ಮಾರ್ಕ 9:26 - ಕೊಡವ ಬೈಬಲ್

²⁶ ಆ ಕೂಳಿಯು ಜೋರ್‌ಲ್ ಕೂತ್ ಕೊಡ್‌ತಂಡ್ ಆ ಕ್‌ಣ್ಣನ ನೆಲಕ್ ತಳ್ಳ್‌ವಂಜಿ ಚತ್ತನೆಕೆ ಮಾಡ್‌ವಂಜಿ ಪೊರಮೆ ಬಾತ್. ಎಲ್ಲಾರು ಈ ಕ್‍ಣ್ಣ ಚತ್ತ್ ಪೋಚೀಂದ್ ಎಣ್ಣಿಯಂಡಿಂಜತ್.

ಮಾರ್ಕ 9:26 ပူးပေါင်းရင်းမြစ်များ

ಮತ್ತಾಯ 15:22

ಅಕ್ಕ ಅಲ್ಲಿ ಒರ್ ಕಾನಾನ್ಯ ದೇಶತ್‍ರ ಪೊಣ್ಣಾಳ್ ಯೇಸುರ ಪಕ್ಕ ಬಂದಿತ್: ಒಡೆಯನೇ, ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್; ನಾಡ ಮೋವಕ್ ಕೂಳಿ ಪುಡ್‌ಚಿತ್ ಬಲ್ಯ ಕಷ್ಟತ್‍ಲ್ ಉಂಡ್‍ೕಂದ್ ಎಣ್ಣಿತ್ ಕಾಕ್‍ಚಿ.

ಮಾರ್ಕ 1:26

ಅಕ್ಕ ಆ ಕೂಳಿ ಆ ಮನುಷ್ಯಂಡ ತಡೀನ ಜೋರಾಯಿತ್ ಕುಲ್‍ಕಿತ್, ಜೋರಾಯಿತ್ ಕೂತ್ ಕೊಡ್‌ತಿತ್ ಅಂವೊನ ಬುಟ್ಟಿತ್ ಪೋಚಿ.

ಮಾರ್ಕ 9:18

ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಎಕ್ಕ ಅಂವೊನ ಪುಡಿಪೊ ಅಕ್ಕ ಅಂವೊನ ನೆಲಕ್ ತಳ್ಳಿರ್‌ವ. ಪಲ್ಲ್‌ಕಡ್‌ಪ್‌ಚಿಟ್ಟಿತ್ ಬಾಯಿಲ್ ನೊರೆ ಬಪ್ಪ್‌ಚಿಡ್‍ವ, ಪಿಂಞ ದಾರ್‌ಕು ಅಂವೊಂಡ ಮೇಲ್‌ನ ಅಲ್ಲಾಡ್‌ವಕ್ ಕಯ್ಯುಲೆ. ನೀಡ ಶಿಷ್ಯಂಗಕ್ ಅಂವೊಂಡ ಕೂಳಿನ ಬುಡ್‌ತುವಕ್ ನಾನ್ ಎಣ್ಣಿಯೆ, ಆಚೇಂಗಿ ಅಯಿಂಗಕ್ ಕಯಿಂಜಿತ್‌ಲ್ಲೇಂದ್ ಯೇಸುರ ಪಕ್ಕ ಎಣ್ಣ್‌ಚಿ.

ಮಾರ್ಕ 9:20

ಅಲ್ಲಿ ಉಳ್ಳಯಿಂಗ ಕ್‌ಣ್ಣನ ಕಾಕಿಯಂಡ್ ಬಾತ್. ಆ ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿ ಯೇಸುನ ಕಂಡದು ಆ ಕ್‌ಣ್ಣನ ನೆಲಕ್ ತಳ್ಳಿತ್ ಅಂವೊನ ಅಲ್ಲಾಡ ಕಯ್ಯತನೆಕೆ ಮಾಡ್‍ಚಿ, ನೆಲತ್‌ಲ್ ಆ ಕ್‍ಣ್ಣ ಉರುಳಾಡ್‍ಚಿ, ಬಾಯಿಲ್ ನೊರೆ ಬಪ್ಪ್‌ಚಿಟ್ಟತ್.

ಮಾರ್ಕ 9:25

ಅಕ್ಕ ಜನ ಅಂವೊಂಡ ಪಕ್ಕ ಓಡಿ ಬಪ್ಪದ್‍ನ ಯೇಸು ಕಂಡ್, ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿನ ನೋಟಿತ್: ಮೂಗ ಪಿಂಞ ಚೌಡ್ ಕೂಳಿಯೇ ಆ ಕ್‌ಣ್ಣನ ಬುಟ್ಟಿತ್ ಪೊರಮೆ ಬಾ, ಇಂಞು ಅಂವೊಂಡ ಒಳ್‍ಕ್ ಪೋಪಕ್ಕಾಗ ಎಣ್ಣಿಯಂಡ್ ಆಜ್ಞೆ ಕೊಡ್‍ತತ್.

ಮಾರ್ಕ 9:27

ಆಚೇಂಗಿ ಯೇಸು ಆ ಕ್‍ಣ್ಣಂಡ ಕೈಯಿನ ಪುಡ್‌ಚಿತ್ ಏವಕ್ ಸಹಾಯ ಮಾಡ್‍ಚಿ. ಅಕ್ಕಣೆ ಆ ಕ್‍ಣ್ಣ ಎದ್ದತ್.

ಪ್ರಕಟನೆ 12:12

ಆನಗುಂಡ್, ಪರಲೋಕವೇ, ಅದ್‍ಲ್ ವಾಸ ಮಾಡಿಯಂಡ್ ಉಳ್ಳಯಿಂಗಳೇ, ಕುಶಿ ಪಡಿರಿ. ಬೂಮಿಲ್ ಸಮುದ್ರತ್‍ಲ್ ವಾಸಮಾಡಿಯಂಡುಳ್ಳಯಿಂಗಳೇ, ನಿಂಗಕ್ ಅಯ್ಯೋ! ಸೈತಾನ ತಾಂಗ್ ಚೆನ್ನ ಸಮಯ ಮಾತ್ರ ಉಂಡ್‍ೕಂದ್ ಗೊತ್ತಾನಗುಂಡ್, ದುಂಬ ಚೆಡಿಲ್, ನಿಂಗಡ ಪಕ್ಕ ಇಳಿಂಜಗುಂಡ್, ನಿಂಗಕ್ ಬಲ್ಯ ಕಷ್ಟ ಆಪಾಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.