ಮಾರ್ಕ 9:17 - ಕೊಡವ ಬೈಬಲ್

¹⁷ ಜನಡ ಗುಂಪ್‍ಯಿಂಜ ಒರ್ ಮನುಷ್ಯ; ನಾನ್ ನಾಡ ಮೋಂವೊನ ನೀಡ ಪಕ್ಕ ಕಾಕಿಯಂಡ್ ಬಂದಿತುಳ್ಳ, ಅಂವೊಂಡ ಮೇಲ್‌ಲ್ ಕೂಳಿ ಪುಡ್‌ಚಿತುಂಡ್, ಅಂವೊಂಗ್ ತಕ್ಕ್ ಪರಿಯುವಕ್ ಕಯ್ಯುಲೇಂದ್ ಎಣ್ಣ್‌ಚಿ.

ಮಾರ್ಕ 9:17 ပူးပေါင်းရင်းမြစ်များ

ಮತ್ತಾಯ 12:22

ಆ ಸಮಯತ್‍ಲ್, ಕೂಳಿ ಪುಡ್‌ಚಗುಂಡ್ ಕಣ್ಣ್ ಕಾಂಗತ, ತಕ್ಕ್ ಪರಿಯುವಕಯ್ಯತ ಇಂಜ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್; ಯೇಸು ಅಂವೊಂಡ ಕಣ್ಣ್ ಕಾಂಬನೆಕೆ, ತಕ್ಕ್ ಪರಿಯುವನೆಕೆ ಅಂವೊನ ವಾಸಿ ಮಾಡ್‍ಚಿ.

ಮತ್ತಾಯ 17:15

ಯೇಸುನ ನೋಟಿತ್: ಒಡೆಯನೇ, ನಾಡ ಮೋಂವೊಂಡ ಮೇಲೆ ಕನಿಕರ ಕಾಟ್, ಅಂವೊಂಗ್ ಸೊಯ ತಪ್ಪಿ ಪೋಪ ಕಾಯಿಲೆ ಉಂಡ್. ಅಂವೊ ಅಕ್ಕಕ್ಕ ತಿತ್ತ್‌ಕ್ ಪಿಂಞ ನೀರ್‌ಕ್ ಬುದ್ದ್‌ರ್‌ವ, ಇನ್ನನೆ ಅಂವೊ ದುಂಬ ಕಷ್ಟಪಟ್ಟಂಡುಂಡ್.

ಮತ್ತಾಯ 9:32

ಯೇಸು ಪಿಂಞ ಅಂವೊಂಡ ಶಿಷ್ಯಂಗ ಅಲ್ಲಿಂಜ ಪೊರಡ್‍ವಕ, ಚೆನ್ನ ಜನ, ಕೂಳಿ ಪುಡ್‌ಚಿತ್ ಬಾಯಿ ಬಕ್ಕತೆ ಉಳ್ಳ ಒರ್ ಮನುಷ್ಯನ ಯೇಸುರ ಪಕ್ಕ ಕಾಕಿಯಂಡ್ ಬಾತ್.

ಮಾರ್ಕ 10:13

ಯೇಸು ಮುಟ್ಟ್‌ವಕಾಯಿತ್ ಚೆನ್ನ ಜನ ಚೆರಿಯ ಮಕ್ಕಳ ಕಾಕಿಯಂಡ್ ಬಾತ್. ಆಚೇಂಗಿ ಯೇಸುರ ಶಿಷ್ಯಂಗ ಅಯಿಂಗಕ್ ಜೋರ್ ಮಾಡ್‍ಚಿ.

ಮಾರ್ಕ 5:23

ನಾಡ ಮೂಡಿ ಕುಂಞಿ ದುಂಬ ಕಾಯಿಲೆಲ್ ಬುದ್ದಿತ್ ಉಂಡ್, ನೀನ್ ದಯಬೆಚ್ಚಿತ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಯ್ಯಿ; ಅಕ್ಕ ಅವಡ ಕಾಯಿಲೆ ವಾಸಿಯಾಯಿತ್ ಬದ್‌ಕ್‌ವಾಂದ್ ಬಕ್ತಿಲ್ ಬೋಡಿಯಂಡತ್.

ಮಾರ್ಕ 7:26

ಅವ ಸಿರಿಯ ದೇಶತ್‍ರ ಪೊಯಿನಿಕ ಪ್ರಾಂತ್ಯತ್‌ಳುಲ್ಲ ಗ್ರೀಕ್ ತಕ್ಕ್ ಪರಿಯುವ ಪೊಣ್ಣಾಳಾಯಿತ್ಂಜತ್. ಅವ, ನಾಡ ಮೋವಳ ಪುಡ್‌ಚಿತುಳ್ಳ ಕೂಳಿನ ಬುಡ್‍ತಿ ಎಣ್ಣಿಯಂಡ್ ಬೋಡಿಯಂಡತ್.

