ಮಾರ್ಕ 9:1 - ಕೊಡವ ಬೈಬಲ್

¹ ಪುನಃ ಯೇಸು: ಇಲ್ಲಿ ಉಳ್ಳ ಚೆನ್ನ ಜನ ದೇವಡ ರಾಜ್ಯ, ದೇವಡ ಶಕ್ತಿಲ್ ಬಪ್ಪದ್‍ನ ಕಾಂಗತೆ ಅಯಿಂಗ ಚಾವ್‍ಲೇಂದ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಮಾರ್ಕ 9:1 ပူးပေါင်းရင်းမြစ်များ

ಮತ್ತಾಯ 16:28

ಇಲ್ಲಿ ಉಳ್ಳ ಚೆನ್ನ ಜನ ಮನುಷ್ಯಕುಮಾರ ತಾಂಡ ರಾಜ್ಯತ್‍ಲ್ ಆಳುವಕಾಯಿತ್ ಬಪ್ಪದ್‍ನ ಕಾಂಬಕತ್ತನೆ ಚಾವ್‍ಲೇಂದ್ ನೇರಾಯಿತು ನಿಂಗಕ್ ಎಣ್ಣ್‌ವಿ.

ಮತ್ತಾಯ 24:30

ಅಕ್ಕ ಮನುಷ್ಯಕುಮಾರಂಡ ಗುರ್‌ತ್ ಬಾನತ್‍ಲ್ ಕಾಂಬ. ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಾನತ್‍ಲ್ ಬಪ್ಪದ್‍ನ ಈ ಲೋಕತ್‍ಲ್ ಉಳ್ಳ ಎಲ್ಲಾ ಜನಳು ಕಂಡಿತ್ ಮೊರಡ್‍ವ.

ಮತ್ತಾಯ 25:31

ಮನುಷ್ಯಕುಮಾರ ತಾಂಡ ಮಹಿಮೆಲ್ ಅಂವೊಂಡ ದೂತಂಗಡ ಕೂಡೆ ಬಪ್ಪಕ, ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ತಿತ್‌ಪ್ಪ.

ಮಾರ್ಕ 13:26

ಅಕ್ಕ ಮನುಷ್ಯಕುಮಾರ ದುಂಬ ಶಕ್ತಿಲ್, ದುಂಬ ಮಹಿಮೆಲ್ ಮೋಡತ್‍ಲ್ ಬಪ್ಪದ್‍ನ ಕಾಂಬ.

ಮಾರ್ಕ 13:30

ಈ ಘಟನೆಯೆಲ್ಲ ಆಪಕ್ ಮಿಂಞ ಈ ಸಂತಾನ ಪಾಳಾಯಿ ಪೋಪುಲೇಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:26

ಒಡೆಯ ವಾಗ್ದಾನ ಮಾಡ್‍ನ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನ ಅಂವೊ ಕಾಂಗತೆ ಚಾವುಲೇಂದ್ ಪವಿತ್ರಾತ್ಮ ಅಂವೊಂಗ್ ಎಣ್ಣಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:18

ನಾನ್ ದೇವಡ ರಾಜ್ಯತ್‍ಲ್ ಪುದಿಯ ರಸತ್‌ನ ಕುಡಿಪಕತ್ತನೆ ಈ ದ್ರಾಕ್ಷಿರಸತ್‍ನ ಕುಡಿಪ್‌ಲೇಂದ್ ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:30

ನಾಡ ರಾಜ್ಯತ್‍ಲ್ ನಾಡ ಕೂಡೆ ನಿಂಗ ಉಂಬಿರ, ಕುಡಿಪಿರ. ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಒಬ್ಬೊಬ್ಬನು ಅಳ್‌ಪಿರಾಂದ್ ಅಯಿಂಗಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:27

ಇಲ್ಲಿ ಉಳ್ಳ ಚೆನ್ನ ಜನ ದೇವಡ ರಾಜ್ಯತ್‍ನ ಕಾಂಗತೆ ಚಾವ್‍ಲೇಂದ್ ನಿಂಗಕ್ ನಾನ್ ನೇರಾಯಿತು ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 21:23

ಯೇಸು ಇನ್ನನೆ ಎಣ್ಣ್‌ನ ವಿಷಯ ಎಲ್ಲಾರ್‌ಕು ಪಬ್ಬ್‌ವಕ, ಈ ಶಿಷ್ಯ ಚಾವ್‍ಲೇಂದ್ ಯೇಸುನ ನಂಬ್‍ನ ಜನ ಗೇನ ಮಾಡ್‍ಚಿ. ಆಚೇಂಗಿ, ಯೇಸು ಈ ಶಿಷ್ಯ ಚಾವ್‍ಲೇಂದ್ ಎಣ್ಣಿತ್‌ಲ್ಲೆ, ನಾನ್ ಬಪ್ಪಕತ್ತನೆ ಇಂವೊ ಬದ್‌ಕಿತ್ ಇಪ್ಪಕ್ ನಾಕ್ ಕುಶಿ ಉಂಡೇಂಗಿ, ನೀಕ್ ಎಂ‍ತಾಂದ್ ಮಾತ್ರ ಎಣ್ಣಿತ್ಂಜತ್.

ಇಬ್ರಿಯ 2:9

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.