ಮಾರ್ಕ 9:27 - ಕೊಡವ ಬೈಬಲ್

²⁷ ಆಚೇಂಗಿ ಯೇಸು ಆ ಕ್‍ಣ್ಣಂಡ ಕೈಯಿನ ಪುಡ್‌ಚಿತ್ ಏವಕ್ ಸಹಾಯ ಮಾಡ್‍ಚಿ. ಅಕ್ಕಣೆ ಆ ಕ್‍ಣ್ಣ ಎದ್ದತ್.

ಮಾರ್ಕ 9:27 ပူးပေါင်းရင်းမြစ်များ

ಮತ್ತಾಯ 9:25

ಜನಳೆಲ್ಲ ಪೊರಮೆ ಅಯಿಚ ಪಿಂಞ ಯೇಸು ಒಳ್‍ಕ್ ಪೋಯಿತ್ ಆ ಕುಂಞಿರ ಕೈ ಪುಡ್‍ಚತ್. ಅಕ್ಕ ಅವ ಎದ್ದತ್.

ಮಾರ್ಕ 1:31

ಯೇಸು ಅವಡ ಪಕ್ಕ ಪೋಯಿತ್ ಅವಡ ಕೈ ಪುಡ್‌ಚಿತ್, ಅವಳ ಎಪ್ಪ್‌ಚಿ. ಅಕ್ಕಣೆ ಅವಡ ಪನಿ ವಾಸಿ ಆಯಿತ್, ಪನಿ ಬುಟ್ಟ್ ಪೋಚಿ. ಅವ ಎದ್ದಿತ್ ಅಯಿಂಗಕ್ ಸೇವೆ ಮಾಡ್‍ಚಿ.

ಮಾರ್ಕ 1:41

ಯೇಸುಕ್ ದುಂಬ ಕನಿಕರ ಆಯಿತ್, ಯೇಸು ಅಂವೊಂಡ ಕೈಯಿನ ನೀಟುವಂಜಿ ಅಂವೊನ ಮುಟ್ಟಿತ್: ನಾಕ್ ಕುಶಿ ಉಂಡ್, ಶುದ್ದ ಆಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 5:41

ಕುಂಞಿರ ಕೈಯಿನ ಪುಡ್‌ಚಿತ್ ತಲಿಥಾಕೂಮ್‌ಂದ್ ಎಣ್ಣ್‌ಚಿ. ಅದ್ಂಗ್ ಚುಮ್ಮಿ ಕುಂಞಿ ನೀನ್ ಏಳ್‍ೕಂದ್ ನಾನ್ ಎಣ್ಣ್‌ವೀಂದ್ ಅರ್ಥ.

ಮಾರ್ಕ 8:23

ಯೇಸು ಆ ಮನುಷ್ಯಂಡ ಕೈ ಪುಡ್‍ಚಿ ಕಾಕಿಯಂಡ್ ಊರ್‌ರ ಆಬರಿಕ್ ಪೋಯಿತ್, ಆ ಮನುಷ್ಯಂಡ ಕಣ್ಣ್‌ಕ್ ತುಪ್ಪಿತ್, ಅಂವೊಂಡ ಮೇಲೆ ಕೈ ಬೆಚ್ಚಿತ್, ನೀಕ್ ಎಂತೇಂಗಿಯು ಕಾಂಬಕ್ ಕಯ್ಯುವಾಂದ್ ಕ್‍ೕಟತ್.

ಮಾರ್ಕ 9:26

ಆ ಕೂಳಿಯು ಜೋರ್‌ಲ್ ಕೂತ್ ಕೊಡ್‌ತಂಡ್ ಆ ಕ್‌ಣ್ಣನ ನೆಲಕ್ ತಳ್ಳ್‌ವಂಜಿ ಚತ್ತನೆಕೆ ಮಾಡ್‌ವಂಜಿ ಪೊರಮೆ ಬಾತ್. ಎಲ್ಲಾರು ಈ ಕ್‍ಣ್ಣ ಚತ್ತ್ ಪೋಚೀಂದ್ ಎಣ್ಣಿಯಂಡಿಂಜತ್.

ಮಾರ್ಕ 9:28

ಯೇಸು ಮನೆರ ಒಳ್‍ಕ್ ಪೋನ ಪಿಂಞ ಅಂವೊಂಡ ಶಿಷ್ಯಂಗ, ನಂಗಕ್ ಎನ್ನಂಗ್ ಕೂಳಿಯಳ ಬುಡ್‌ತುವಕ್ ಕಯಿಂಜಿತ್‌ಲ್ಲೇಂದ್ ಯೇಸುನ ಕ್‍ೕಟತ್.

ಅಪೊಸ್ತಲ 23:19

ಅಕ್ಕ, ಆ ಸೇನೆರ ಅದಿಕಾರಿ: ಆ ಬಾಲೆಕಾರಂಡ ಕೈಯಿನ ಪುಡ್‌ಚಿತ್, ಆಬರಿಕ್ ಕಾಕಿಯಂಡ್ ಪೋಯಿತ್, ನೀನ್ ನಾಡ ಪಕ್ಕ ಎಣ್ಣ್‌ವಕುಳ್ಳ ವಿಷಯ ಎಂತ್‍ೕಂದ್ ಕ್‍ೕಟತ್.

ಅಪೊಸ್ತಲ 3:7

ಅಂವೊಂಡ ಬಲ್‌ತೆ ಕೈಯಿನ ಪುಡ್‌ಚಿತ್ ನೇತ್‍ಚಿ. ಅಕ್ಕಲೆ ಅಂವೊಂಡ ಕಾಲ್ ಪಿಂಞ ಕಾಲ್‍ರ ಕರಡ್ ಬಲಪಟ್ಟತ್.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.