ಮಾರ್ಕ 8:35 - ಕೊಡವ ಬೈಬಲ್

³⁵ ದಾರ್‌ಕ್ ತಾಂಡ ಜೀವತ್‍ನ ಕಾಪಾಡ್‌ವಕ್ ಆಸೆ ಉಂಡೋ ಅಂವೊ ಅದ್‍ನ ಕಳೆಯುವ. ಆಚೇಂಗಿ ದಾರ್ ನಾಕಾಯಿತ್, ನಾಡ ನಲ್ಲ ಸುದ್ದಿಕಾಯಿತ್ ಜೀವತ್‍ನ ಕಳೆಯುವ ಅಂವೊ ಅದ್‍ನ ಕಾಪಾಡ್‌ವ.

ಮಾರ್ಕ 8:35 ပူးပေါင်းရင်းမြစ်များ

ಮತ್ತಾಯ 10:22

ನಾಡಗುಂಡ್ ಎಲ್ಲಾ ಜನಳು ನಿಂಗಳ ದ್ವೇಶಿಚುಡುವ, ಆಚೇಂಗಿ ಕಡೇಕತ್ತನೆ ದೃಡವಾಯಿತ್ ನಂಬಿಕೇಲ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟ್‌ವ.

ಮತ್ತಾಯ 10:39

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡ್‍ವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ನಾಕಾಯಿತ್ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ಮತ್ತಾಯ 16:25

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡುವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ಅಂವೊ ಅಂವೊಂಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮಾರ್ಕ 8:36

ಅಂವೊ ಈ ಲೋಕತ್‍ಲ್ ಉಳ್ಳಾನೆಲ್ಲಾ ತಾಂಗ್ ಸ್ವಂತವಾಯಿತ್ ಮಾಡ್‍ಚೇಂಗಿಯು, ಅಂವೊ ತಾಂಡ ಜೀವನತ್‌ನ ಪಾಳ್ ಮಾಡ್‍ಚೇಂಗಿ, ಅಂವೊಂಗ್ ಎಂತ ಲಾಬ? ಅಂವೊ ನಿತ್ಯ ಜೀವ ಇಲ್ಲತೆ ಚತ್ತ್ ಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:33

ತಾಂಡ ಜೀವತ್‍ನ ಕಾಪಾಡ್‌ವಕ್ ನೋಟ್‍ವಂವೊ ಅದ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ಇಲ್ಲಿ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:24

ದಾರ್‌ಕ್ ತಾಂಡ ಜೀವತ್‍ನ ಕಾಪಾಡ್‌ವಕ್ ಆಸೆ ಉಂಡೋ ಅಂವೊ ಅದ್‍ನ ಕಳೆಯುವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಬದ್‍ಕ್‍ನ ಕಳೆಯುವ ಅಂವೊ ಅದ್‍ನ ಕಾಪಾಡ್‌ವ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:16

ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ಕೊರಿಂಥ 12:10

ಆನಗುಂಡ್, ಕ್ರಿಸ್ತಂಗಾಯಿತ್ ನಾಕ್ ಬಪ್ಪ ಬಲಹೀನವಾನ ವಿಷಯತ್‍ಲ್, ಜನ ಎಣ್ಣುವ ದೂಷಣೇಲ್, ಹಿಂಸೇಲ್, ಕಷ್ಟತ್‍ಲ್, ದುಃಖತ್‍ಲ್ ನಾನ್ ಕುಶಿಪಟ್ಟಂಡುಳ್ಳ. ಅನ್ನನೆ, ನಾನ್ ಬಲಹೀನವಾಯಿತ್ ಇಪ್ಪಕಲೆ ಬಲ ಉಳ್ಳಂವೊನಾಯಿತುಳ್ಳ.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

ಇಬ್ರಿಯ 11:35

ಚತ್ತ್ ಪೋನಯಿಂಗಳ, ಪೊಣ್ಣಾಳುವ ಪುನಃ ಜೀವತ್‍ಲ್ ಪಡ್ಂದತ್; ಬೋರೆ ಚೆನ್ನ ಜನ ಬಲ್ಯ ವಿಶೇಷವಾಯಿತುಳ್ಳ ಜೀವತ್‍ನ ಪಡೆಯುವಕಾಯಿತ್ ಬುಡುಗಡೆ ಆಪಕ್ ಒತ್ತತೆ, ಹಿಂಸೆನೆ ಸಹಿಸಿಯಂಡತ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.