ತುಳ್ಳ ಕಾಣಿಕೆನ ಕೊಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 5:43

ಆಚೇಂಗಿ ಯೇಸು ಅಲ್ಲಿ ಉಳ್ಳಯಿಂಗಕೆಲ್ಲಾ ನಿಂಗ ಈ ವಿಷಯತ್‍ನ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಹುಕುಮ್ ಕೊಡ್‍ತತ್. ಅವಕ್ ಎಂತೇಂಗಿ ತಿಂಬಕ್ ಕೊಡೀಂದ್ ಯೇಸು ಎಣ್ಣ್‌ಚಿ.

ಮಾರ್ಕ 7:36

ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಯೇಸು ಜನಕೆಲ್ಲಾ ಎಣ್ಣ್‌ಚಿ. ಅಂವೊ ದಾರ್‌ಕು ಎಣ್ಣ್‌ವಕ್ಕಾಗಾಂದ್ ಎಚ್ಚಕ್ ಎಣ್ಣ್‌ಚೋ, ಅಚ್ಚಕ್ ಈ ನಲ್ಲ ಸುದ್ದಿನ ಜನ ಪ್ರಚಾರ ಮಾಡಿಯಂಡ್ ಇಂಜತ್.

ಮಾರ್ಕ 9:10

ಯೇಸು ಎಣ್ಣ್‌ನ ಪ್ರಕಾರ ಶಿಷ್ಯಂಗ ದಾರ್‌ಕು ಎಣ್ಣಿತ್‌ಲ್ಲೆ. ಆಚೇಂಗಿ ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಪ್ಪದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಮಾರ್ಕ 9:8

ಅಕ್ಕಣೆಕೆ ಅಯಿಂಗ ಸುತ್ತ್‌ಮುತ್ತ್ ನೋಟ್‍ವಕ ಯೇಸುನ ಬುಟ್ಟಿತ್ ಬೋರೆ ದಾರ್‌ನು ಕಂಡಿತ್‌ಲ್ಲೆ, ಬರಿ ಯೇಸು ಮಾತ್ರ ಅಯಿಂಗಡ ಕೂಡೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:46

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:36

ಆ ವಾಣಿ ಕ್‍ೕಟ ಪಿಂಞ, ಪೇತ್ರ, ಯೋಹಾನ ಪಿಂಞ ಯಾಕೋಬ ಯೇಸು ಒಬ್ಬನೇ ಅಲ್ಲಿ ಇಂಜಾನ ಕಂಡತ್. ಯೇಸುರ ಶಿಷ್ಯಂಗ ಅಯಿಂಗ ಎಂತ ಕಂಡಿಯೆ ಎಂತ ಕ್‍ೕಟಿಯೇಂದ್ ದಾರ್‌ಕು ಒಂದು ಎಣ್ಣತೆ ಮುಂಡತೆ ಇಂಜತ್.