ಮಾರ್ಕ 9:25 - ಕೊಡವ ಬೈಬಲ್

²⁵ ಅಕ್ಕ ಜನ ಅಂವೊಂಡ ಪಕ್ಕ ಓಡಿ ಬಪ್ಪದ್‍ನ ಯೇಸು ಕಂಡ್, ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿನ ನೋಟಿತ್: ಮೂಗ ಪಿಂಞ ಚೌಡ್ ಕೂಳಿಯೇ ಆ ಕ್‌ಣ್ಣನ ಬುಟ್ಟಿತ್ ಪೊರಮೆ ಬಾ, ಇಂಞು ಅಂವೊಂಡ ಒಳ್‍ಕ್ ಪೋಪಕ್ಕಾಗ ಎಣ್ಣಿಯಂಡ್ ಆಜ್ಞೆ ಕೊಡ್‍ತತ್.

ಮಾರ್ಕ 9:25 ပူးပေါင်းရင်းမြစ်များ

ಮತ್ತಾಯ 12:22

ಆ ಸಮಯತ್‍ಲ್, ಕೂಳಿ ಪುಡ್‌ಚಗುಂಡ್ ಕಣ್ಣ್ ಕಾಂಗತ, ತಕ್ಕ್ ಪರಿಯುವಕಯ್ಯತ ಇಂಜ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್; ಯೇಸು ಅಂವೊಂಡ ಕಣ್ಣ್ ಕಾಂಬನೆಕೆ, ತಕ್ಕ್ ಪರಿಯುವನೆಕೆ ಅಂವೊನ ವಾಸಿ ಮಾಡ್‍ಚಿ.

ಮತ್ತಾಯ 17:18

ಯೇಸು ಆ ಕ್‍ಣ್ಣಂಡ ಮೇಲೆ ಉಳ್ಳ ಕೂಳಿಕ್ ಹುಕುಮ್ ಕೊಡ್‍ತತ್; ಅಕ್ಕಲೆ, ಆ ಕೂಳಿ ಅಂವೊನ ಬುಟ್ಟಿತ್ ಪೋಯಿರ್‌ತ್; ಅಕ್ಕಣೆಕ್ ಆ ಕ್‍ಣ್ಣ ವಾಸಿ ಆಚಿ.

ಮಾರ್ಕ 9:15

ಜನ ಯೇಸುನ ಕಂಡದು ಅಯಿಂಗಕ್ ದುಂಬ ಆಶ್ಚರ್ಯ ಆಯಿತ್ ಅಂವೊಂಡ ಪಕ್ಕ ಓಡಿ ಪೋಯಿತ್ ವಂದನೆ ಮಾಡ್‍ಚಿ.

ಮಾರ್ಕ 9:24

ಒಮ್ಮಕೆ ಕ್‍ಣ್ಣಂಡ ಅಪ್ಪ: ನಾಕ್ ನಿಂಗಡ ಮೇಲೆ ನಂಬಿಕೆ ಉಂಡ್, ಆಚೇಂಗಿ ಅದ್ ಪೋರಾ. ನಾನ್ ನಿಂಗಡ ಮೇಲೆ ದುಂಬ ನಂಬಿಕೆ ಇಡ್‍ವನೆಕೆ ಸಹಾಯಮಾಡಡೂಂದ್ ಕಣ್ಣೀರ್‌ಲ್ ಕೂತ್ ಕೊಡ್‍ತತ್.

ಮಾರ್ಕ 9:26

ಆ ಕೂಳಿಯು ಜೋರ್‌ಲ್ ಕೂತ್ ಕೊಡ್‌ತಂಡ್ ಆ ಕ್‌ಣ್ಣನ ನೆಲಕ್ ತಳ್ಳ್‌ವಂಜಿ ಚತ್ತನೆಕೆ ಮಾಡ್‌ವಂಜಿ ಪೊರಮೆ ಬಾತ್. ಎಲ್ಲಾರು ಈ ಕ್‍ಣ್ಣ ಚತ್ತ್ ಪೋಚೀಂದ್ ಎಣ್ಣಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:14

