ಮಾರ್ಕ 9:32 - ಕೊಡವ ಬೈಬಲ್

³² ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಅರ್ಥ ಆಯಿತಿಲ್ಲೆ. ಆಚೇಂಗಿಯು ಯೇಸುನ ಕ್‍ೕಪಕ್ ಶಿಷ್ಯಂಗಕ್ ಪೋಡಿ ಆಚಿ.

ಮಾರ್ಕ 9:32 ပူးပေါင်းရင်းမြစ်များ

ಮಾರ್ಕ 16:14

ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಮಾರ್ಕ 7:18

ಅದ್ಂಗ್ ಯೇಸು: ನಿಂಗಕ್ ಕೂಡೆ ಈ ತಕ್ಕ್ ಅರ್ಥ ಆಯಿತಿಲ್ಲೆಯಾ? ಮನುಷ್ಯಂಡ ಬಾಯಿರೊಳ್‌ಕ್ ಪೊರಮೆಯಿಂಜ ಪೋಪದ್ ಅಂವೊನ ಅಶುದ್ದ ಮಾಡುಲೆ,

ಮಾರ್ಕ 8:33

ಯೇಸು ಪುನಃ ತಿರಿತ್ ತಾಂಡ ಶಿಷ್ಯಂಗಡ ಪಕ್ಕ ನೋಟಿತ್ ಪೇತ್ರನ ಬಜ್ಜತ್. ನಾಡ ಬಯ್ಯಕ್ ಪೋ ಸೈತಾನೇ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಅಂವೊನ ಚಾಕ್‍ಚಿ.

ಮಾರ್ಕ 9:10

ಯೇಸು ಎಣ್ಣ್‌ನ ಪ್ರಕಾರ ಶಿಷ್ಯಂಗ ದಾರ್‌ಕು ಎಣ್ಣಿತ್‌ಲ್ಲೆ. ಆಚೇಂಗಿ ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಪ್ಪದ್ಂಡ ಅರ್ಥ ಎಂತ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:34

ಆಚೇಂಗಿ ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತಾಯಿತ್‌ಲ್ಲೆ. ಅಯಿಂಗಕ್ ಎನ್ನಂಗ್ ಅರ್ಥ ಆಯಿತ್‌ಲ್ಲೇಂದ್ ಎಣ್ಣ್‌ಚೇಂಗಿ, ಈ ತಕ್ಕ್‌ರ ಅರ್ಥ ಅಯಿಂಗಕ್ ಮುಚ್ಚಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:50

ಅಂವೊ ಎಣ್ಣ್‌ನ ತಕ್ಕ್ ಅಯಿಂಗಕ್ ಅರ್ಥ ಆಯಿತಿಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:45

ಪಿಂಞ ದೇವಡ ವಾಕ್ಯ ಅಯಿಂಗಕ್ ಅರ್ಥ ಆಪನೆಕೆ ಅಂವೊ ಅಯಿಂಗಡ ಮನಸ್ಸ್‌ನ ತೊರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:45

ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತಾಯಿತ್‌ಲ್ಲೆ; ಅದ್ ಅಯಿಂಗಕ್ ಒರು ಗುಟ್ಟಾಯುತ್ಂಜತ್, ಎಂತ ವಿಷಯ ಎಣ್ಣಿಯಾಂದ್ ಯೇಸುನ ಕ್‍ೕಪಕು ಅಯಿಂಗಕ್ ಪೋಡಿ ಆಚಿ.

ಯೋಹಾನ 12:16

ಅಂವೊಂಡ ಶಿಷ್ಯಂಗಕ್ ಅಕ್ಕ ಇದ್ ಅರ್ಥ ಆಯಿತ್‌ಲ್ಲೆ; ಆಚೇಂಗಿ ಯೇಸು ಮಹಿಮೆಲ್ ಪ್ರವೇಶ ಮಾಡ್‍ನ ಪಿಂಞ, ದೇವಡ ವಾಕ್ಯತ್‍ಲ್ ಇಂವೊಂಗ್ ಇನ್ನನೆ ಆಪಾಂದು ಪಿಂಞ ಅದ್ಂಗಾಯಿತೇ ಅಯಿಂಗ ಅಂವೊಂಗ್ ಇನ್ನನೆಲ್ಲಾ ಮಾಡ್‌ಚೀಂದು ಗೇನ ಮಾಡ್‍ಚಿ.

ಯೋಹಾನ 16:19

ಇದ್ಂಡ ವಿಷಯತ್ ಅಂವೊಂಡ ಪಕ್ಕ ಅಯಿಂಗ ಪ್ರಶ್ನೆ ಕ್‍ೕಕಂಡೂಂದ್ ಉಳ್ಳದ್ ಯೇಸುಕ್ ಗೊತ್ತಾಪಕ, ಅಂವೊ ಅಯಿಂಗಕ್: ನನ್ನ ಚೆನ್ನ ಸಮಯಕ್ ನಿಂಗ ಕಾಂಬುಲೆ, ಚೆನ್ನ ಸಮಯ ಆನ ಪಿಂಞ ನಿಂಗ ಕಾಂಬಿರಾಂದ್ ನಾನ್ ಎಣ್ಣ್‌ನ ವಿಷಯತ್ ನಿಂಗ ತಕ್ಕ್ ಪರ್‌ದಂಡ್ ಉಳ್ಳಿರಾ?

ಯೋಹಾನ 4:27

ಆ ಸಮಯತ್‍ಲ್ ಯೇಸುರ ಶಿಷ್ಯಂಗ ಬಾತ್. ಯೇಸು ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳದ್‍ನ ಕಂಡಿತ್ ಆಶ್ಚರ್ಯ ಪಟ್ಟತ್. ಆಚೇಂಗಿಯು, ದಾರೂ ಅಂವೊಂಡ ಪಕ್ಕ, ನೀಕ್ ಎಂತ ಬೋಂಡೂಂದ್, ಎನ್ನಂಗ್ ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳಿಯಾಂದು ಕ್‍ೕಟಿತ್‌ಲ್ಲೆ.