ಮಾರ್ಕ 9:44 - ಕೊಡವ ಬೈಬಲ್

⁴⁴ ನರಕತ್‌ರ ಪುಳ್ ಚಾವದೇ ಇಲ್ಲೆ. ಅಲ್ಲಿಯತ್‍ರ ತಿತ್ತ್ ಕೆಡುವುದೇ ಇಲ್ಲೆ.

ಮಾರ್ಕ 9:44 ပူးပေါင်းရင်းမြစ်များ

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಮತ್ತಾಯ 3:12

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣ್‌ಚಿ.

ಮಾರ್ಕ 9:43

ಅನ್ನನೆ ನಿಂಗಡ ಕೈ ಪಾಪ ಮಾಡ್‌ವಕ್ ಕಾರಣವಾಚೇಂಗಿ ಆ ಕೈಯಿನ ಕೆತ್ತಿತ್ ಚಾಡಿರ್. ದಂಡ್ ಕೈಯಿನ ಬೆಚ್ಚಂಡ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕೈ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಮಾರ್ಕ 9:45

ಅನ್ನನೆ ನೀಡ ಕಾಲ್ ಪಾಪ ಮಾಡ್‌ವಕ್ ಕಾರಣವಾಯಿತ್ ಇಂಜತೇಂಗಿ, ಆ ಕಾಲ್‌ನ ಕೆತ್ತಿತ್ ಚಾಡಿರ್. ದಂಡ್ ಕಾಲ್ ಉಳ್ಳಂವೊನಾಯಿತ್ ಎಕ್ಕಾಲು ಕೆಡತ ತಿತ್ತ್ ಇಪ್ಪ ನರಕಕ್ ಪೋಪಗಿಂಜ ಒರ್ ಕಾಲ್ ಉಳ್ಳಂವೊನಾಯಿತ್ ಪರಲೋಕಕ್ ಪೋಪದ್ ನಲ್ಲದ್.

ಮಾರ್ಕ 9:48

ನರಕತ್‌ರ ಪುಳ್ ಚಾವದೇ ಇಲ್ಲೆ. ಅಲ್ಲಿಯತ್‍ರ ತಿತ್ತ್ ಕೆಡುವುದೇ ಇಲ್ಲೆ.

2 ಥೆಸಲೊನೀಕ 1:9

ಅಯಿಂಗ ಎಕ್ಕಾಲು ಕಷ್ಟಪಡ್‌ವನೆಕೆ ನಿತ್ಯವಾಯಿತ್ ಪಾಳಾಪ ಶಿಕ್ಷೆ ಕೊಡ್‌ತಿತ್, ಕಾಲಕಾಲಕು ಒಡೆಯಂಡ ಸನ್ನಿದಾನತ್ಂಜ ದೂರಮಾಡಿತ್, ಅಂವೊಂಡ ಮಹಿಮೇರ ಶಕ್ತಿನ ಕಾಂಬಕಯ್ಯತನೆಕೆ ಮಾಡ್‌ವ.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.