ಅಲ್ಲಿಂಜ, ಒರ್ ಮನುಷ್ಯನ ತಕ್ಕ್‌ಪರಿವಕ್ ಕಯ್ಯತ ಮಾಡಿತ್ಂಜ ಕೂಳಿನ ಯೇಸು ಬುಡ್‌ತ್‌ಚಿ. ಆ ಕೂಳಿ ಬುಟ್ಟಿತ್ ಪೋನ ಪಿಂಞ ಆ ಮನುಷ್ಯಂಗ್ ತಕ್ಕ್‌ಪರಿವಕ್ ಆಚಿ; ಅಲ್ಲಿ ಉಳ್ಳ ಜನಕೆಲ್ಲ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:35

ಅದ್ಂಗ್ ಯೇಸು: ನೀನ್ ಮುಂಡತೆ ಇರ್! ಈ ಮನುಷ್ಯನ ಬುಟ್ಟಿತ್ ಪೋಂದ್ ಜೋರ್ ಮಾಡ್‍ಚಿ. ಅಕ್ಕ, ಆ ಕೂಳಿ ಆ ಮನಷ್ಯನ ಎಲ್ಲಾಡ ಮಿಂಞತ್‍ಲ್ ಅಡಿಕ್ ಚಾಡ್‍ವಂಜಿ ಅಂವೊಂಗ್ ಒಂದು ತೊಂದರೆ ಆಕತನೆಕೆ ಆ ಮನುಷ್ಯನ ಬುಟ್ಟಿತ್ ಪೋಯಿರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:41

ಕೂಳಿಯಂಗ ನೀನ್ ನೇರಾಯಿತು ದೇವಡ ಮೋಂವೋಂದ್ ಕೂತ್ ಕೊಡ್‌ತಂಡ್ ದುಂಬ ಜನಳ ಬುಟ್ಟಿತ್ ಪೋಚಿ. ಆ ಕೂಳಿಯಂಗಕೆಲ್ಲ ಅಂವೊ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಗೊತ್ತ್ಂಜಗುಂಡ್ ಅಂವೊ ಅಯಿಂಗಳ ಒರ್ ತಕ್ಕು ಪರಿವಕ್ಕಾಗಾಂದ್ ಆಜ್ಞೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:29

ಎನ್ನಂಗೆಣ್ಣ್‌ಚೇಂಗಿ, ಯೇಸು ಅಂವೊನ ಪುಡ್‍ಚಿತ್ಂಜ ಕೂಳಿಕ್: ನೀನ್ ಅಂವೊನ ಬುಟ್ಟಿತ್ ಪೋಂದ್ ಆಜ್ಞೆ ಮಾಡಿತ್ಂಜತ್. ಆ ಕೂಳಿ ದುಂಬ ಕಾಲತ್ಂಜ ಇಂವೊನ ಪುಡ್‌ಚಿತ್ಂಜತ್. ಆ ಮನುಷ್ಯನ ಸರ್ಪಣಿಲ್ ಕೈಕಾಲ್‌ನ ಕೆಟ್ಟಿತ್ ಇಟ್ಟತೇಂಗಿಯು ಸರ್ಪಣಿನ ಪೊಳಿಪಂಜಿ, ಆ ಕೂಳಿ ಅಂವೊನ ಮಣಬೂಮಿಕ್ ದೌತ್‍ವಕಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:42

ಆ ಕ್‌ಣ್ಣನ ಕಾಕಿಯಂಡ್ ಬಪ್ಪಕ, ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಅಂವೊನ ಅಡಿಕ್ ತಳ್ಳಿತ್ ಅಂವೊನ ದುಂಬ ಕುಲ್‌ಕ್‍ಚಿ. ಯೇಸು ಕೂಳಿನ ಚೂಕಿತ್, ಕುಂಞಿನ ವಾಸಿ ಮಾಡಿತ್ ಅಂವೊಂಡ ಅಪ್ಪಂಡ ಪಕ್ಕ ಅಯಿಚತ್.

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.

ಯೂದ ಒಳ್‍ದ್‍ನ ಕಾಗದ 1:9

ಆಚೇಂಗಿ ಮಹಾ ದೇವದೂತನಾನ ಮಿಕಾಯೇಲ ಮೋಶೇರ ಚಾವ್ ತಡೀರ ವಿಷಯತ್‍ಲ್ ತರ್ಕ ಮಾಡ್‌ವಕಾಪಕ, ಸೈತಾನನ ದೂಷಣೆ ಮಾಡತೆ, ಒಡೆಯ ನಿನ್ನ ಗದರಿಚಿಡಡ್‍ೕಂದ್ ಎಣ್ಣ್‌ಚಿ.