ಮಾರ್ಕ 8:29 - ಕೊಡವ ಬೈಬಲ್

²⁹ ಪಿಂಞ ಯೇಸು ಅಯಿಂಗಳ ನೋಟಿತ್: ಆಚೇಂಗಿ ನಿಂಗ ನನ್ನ ದಾರ್‍ೕಂದ್ ಎಣ್ಣುವಿರಾಂದ್ ಕ್‍ೕಟತ್. ಅದ್ಂಗ್ ಪೇತ್ರ: ನೀನ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ಎಣ್ಣ್‌ಚಿ.

ಮಾರ್ಕ 8:29 ပူးပေါင်းရင်းမြစ်များ

ಮಾರ್ಕ 4:11

ದೇವಡ ರಾಜ್ಯತ್‍ರ ಗುಟ್ಟ್ ನಿಂಗಕ್ ಗೊತ್ತಾಪನೆಕೆ ಮಾಡಿತುಂಡ್. ಆಚೇಂಗಿ ಪರಲೋಕಕ್ ಪೊರಮೆವುಳ್ಳ ಜನ ಇದ್‍ನೆಲ್ಲಾ ಕಥೇರ ರೂಪತ್‌ಲ್ ಕ್‍ೕಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:20

ಪಿಂಞ ಯೇಸು ಅಯಿಂಗಳ ನೋಟಿತ್: ಆಚೇಂಗಿ ನಿಂಗ ನನ್ನ ದಾರ್‍ೕಂದ್ ಎಣ್ಣುವಿರಾಂದ್ ಕ್‍ೕಟತ್. ಅದ್ಂಗ್ ಪೇತ್ರ: ನೀನ್ ದೇವ ಗೊತ್ತ್ ಮಾಡಿತ್ ಅಯಿಚ ದೇವಡ ಕ್ರಿಸ್ತಾಂದ್ ಎಣ್ಣ್‌ಚಿ.

ಯೋಹಾನ 11:27

ಅದ್ಂಗ್ ಅವ: ಅಕ್ಕು ಒಡೆಯನೇ, ನೀನೇ ಕ್ರಿಸ್ತಾಂದ್ ನಂಬುವಿ, ನೀನೇ ಈ ಲೋಕಕ್ ಬಪ್ಪಕುಳ್ಳ ದೇವಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?

ಯೋಹಾನ 6:69

ನೀನ್ ಜೀವವಾಯಿತುಳ್ಳ ದೇವಡ ಪವಿತ್ರವಾನಂವೋಂದ್ ನಂಗಕ್ ಗೊತ್ತಾನಗುಂಡ್ ನಿನ್ನ ನಂಬಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

1 ಪೇತ್ರ 2:7

ಆನಗುಂಡ್, ಅದ್ಂಡಮೇಲೆ ನಂಬಿಕೆ ಬೆಪ್ಪ ನಿಂಗಕ್ ಅದ್ ಅಮುಲ್ಯವಾನದ್, ಆಚೇಂಗಿ, ಅದ್‍ನ ನಂಬತಯಿಂಗಕ್, ಅದ್: ಮನೆ ಕೆಟ್ಟ್‌ವಯಿಂಗ ಬೋಂಡಾಂದ್ ತಿರಸ್ಕಾರ ಮಾಡ್‍ನ ಆ ಕಲ್ಲೇ, ಮನೆರ ಮುಕ್ಯವಾನ ಕಲ್ಲಾಚಿ

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.