ಮಾರ್ಕ 9:18 - ಕೊಡವ ಬೈಬಲ್

¹⁸ ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಎಕ್ಕ ಅಂವೊನ ಪುಡಿಪೊ ಅಕ್ಕ ಅಂವೊನ ನೆಲಕ್ ತಳ್ಳಿರ್‌ವ. ಪಲ್ಲ್‌ಕಡ್‌ಪ್‌ಚಿಟ್ಟಿತ್ ಬಾಯಿಲ್ ನೊರೆ ಬಪ್ಪ್‌ಚಿಡ್‍ವ, ಪಿಂಞ ದಾರ್‌ಕು ಅಂವೊಂಡ ಮೇಲ್‌ನ ಅಲ್ಲಾಡ್‌ವಕ್ ಕಯ್ಯುಲೆ. ನೀಡ ಶಿಷ್ಯಂಗಕ್ ಅಂವೊಂಡ ಕೂಳಿನ ಬುಡ್‌ತುವಕ್ ನಾನ್ ಎಣ್ಣಿಯೆ, ಆಚೇಂಗಿ ಅಯಿಂಗಕ್ ಕಯಿಂಜಿತ್‌ಲ್ಲೇಂದ್ ಯೇಸುರ ಪಕ್ಕ ಎಣ್ಣ್‌ಚಿ.

ಮಾರ್ಕ 9:18 ပူးပေါင်းရင်းမြစ်များ

ಮತ್ತಾಯ 15:22

ಅಕ್ಕ ಅಲ್ಲಿ ಒರ್ ಕಾನಾನ್ಯ ದೇಶತ್‍ರ ಪೊಣ್ಣಾಳ್ ಯೇಸುರ ಪಕ್ಕ ಬಂದಿತ್: ಒಡೆಯನೇ, ದಾವೀದಂಡ ಮೋಂವೊನೇ, ನಾಡ ಮೇಲೆ ಕನಿಕರ ಕಾಟ್; ನಾಡ ಮೋವಕ್ ಕೂಳಿ ಪುಡ್‌ಚಿತ್ ಬಲ್ಯ ಕಷ್ಟತ್‍ಲ್ ಉಂಡ್‍ೕಂದ್ ಎಣ್ಣಿತ್ ಕಾಕ್‍ಚಿ.

ಮತ್ತಾಯ 17:16

ನಾನ್ ಅಂವೊನ ನೀಡ ಶಿಷ್ಯಂಗಡ ಪಕ್ಕ ಕಾಕಿಯಂಡ್ ಬಂದಿಯೆ, ಆಚೇಂಗಿ ಅಯಿಂಗಕ್ ಅಂವೊನ ವಾಸಿ ಮಾಡ್‌ವಕ್ ಕಯಿಂಜಿತ್‌ಲ್ಲೇಂದ್ ಎಣ್ಣ್‌ಚಿ.

ಮತ್ತಾಯ 8:12

ಆಚೇಂಗಿ ರಾಜ್ಯತ್‍ರ ಮಕ್ಕಳ ಪೊರಮೆ ಇರ್‌ಟ್‌ಲ್ ತಳ್ಳಿರ್‌ವ. ಅಲ್ಲಿ ಮೊರಟಂಡ್, ಪಲ್ಲ್ ಕಡಿಚಂಡ್ ನರಳಿಯಂಡ್ ಇಪ್ಪ.

ಮಾರ್ಕ 11:23

ದಾರಾಚೇಂಗಿಯು ಈ ಕುಂದ್‌ಕ್ ಏಳ್, ನೀನ್ ಆ ಸಮುದ್ರಕ್ ಬುದ್ದ್‌ಪೋಂದ್ ಎಣ್ಣಿತ್, ಅಂವೊಂಡ ಮನಸ್ಸ್‌ಲ್ ಅಂವೊ ಎಣ್ಣ್‌ನ ಪ್ರಕಾರ ನಡ್‌ಪಾಂದ್ ಅನುಮಾನ ಇಲ್ಲತೆ ನಂಬ್‍ಚೇಂಗಿ ಅದ್ ಅನ್ನನೆ ಆಪಾಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮಾರ್ಕ 9:17

ಜನಡ ಗುಂಪ್‍ಯಿಂಜ ಒರ್ ಮನುಷ್ಯ; ನಾನ್ ನಾಡ ಮೋಂವೊನ ನೀಡ ಪಕ್ಕ ಕಾಕಿಯಂಡ್ ಬಂದಿತುಳ್ಳ, ಅಂವೊಂಡ ಮೇಲ್‌ಲ್ ಕೂಳಿ ಪುಡ್‌ಚಿತುಂಡ್, ಅಂವೊಂಗ್ ತಕ್ಕ್ ಪರಿಯುವಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಮಾರ್ಕ 9:19

ಅದ್ಂಗ್ ಯೇಸು: ನಂಬಿಕೆ ಇಲ್ಲತ ಸಂತಾನಕಾರಳೇ, ನಿಂಗಡ ಕೂಡೆ ಎಚ್ಚಕ್ ಕಾಲ ನಾನ್ ತಾಳ್ಮೆಯಾಯಿತ್ ಇಪ್ಪಕ್ ಕಯ್ಯು? ನೀಡ ಮೋಂವೊನ ಇಲ್ಲಿ ಕಾಕಿಯಂಡ್ ಬಾಂದ್ ಆ ಕ್‍ಣ್ಣಂಡ ಅಪ್ಪಂಗ್ ಎಣ್ಣ್‌ಚಿ.

ಮಾರ್ಕ 9:20

ಅಲ್ಲಿ ಉಳ್ಳಯಿಂಗ ಕ್‌ಣ್ಣನ ಕಾಕಿಯಂಡ್ ಬಾತ್. ಆ ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿ ಯೇಸುನ ಕಂಡದು ಆ ಕ್‌ಣ್ಣನ ನೆಲಕ್ ತಳ್ಳಿತ್ ಅಂವೊನ ಅಲ್ಲಾಡ ಕಯ್ಯತನೆಕೆ ಮಾಡ್‍ಚಿ, ನೆಲತ್‌ಲ್ ಆ ಕ್‍ಣ್ಣ ಉರುಳಾಡ್‍ಚಿ, ಬಾಯಿಲ್ ನೊರೆ ಬಪ್ಪ್‌ಚಿಟ್ಟತ್.

ಮಾರ್ಕ 9:26

ಆ ಕೂಳಿಯು ಜೋರ್‌ಲ್ ಕೂತ್ ಕೊಡ್‌ತಂಡ್ ಆ ಕ್‌ಣ್ಣನ ನೆಲಕ್ ತಳ್ಳ್‌ವಂಜಿ ಚತ್ತನೆಕೆ ಮಾಡ್‌ವಂಜಿ ಪೊರಮೆ ಬಾತ್. ಎಲ್ಲಾರು ಈ ಕ್‍ಣ್ಣ ಚತ್ತ್ ಪೋಚೀಂದ್ ಎಣ್ಣಿಯಂಡಿಂಜತ್.

ಅಪೊಸ್ತಲ 7:54

ಈ ತಕ್ಕ್‌ನೆಲ್ಲಾ ಅಯಿಂಗ ಕ್‍ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್‌ನ ಕಡಿಚತ್.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.