ಮಾರ್ಕ 9:28 - ಕೊಡವ ಬೈಬಲ್

²⁸ ಯೇಸು ಮನೆರ ಒಳ್‍ಕ್ ಪೋನ ಪಿಂಞ ಅಂವೊಂಡ ಶಿಷ್ಯಂಗ, ನಂಗಕ್ ಎನ್ನಂಗ್ ಕೂಳಿಯಳ ಬುಡ್‌ತುವಕ್ ಕಯಿಂಜಿತ್‌ಲ್ಲೇಂದ್ ಯೇಸುನ ಕ್‍ೕಟತ್.

ಮಾರ್ಕ 9:28 ပူးပေါင်းရင်းမြစ်များ

ಮತ್ತಾಯ 13:10

ಅಕ್ಕ, ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್: ನೀನ್ ಎನ್ನಂಗ್ ಜನಡ ಕೂಡೆ ಕಥೇರ ರೂಪತ್‌ಲ್ ತಕ್ಕ್ ಪರಿಯುವಿಯಾಂದ್ ಕ್‍ೕಟತ್.

ಮತ್ತಾಯ 13:36

ಅಕ್ಕ ಯೇಸು, ಜನಳ ಬುಟ್ಟಿತ್ ಮನೆರ ಒಳ್‍ಕ್ ಪೋಚಿ. ಅಂವೊಂಡ ಶಿಷ್ಯಂಗ ಅಂವೊಂಡ ಪಕ್ಕ ಬಂತ್, ಕಚಡ ಕುರುರ ಕಥೇರ ರೂಪತ್‍ನ ನಂಗಕ್ ಎಣ್ಣಿತಾಂದ್ ಕ್‍ೕಟತ್.

ಮತ್ತಾಯ 15:15

ಅಕ್ಕ ಪೇತ್ರ: ನಂಗ ಉಂಬದ್‍ಲ್ ಅಶುದ್ದ ಆಪುಲೇಂದ್ ಎಣ್ಣುವ ಕಥೇರ ರೂಪತ್‍ನ ಚಾಯಿತೆ ಬುಡ್‌ತಿತ್ ಎಣ್ಣೀಂದ್ ಕ್‍ೕಟತ್.

ಮಾರ್ಕ 2:1

ಚೆನ್ನ ದಿವಸ ಕಯಿಂಜ ಪಿಂಞ ಯೇಸು ಕಪೆರ್ನೌಮ್‍ಕ್ ಪೋಚಿ. ಅಂವೊ ಮನೆಲ್ ಉಂಡ್‍ೕಂದ್ ಎಲ್ಲಾರ್‌ಕು ಗೊತ್ತಾಚಿ.

ಮಾರ್ಕ 3:20

ಪಿಂಞ ಯೇಸು ಮನೆಕ್ ಪೋಚಿ. ಅಲ್ಲಿ ಅಂವೊಂಗು ಅಂವೊಂಡ ಶಿಷ್ಯಂಗಕು ಉಂಬಕ್ ಸಹ ಸಮಯ ಕ್‌ಟ್ಟತಚ್ಚಕ್ ಜನ ಪುನಃ ಬಂದಿತ್ ಕೂಡಿತ್ಂಜತ್.

ಮಾರ್ಕ 4:10

ಯೇಸು ಒಬ್ಬನ್ನೇ ಇಪ್ಪಕಾಪಕ ಚೆನ್ನ ಜನ ಅಂವೊಂಡ ಪನ್ನೆರಂಡ್ ಶಿಷ್ಯಂಗಡ ಕೂಡೆ ಬಂತ್ ನೀನ್ ಎಣ್ಣ್‌ನ ಕಥೇರ ರೂಪತ್‍ರ ಅರ್ಥತ್‍ನ ನಂಗಕ್ ಎಣ್ಣಿತಾಂದ್ ಕ್‍ೕಟತ್.

ಮಾರ್ಕ 4:34

ಯೇಸು ಕಥೇರ ರೂಪತ್‌ಲ್ ಎಣ್ಣತೆ ಜನಡ ಕೂಡೆ ತಕ್ಕ್ ಪರಿಯುವಕಿಂಜಿಲೆ. ಆಚೇಂಗಿ ಅಂವೊ ಅಂವೊಂಡ ಶಿಷ್ಯಂಗಡ ಕೂಡೆ ಇಪ್ಪಕ ಅಯಿಂಗಕ್ ಚಾಯಿತೆ ಅರ್ಥ ಮಾಡಿ ಕೊಡ್‌ಪಯಿಂಜತ್.

ಮಾರ್ಕ 7:17

ಯೇಸು ಜನಡ ಗುಂಪ್‍ನ ಬುಟ್ಟಿತ್ ಮನೆರ ಒಳ್‍ಲ್ ಪೋಪಕ, ಅಂವೊಂಡ ಶಿಷ್ಯಂಗ ನೀನ್ ಇಕ್ಕ ಎಣ್ಣ್‌ನ ತಕ್ಕ್‌ನ ಅರ್ಥ ಮಾಡಿತ್ ಬುಡ್‌ತಿತ್ ಎಣ್ಣಿತಾಂದ್ ಎಣ್ಣ್‌ಚಿ.

ಮಾರ್ಕ 9:27

ಆಚೇಂಗಿ ಯೇಸು ಆ ಕ್‍ಣ್ಣಂಡ ಕೈಯಿನ ಪುಡ್‌ಚಿತ್ ಏವಕ್ ಸಹಾಯ ಮಾಡ್‍ಚಿ. ಅಕ್ಕಣೆ ಆ ಕ್‍ಣ್ಣ ಎದ್ದತ್.

ಮಾರ್ಕ 9:29

ಅದ್ಂಗ್ ಯೇಸು: ಇನ್ನತಾನ ಕೂಳಿನ ಪ್ರಾರ್ಥನೆ ಪಿಂಞ ಉಪವಾಸತ್ಂಜ ಮಾತ್ರ ಬುಡ್‌ತುವಕ್ ಕಯ್ಯೂಂದ್ ಎಣ್ಣ್‌ಚಿ.