ಮಾರ್ಕ 9:16

ಅಂವೊ ದೇವಡ ವಾಕ್ಯತ್‍ರ ಉಪಾದ್ಯಂಗಳ ನೋಟಿತ್, ನಿಂಗೆಲ್ಲಾರು ಎಂತ ತರ್ಕ ಮಾಡಿಯಂಡುಳ್ಳಿರಾಂದ್ ಕ್‍ೕಟತ್.

ಮಾರ್ಕ 9:18

ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಎಕ್ಕ ಅಂವೊನ ಪುಡಿಪೊ ಅಕ್ಕ ಅಂವೊನ ನೆಲಕ್ ತಳ್ಳಿರ್‌ವ. ಪಲ್ಲ್‌ಕಡ್‌ಪ್‌ಚಿಟ್ಟಿತ್ ಬಾಯಿಲ್ ನೊರೆ ಬಪ್ಪ್‌ಚಿಡ್‍ವ, ಪಿಂಞ ದಾರ್‌ಕು ಅಂವೊಂಡ ಮೇಲ್‌ನ ಅಲ್ಲಾಡ್‌ವಕ್ ಕಯ್ಯುಲೆ. ನೀಡ ಶಿಷ್ಯಂಗಕ್ ಅಂವೊಂಡ ಕೂಳಿನ ಬುಡ್‌ತುವಕ್ ನಾನ್ ಎಣ್ಣಿಯೆ, ಆಚೇಂಗಿ ಅಯಿಂಗಕ್ ಕಯಿಂಜಿತ್‌ಲ್ಲೇಂದ್ ಯೇಸುರ ಪಕ್ಕ ಎಣ್ಣ್‌ಚಿ.

ಮಾರ್ಕ 9:25

ಅಕ್ಕ ಜನ ಅಂವೊಂಡ ಪಕ್ಕ ಓಡಿ ಬಪ್ಪದ್‍ನ ಯೇಸು ಕಂಡ್, ಕ್‍ಣ್ಣಂಡ ಮೇಲ್‌ಲ್ ಉಳ್ಳ ಕೂಳಿನ ನೋಟಿತ್: ಮೂಗ ಪಿಂಞ ಚೌಡ್ ಕೂಳಿಯೇ ಆ ಕ್‌ಣ್ಣನ ಬುಟ್ಟಿತ್ ಪೊರಮೆ ಬಾ, ಇಂಞು ಅಂವೊಂಡ ಒಳ್‍ಕ್ ಪೋಪಕ್ಕಾಗ ಎಣ್ಣಿಯಂಡ್ ಆಜ್ಞೆ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:14

ಅಲ್ಲಿಂಜ, ಒರ್ ಮನುಷ್ಯನ ತಕ್ಕ್‌ಪರಿವಕ್ ಕಯ್ಯತ ಮಾಡಿತ್ಂಜ ಕೂಳಿನ ಯೇಸು ಬುಡ್‌ತ್‌ಚಿ. ಆ ಕೂಳಿ ಬುಟ್ಟಿತ್ ಪೋನ ಪಿಂಞ ಆ ಮನುಷ್ಯಂಗ್ ತಕ್ಕ್‌ಪರಿವಕ್ ಆಚಿ; ಅಲ್ಲಿ ಉಳ್ಳ ಜನಕೆಲ್ಲ ದುಂಬ ಆಶ್ಚರ್ಯ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:38

ಆ ಜನಡ ಗುಂಪ್‍ಯಿಂಜ ಒರ್ ಮನುಷ್ಯ ಕೂತ್ ಕೊಡ್‍ತತ್: ನಾಡ ಮೋಂವೊನ ಕಾಪಾಡ್, ನಾಕ್ ಅಂವೊ ಒರೇ ಮೋಂವೊ.

ಯೋಹಾನ 4:47

ಯೇಸು ಯೂದಾಯ ಪ್ರಾಂತ್ಯತ್ಂಜ ಗಲಿಲಾಯಕ್ ಬಾತ್‍ೕಂದ್ ಕ್‍ೕಟಿತ್, ಅಂವೊ, ಯೇಸುರ ಪಕ್ಕ ಬಂದಿತ್, ಚಾವನೆಕೆ ಉಳ್ಳ ನಾಡ ಮೋಂವೊನ ನೀನ್ ಬಂದಿತ್ ವಾಸಿ ಮಾಡಂಡೂಂದ್ ಕ್‍ೕಟಂಡತ್.