ಮಾರ್ಕ 9:23 - ಕೊಡವ ಬೈಬಲ್

²³ ಯೇಸು ಅಂವೊಂಗ್: ನೀಕ್ ನಂಬಿಕೆ ಉಂಡೇಂಗಿ ಆಪ, ನಂಬಿಕೆ ಉಳ್ಳಂವೊಂಗ್ ಎಲ್ಲಾ ಆಪಾಂದ್ ಎಣ್ಣ್‌ಚಿ.

ಮಾರ್ಕ 9:23 ပူးပေါင်းရင်းမြစ်များ

ಮತ್ತಾಯ 14:29

ಯೇಸು ಬಾಂದ್ ಎಣ್ಣ್‌ಚಿ. ಅಕ್ಕ, ಪೇತ್ರ ಯೇಸುರ ಪಕ್ಕ ಪೋಪಕ್ ದೋಣಿಯಿಂಜ ಇಳಿಂಜಿತ್, ನೀರ್‌ರ ಮೇಲೆ ನಡ್ಂದತ್.

ಮತ್ತಾಯ 17:20

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಬೋಂಡಿಯಾನ ನಂಬಿಕೆ ಇಲ್ಲೆ; ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ನಿಂಗ ಈ ಕುಂದ್‌ಕ್ ನೀನ್ ಇಲ್ಲಿಂಜ ಪೋಯಿತ್ ಅಲ್ಲಿ ಇರ್‍ೕಂದ್ ಎಣ್ಣ್‌ಚೇಂಗಿ ಆ ಕುಂದ್ ಅಲ್ಲಿಕ್ ಪೋಪ; ನಿಂಗಕ್ ಮಾಡ್‌ವಕ್ ಕಯ್ಯತದ್‍ೕಂದ್ ಒಂದು ಇಲ್ಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮಾರ್ಕ 11:23

ದಾರಾಚೇಂಗಿಯು ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಎಣ್ಣಿತ್, ಅಂವೊಂಡ ಮನಸ್ಸ್‌ಲ್ ಅಂವೊ ಎಣ್ಣ್‌ನ ಪ್ರಕಾರ ನಡ್‌ಪಾಂದ್ ಅನುಮಾನ ಇಲ್ಲತೆ ನಂಬ್‍ಚೇಂಗಿ ಅದ್ ಅನ್ನನೆ ಆಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮಾರ್ಕ 9:22

ಅದ್ ಸುಮಾರ್ ಕುರಿ ಅಂವೊನ ಕೊಲ್ಲ್‌ವಕ್ ತಿತ್ತ್‌ಕ್ ಪಿಂಞ ನೀರ್‌ಕ್ ತಳ್ಳ್‌ವಕಿಂಜತ್‍ೕಂದ್ ಕ್‍ಣ್ಣಂಡ ಅಪ್ಪ ಎಣ್ಣ್‌ಚಿ. ದಯಬೆಚ್ಚಿತ್ ನಂಗಡ ಮೇಲೆ ಕನಿಕರ ಕಾಟಿತ್ ನಂಗಕ್ ಸಹಾಯ ಮಾಡ್‌ವಕ್ ಕಯ್ಯುವೇಂಗಿ ಮಾಡೀಂದ್ ಎಣ್ಣ್‌ಚಿ.

ಮಾರ್ಕ 9:24

ಒಮ್ಮಕೆ ಕ್‍ಣ್ಣಂಡ ಅಪ್ಪ: ನಾಕ್ ನಿಂಗಡ ಮೇಲೆ ನಂಬಿಕೆ ಉಂಡ್, ಆಚೇಂಗಿ ಅದ್ ಪೋರಾ. ನಾನ್ ನಿಂಗಡ ಮೇಲೆ ದುಂಬ ನಂಬಿಕೆ ಇಡ್‍ವನೆಕೆ ಸಹಾಯಮಾಡಡೂಂದ್ ಕಣ್ಣೀರ್‌ಲ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:6

ಅದ್ಂಗ್ ಯೇಸು: ನಿಂಗಕ್ ನಾಡ ಮೇಲೆ ಕಡು ಕುರುರಚ್ಚಕ್ ನಂಬಿಕೆ ಉಂಡೇಂಗಿ, ಒರ್ ಅತ್ತಿ ಮರಕ್: ನೀನ್ ಬೇರೋಡೆ ಸಮುದ್ರಕ್ ಬೂಳ್‍ೕಂದ್ ಎಣ್ಣ್‌ಚೇಂಗಿ, ಆ ಮರ ನಿಂಗಡ ತಕ್ಕ್ ಕ್‍ೕಟಿತ್ ಬುದ್ದ್‌ಪೋಪಾಂದ್ ಎಣ್ಣ್‌ಚಿ.

ಯೋಹಾನ 11:40

ಅಕ್ಕ ಯೇಸು ಅವಳ ನೋಟಿತ್: ನೀಕ್ ನಾಡ ಮೇಲೆ ನಂಬಿಕೆ ಇಂಜತೇಂಗಿ ದೇವಡ ಮಹಿಮೆನ ಕಾಂಬಿಯಾಂದ್ ನಾನ್ ನೀಕ್ ಎಣ್ಣಿತಿಲ್ಲೆಯಾಂದ್ ಎಣ್ಣ್‌ಚಿ.

ಅಪೊಸ್ತಲ 14:9

ಪೌಲ ಪರಿಯುವ ತಕ್ಕ್‌ನ ಅಂವೊ ಅನ್ನನೆ ಕ್‍ೕಟಂಡ್ ಇಂಜತ್. ಪೌಲ ಅಂವೊಂಡ ಮೂಡ್‍ನ ನೋಟಿತ್, ವಾಸಿಯಾಪಕ್ ಬೋಂಡಿಯಾನ ನಂಬಿಕೆ ಅಂವೊಂಗ್ ಉಂಡ್‍ೕಂದ್ ಗೊತ್ತಾಯಿತ್:

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.