ಮಾರ್ಕ 9:47 - ಕೊಡವ ಬೈಬಲ್

⁴⁷ ಅನ್ನನೆ ನಿಂಗಡ ಕಣ್ಣ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಆ ಕಣ್ಣ್‌ನ ಬಲ್‍ಚಿತ್ ಚಾಡಿರ್. ದಂಡ್ ಕಣ್ಣ್ ಉಳ್ಳಂವೊನಾಯಿತ್ ನರಕಕ್ ಪೋಪಗಿಂಜ ಒರೇ ಕಣ್ಣ್‌ಲ್ ದೇವಡ ರಾಜ್ಯಕ್ ಪೋಪದ್ ನಲ್ಲದ್.

ಮಾರ್ಕ 9:47 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:6

ಅಕ್ಕ ಆ ಪೊಣ್ಣಾಳ್‌ಕ್, ಈ ಮರತ್‌ರ ಪಣ್ಣ್‌ ತಿಂಬಕ್‌ ನಲ್ಲದಾಯಿತು, ನೋಟ್‌ವಕ್‌ ಚಾಯಿ ಉಂಡ್‍ೕಂದು, ಅವಕ್‌ ಜ್ಞಾನ ಕ್‌ಟ್ಟ್‌ವಕ್‌ ಅದ್‌ ಬೋಂಡ್‍ೕಂದು ಗೊತ್ತಾಯಿತ್, ಅದ್‌ನ ಪರಿಚಿತ್‌ ಅವ ತಿಂದತ್. ಅವಡ ವಡಿಯಂಗು ಕೊಡ್‌ಪಕ, ಅಂವೊನು ಅದನ ತಿಂದತ್.

ಮತ್ತಾಯ 18:9

ನೀಡ ಕಣ್ಣ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ ಅದ್‍ನ ಬಲ್‍ಚಿತ್ ಚಾಡಿರ್. ದಂಡ್ ಕಣ್ಣ್ ಉಳ್ಳಂವೊನಾಯಿತ್ ನಿತ್ಯ ತಿತ್ತ್‌ಕ್ ತಳ್ಳ್‌ವಕಿಂಜ, ಒರ್ ಕಣ್ಣ್ ಉಳ್ಳಂವೊನಾಯಿತ್ ನಿತ್ಯ ಜೀವಕ್ ಪ್ರವೇಶ ಮಾಡ್‍ವದ್ ನಲ್ಲದ್.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮಾರ್ಕ 9:43

ಅನ್ನನೆ ನಿಂಗಡ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ ಆ ಕೈಯಿನ ಕೆತ್ತಿತ್ ಚಾಡಿರ್. ದಂಡ್ ಕೈಯಿನ ಬೆಚ್ಚಂಡ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕೈ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಮಾರ್ಕ 9:46

ನರಕತ್‌ರ ಪುಳ್ ಚಾವದೇ ಇಲ್ಲೆ. ಅಲ್ಲಿಯತ್‍ರ ತಿತ್ತ್ ಕೆಡುವುದೇ ಇಲ್ಲೆ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಗಲಾತ್ಯ 4:15

ನಿಂಗ ಅಚ್ಚಕ್ ಕುಶೀಲ್ ಇಂಜಿರ! ನಿಂಗಕ್ ಇಕ್ಕ ಎಂತ ಆಚಿ? ಆ ದಿವಸತ್‍ಲ್, ನಿಂಗಕ್ ಕಯ್ಯುವೇಂಗಿ ಇಲ್ಲೆ, ನಾನ್ ಕ್‍ೕಟತೇಂಗಿ ನಿಂಗಡ ಕಣ್ಣ್‌ನ ಕೂಡೆ ನಾಕಾಯಿತ್ ಬಲ್‍ಚಿತ್ ಕೊಡ್‍ಪಕಿಂಜಿರಾಂದ್, ನಿಂಗಡ ವಿಷಯತ್‍ಲ್ ಸಾಕ್ಷಿ ಎಣ್ಣ್‌ವಿ.