ಮಾರ್ಕ 9:29 - ಕೊಡವ ಬೈಬಲ್

²⁹ ಅದ್ಂಗ್ ಯೇಸು: ಇನ್ನತಾನ ಕೂಳಿನ ಪ್ರಾರ್ಥನೆ ಪಿಂಞ ಉಪವಾಸತ್ಂಜ ಮಾತ್ರ ಬುಡ್‌ತುವಕ್ ಕಯ್ಯೂಂದ್ ಎಣ್ಣ್‌ಚಿ.

ಮಾರ್ಕ 9:29 ပူးပေါင်းရင်းမြစ်များ

ಮತ್ತಾಯ 12:45

ಅದ್ ಪೊರಮೆ ಪೋಪಂಜಿ ಅದ್‍ಕಿಂಜ ಮೋಸವಾಯಿತುಳ್ಳ ಇಂಞು ಏಳ್ ಕೂಳಿಯಳ ಕಾಕಿಯಂಡ್ ಬಪ್ಪ. ಅಯಿಂಗೆಲ್ಲಾರು ಆ ಮನೆಲ್ ಪೋಯಿತ್ ವಾಸ ಮಾಡ್‌ವ; ಅಕ್ಕ ಆ ಮನುಷ್ಯ ಮಿಂಞ ಇಂಜಾಂಗಿಂಜ ಪಾಳ್ ಸ್ತಿತಿಲ್ ಇಪ್ಪ; ಇನ್ನನೆ ಈ ಸಂತಾನಕಾರಂಗಕು ಆಪಾಂದ್ ಎಣ್ಣ್‌ಚಿ.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 17:21

ಆಚೇಂಗಿ ಈ ತರ ಕೂಳಿ ನಿಂಗಡ ಪ್ರಾರ್ಥನೆ ಪಿಂಞ ಉಪವಾಸತ್ಂಜ ಅಲ್ಲತೆ ಬೋರೆ ವಿಷಯತ್ಂಜ ಬುಟ್ಟ್ ಪೋಪುಲೆ.

ಮಾರ್ಕ 9:28

ಯೇಸು ಮನೆರ ಒಳ್‍ಕ್ ಪೋನ ಪಿಂಞ ಅಂವೊಂಡ ಶಿಷ್ಯಂಗ, ನಂಗಕ್ ಎನ್ನಂಗ್ ಕೂಳಿಯಳ ಬುಡ್‌ತುವಕ್ ಕಯಿಂಜಿತ್‌ಲ್ಲೇಂದ್ ಯೇಸುನ ಕ್‍ೕಟತ್.

ಮಾರ್ಕ 9:30

ನಾನ್ ಎಲ್ಲಿ ಉಂಡ್‍ೕಂದ್ ಈ ಜನಕ್ ಗೊತ್ತಾಪಕ್ಕಾಗಾಂದ್, ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಗಲಿಲಾಯಕಾಲೆ ಬೋರೆ ಜಾಗಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:26

ಅದ್ ಪೊರಮೆ ಪೋಪಂಜಿ ಅದ್‍ಕಿಂಜ ಮೋಸವಾಯಿತುಳ್ಳ ಇಂಞು ಏಳ್ ಕೂಳಿಯಳ ಕಾಕಿಯಂಡ್ ಬಪ್ಪ. ಅಯಿಂಗೆಲ್ಲಾರು ಆ ಮನೆಲ್ ಪೋಯಿತ್ ವಾಸ ಮಾಡ್‌ವ; ಅಕ್ಕ ಆ ಮನುಷ್ಯ ಮಿಂಞ ಇಂಜಾಂಗಿಂಜ ಪಾಳ್ ಸ್ತಿತಿಲ್ ಇಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

2 ಕೊರಿಂಥ 12:8

ಅದ್ ನನ್ನ ಬುಟ್ಟಿತ್ ಪೋಪಕಾಯಿತ್ ಮೂಂದ್ ಕುರಿ ಒಡೆಯಂಡಲ್ಲಿ ಬೋಡ್‌ನ.

2 ಕೊರಿಂಥ 6:5

ನಂಗಳ ಜನ ಪೊಜ್ಜಿತುಂಡ್, ಜೈಲ್‍ಲ್ ಇಟ್ಟಿತುಂಡ್, ಕಲಹ ಮಾಡ್‌ವ ಗುಂಪ್‌ಲ್ ನಂಗಳ ಚಿಕ್ಕಿಚಿಟ್ಟಿತುಂಡ್, ಕಷ್ಟವಾಯಿತುಳ್ಳ ಕೆಲಸತ್‍ನ ಮಾಡಿತುಂಡ್, ಬಯಿಟ್ ವರಿಯಕ್ ಕಯ್ಯತೆ ಇಂಜಿತುಂಡ್, ಕೆಲ ಪಯಿಚಿತ್ ಇಂಜಿತುಂಡ್.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಯಾಕೋಬ 5:15

ಅಕ್ಕ ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಮಾಡ್‌ವ ಪ್ರಾರ್ಥನೆ ಅಂವೊನ ವಾಸಿ ಮಾಡ್‌ವ; ದೇವ ಅಂವೊನ ಎಪ್ಪ್‌ವ; ಅಂವೊ ಪಾಪ ಮಾಡಿತುಂಡೇಂಗಿ ಅಂವೊಂಡ ಪಾಪತ್‍ನ ಮನ್ನಿಚಿಡ್‌ವ.